السلام عليكم اي احد يبي يستفسر عن هيوستن انا حاضر

هلا فيك وحياك الله

الله يشفي مريضكم ان شا الله .

اي مستشفى واي خطوط ؟

سلام عليكم صباح الخير

اذا ممكن تفيدوني بنقاط اخواني

١-طريقة سير الرحلة لهيوستن وكيف احجز

٢- شفت ان فيه ورقة تعبيها وانت في الطيارة ياليت احد يشرحلي

٣- سمعت بالملتقى انه لازم اخبر على ما اظن مكتب الهجرة اذا صحيح كيف الطريقة

٤- كم اسعار الشقق للعوائل

٥- الضرائب هل مرتفعة ولا متوسطة

٦- باذن الله راح اجي قبل الدراسة ٢٠ يوم كم المصروف يكفي بالريال السعوي

جزاكم الله خير ورحم الله والديكم ووفقكم لما يحبه ويرضاه

انتظر ردكم بارك الله فيكم


( تمت المشاركة باستخدام تطبيق مبتعث )

يا هلا فيك

١- من ناحية خط السير فيعتمد على اي خطوط راح تاخذ ( القطريه = الرياض او جده الى الدوحه ثم هيوستن ، الاماراتيه = الرياض او جده الى دبي ثم هيوستن، السعوديه = الرياض او جده الى نيويورك ثم هيوستن بخطوط امريكيه )

٢- الورقه هذي اسمها اي ناينتي فور . ما تعبي شي الغوها وصارت الكترونيه يعني لا وصلت هيوستن باذن الله بعدين تعبيها براحتك .
٣- مكتب الهجره هذي تعدي عليه لاجيت تدخل من المطار لامريكا لانهم يشيكون على كل شي .. طبعا الوضع طبيعي .
٤- اسعار الشقق تختلف من مكان لاخر وحسب فخامة السكن .. من الف دولار الى الف وثمان او الفين .
٥- الضرائب معتدله ثمانيه وربع بالميه .
٦- والله يعتمد على مصاريفك وكيف تصرف وهل انت لحالك او معك عائله . لكن المتوسط للشخص خلال شهر ( مع السكن وكل شي ) تقريبا ١٠ الاف الى ١٥ الف ريال .

ويا هلا فيك .

تسلم الله يرحم والديك

الورقة اللي صارت الالكترونية كيف اكتب بيناتها ومن اي موقع؟

مكتب الهجرة ايش يطلب مني عشان اجهز له


بارك الله فيك


( تمت المشاركة باستخدام تطبيق مبتعث )

ما يحتاج تقلق من شي .. الورقه لا وصلت هنا بالسلامه راح تعرف تعبيها ولو بعد شهر الامر بسيط .
ومكتب الهجره او الامقريشن ما يحتاج تجهز شي .. ياخذون جوازك يشيكون عليه ويسالونك اذا اول مره تجي وزي كذا .. الموضوع ما يحتاج تقلق لا تشيل هم .

الله يسمع منك ويعطيك العافيه
اسم المستشفى ام دي اندرسون
الخطوط لسى ما اخذ التاشيره ولا التذاكر في موعد مقابله الاسبوع الجاي عشان كذا اسألك .
وشكرا الف شكر على الاخلاق الاكثر من رائعه
واتمنى لو تفيدنا عن السكن المناسب واين يقع

الله يسمع منك ويعطيك العافيه
اسم المستشفى ام دي اندرسون
الخطوط لسى ما اخذ التاشيره ولا التذاكر في موعد مقابله الاسبوع الجاي عشان كذا اسألك .
وشكرا الف شكر على الاخلاق الاكثر من رائعه
واتمنى لو تفيدنا عن السكن المناسب واين يقع

السلام عليكم ورحمة الله وبركاته
عندي كم استفسار اتمنى تفيدوني
1-ابغى سكن قريب من معهد els عبارة عن غرفة وحمام ومطبخ تكون امان ونظيفة اكتر شي.
2-زوجي يبغى يشتري سيارة عادي يسوق بالرخصة السعودية او ايش الحل او يقدم على رخصة من المكاتب الموجودة بالسعودية.
3-افضل مستشفى مغطى بالتأمين ايش هو .

( تمت المشاركة باستخدام تطبيق مبتعث )

ابد وانا اخوك ابشر بالطيب وابشر بالخير .. انت لا طلعت تاشيرتك وضبطت امورك عطني خبر وابشر بسعدك . لا تشيل هم .

وعليكم السلام ورحمة الله

١- الاسكانات تعتمد على ميزانيتك . كيف ميزانيتك . وكل شي متوفر .
٢- يقدر يشتري سياره ويقدر يسوق لكن الرخصه السعوديه للاسف ما تمشي الا ستة اشهر هذا اذا تساهلوا . لكن موضوع استخراج الرخصه الامريكية سهل . اذا وصلتم بالسلامه يقدم عالرخصه الامريكية وان شا الله تتسهل .
٣- كل المستشفيات تقريبا مغطاه بالتامين . وفيه عندنا بهيوستن افضل مجمع طبي في امريكا ( الميديكال سنتر ) وفيه خدمة الترجمه بعد . والتامين يغطيه بعد .

بالتوفيق