أي استفسار عن معهد ELS أو ولاية إنديانا أو عاصمتها إنديانابوليس .. أنا في الخدمة

سلام عليكم اخوي انا طالع معهدels اللي في انديانا ان شاء الله شهر 5 وسويت اوراقي وكل شي بس اتفاجئت لما دخلت قريب على موقع وزارة التعليم وماحصلتو موجود من المعاهد المعترفة بس حصلت معهد ثاني في نفس المدينة ومكتوب تابع لجامعة Ivy Tech Community College وحصلتو متكدس يعني معهد elsلاهم كاتبين عليه انو متكدس ولا كاتبين عليه متاح ولاهو موجود اساسا ايش معناه

السلام عليكم كيف حالكم ..؟؟

لاهنتوا كيف أحصل على قبول معهد , للتقديم على الفيزا , وهل لابد أن أدفع للمعهد مبلغ مالي للقبول المبدئي , لأن ممكن مايكون المعهد اللي أبغاه " قابل للتغيير " للفيزا فقط ؟؟

حياك الله ..
يبدو لي إن المعهد حالياً متكدس بكثرة الطلاب .. لكن هل موقف أم لا ، الله أعلم .
أنا أدرس في المعهد من 8 شهور تقريباً ما مر عليَّ مثل زحمته الأيام هذي ،
حتى لاحظت إن إدارة المعهد صارت حريصة على تصفية بعض الطلاب المتعثرين بكثرة ..
أقترح عليك مراسلة الوزارة أو الملحقية لأخذ فكرة دقيقة ،

لكن السؤال الأهم : أنت جاي على حسابك ؟
إذا كان جوابك : نعم ، فموضوع التكدس والفتح أو الإغلاق لا يعنيك !
لأن المعهد معترف به كجهة تقدم اللغة ،
وهذا لا يعنيك حين طلب الضم أو في المواصلة للدراسة الجامعية ،
وأتوقع من كلامك أن إدارة المعهد أرسلت لك القبول ،
واللي أظن أن وضعك في كل الأحوال ماشي ،
في بعض الأحوال يرفع الاسم من قائمة المعاهد في موقع الوزارة مؤقتاً لتكدسه بالطلاب ،
يعني قبل شهر تقريباً كان المعهد موجود في القائمة اللي أشرت لها ،

لكن في الأخير .. ما أنصحك تروح للمعهد الآخر ،
ما لي فيه تجربة .. لكن ممكن تراجع بعض الردود هنا عنه وتاخذ فكرة أوسع ،
وأنا في الخدمة الله يحييك ، وخلنا على تواصل هنا ..
وفقك الله

حياك الله ..
القبول يكون بمراسلة المعهد عن طريق الإنترنت أو البريد الإلكتروني ،
وللمعهد مكاتب في الدمام والرياض وجده .. ممكن تتواصل معم لأغراض القبول ،
وممكن تطلع على الشروط المطلوبة في موقعهم لكي يكون عندك خلفية قبل المراسلة ،
والقبول فيما أتذكر أنه بقيمة 350$ كان ما تغيرت شاملة البريد ذهاب وإياب ،
وطبعاً القبول من متطلبات الحصول على الفيزا ،
لــــــــــــــــــــكـــــــــــــــــــــــــن ..!
إذا طلعت الفيزا أحذر تغير المعهد قبل تجي لأمريكا هنا ،
لأن هذا الإجراء يمكن يستبعدك من دخول الأراضي الأمريكية ويمكن ترجع على نفس الطيارة ،
إذا وصلت بالسلامة هنا تراجع المعهد ومعك I20 وتسوي تحويل لأي مكان في أمريكا ،
وبكذا يكون وضعك في السليم ،
وبالنسبة لمبلغ التسجيل فهو غير معاد في جميع الأحوال ..
ولكن إن كان عندك نية بالتغيير فخلك على الوجهة اللي أنت تبيها وأبعد نفسك عن الغربلة وخسارة الوقت والفلوس ،
وأي سؤال أنا في الخدمة ..

ياااااااااااااااااالذيب
ابي منك خدمه ولك دعوه في ظهر الغيب
والله ياحااااااااااااااالتبي متأزمه
اذا ممكن ترسل جوالك على الخاص ايميلك
واذا فيه احراج انسى الموضوع
وجزاك الله خير ...

هلا وغلا أخوي
انا الحين بس ابغى قبول المعهد وأكيد راح أغيره إذا رحت لامريكا , لكن راح أدفع للمعهد الثاني 350$ بعد؟ , ولاهنت وش اسم المكاتب اللي فالرياض ؟
ويعطيييييييك ألف عااافيه ماتقصر ياغالي , اتعبتك معاي .

الله يحييك على الخاص ..

حياك الله ،
اكيد راح تدفع رسوم التسجيل لكل معهد تطلب منه قبول حتى لو ما درست فيه ولا ساعة ،
لذلك أنصحك تأخذ قبولك من وجهتك النهائية ،
لان وراك غرابيل بعد ما تجي عشان التحويل ،
ومكاتبهم في الرياض واحد بحي التعاون والثاني في الرحمانية ،
وكلها باسم ELS
اتصل على ٩٠٥ وخذ الرقم منهم ..
أو راجع موقعهم على الانترنت ..
وحياك الله ..

يالذيب المشكله ماقدر ارسلك رساله ع الخاص
لأن حدر المشاركات أقل من المسموح به ....
هذا ايميلي
naief-h2007@
hotmail.com

تم الإرسال ع البريد الالكتروني ..