أي استفسار عن معهد ELS أو ولاية إنديانا أو عاصمتها إنديانابوليس .. أنا في الخدمة

السلام عليكم اخوي ابو عبد العزيز العنزي
انا طالب ابي اجي الى انديانا بوليس معهد els بعد كم يوم وابغا استفسر عن اماكن السكن القريبة من الجامعة لان ما معي سيارة مع العلم اني عزوبي
وودي لو تعطيني اسماء السكن مع اسعارة
ومشكور علا مجهودك لانة بصراحة لا يوجد كثير من المعلومات عن المدينة

حياك الله ..
قبل ما أستغرق معك في التفاصيل ؛
ما فكرت بالسكن مع عائلة ؟
أو في الدورم ؟
عموما المساكن حول الجامعة والمعهد كثيرة .. لا تقلق .
انتظر ردك .

هلا اخي ابو عبد العزيز
الصراحة اني مفكر بالدورم وودي لو تشرحلي اكثر عنة

الدورم عبارة عن سكن مجهز من كل شي ومخدوم ويكون مؤمن من قبل الجامعة او المعهد ..
لكن سعره غالي مقارنة بغيره .. ما يقل عن ظ،ظ¢ظ*ظ* دولار .
نصيحتي لك هي السكن مع عائلة عن طريق المعهد بقيمة ظ¨ظ¥ظ*$ شهريا .
راح تستفيد تامين سكن وممارسة لغة وتامين معيشة ،
واللي عن طريق المعهد يكون مضمون اكثر من غيره .

مشكور اخوي ابو عبد العزيز
بس انا صار لي اكثر من ثلاث شهور متواجد بامريكا وسكنت مدة مع عايلة بس ما ارتحت لان كل شي العايلة تسوية ولا قدرت احتك بالامريكان في خارج البيت علشان كذا ممارسة اللغة قلت عندي
مع العلم ان مستواي في اللغة متوسط
انا كنت اقصد الدورم من حيث الخصوصية فهل اقدر القا غرفة مع دورة مياة وانت بكرامة خاصة لي وحدي

أجل أنت أعلم بحالك وأنا أخوك ،
يمكن تجربتي ( ما سكنت مع عائلة ) خلتني أشوف كل اللي سكنوا مع عائلة تطوروا بشكل أسرع ،
وهذا اللي أشوف عليه الزملاء .. لأنهم يمارسون الدراسة بشكل عملي طيلة الوقت .
يمكن عائلة عن عائلة تختلف .. الله اعلم .
الدورم فكرته تقوم على الخصوصية ..
عكس السكن مع الطلاب الأجانب ،
استخر وراسل المعهد يوافونك بالمساكن المتوفرة عندهم ،
ولو رجعت لبداية الموضوع راح تلاقي اسماء وعناوين كثيرة لمساكن قريبة من المعهد او توفر نقل من السكن للمعهد والعكس ،
نبقى على تواصل ..

اخوي الله لا يهينك وين القا سكن!! أنا ببدا جامعة أن شاء الله الفل هدا في IUPUI

الله يحييك ،
لكن ممكن اعرف انت عزابي والا معك عائلة ؟
في كل الأحوال وخصوصا اذا كنت عزابي ممكن تستفيد من عروض مكتب الطلاب الدوليين في الجامعة ؛
راح يوفرون لك عروض افضل من حيث قرب السكن والنظافة وكذلك الأسعار ،
وفي هذا الموضوع وضعت كذا رابط لمساكن قريبة من الجامعة ممكن تمشي حالك فيها لين تحصل السكن المناسب ،
واي سؤال انا في الخدمة ..

السلام عليكم اخوي انا الحين داخل معهد اي ال اس اللي في انديانا ودفعت من السعودية مقدم 3 شهور اقدر اروح لفرع تاني من نفس المعهد واكمل فيه الشهرين ولا لازم اخلص الكورس واسجل في الفرع الثاني من اول وجديد

لله درك يابو عبدالعزيز

قمة بأخلاقك ، قمة بردودك ، قمة بمعلوماتك عن المعهد والمدينة ، الصراحة هذا الشاب السعودي اللي يفتخر فيه
هذا اللي بيمثلنا أحسن تمثيل بالخارج.
الله يجزاك عني وعن الجميع كل خير ، نحسبك والله حسيبك من أهل الخير.

الصراحة حبيتك من ردودك لأخوانك بالخارج ، ومدى حرصك بعدم التأخير عليهم بالرد - الله يجعلها بميزان حسناتك - صدقني كلي اللي يقرون هالموضوع يدعون لك بكل خير ، وأنا متأكد من هالشي ، فإبشر بالخير من ربك بإذن الله.

عموماً أنا كان عندي كذا سؤال كنت أبسألك إياه لكن خايف تقول هالمدح وهالمقدمة اللي تو قايلها لك عشان تحرص بالرد عليّ .... خلاص هونت