أي استفسار عن معهد ELS أو ولاية إنديانا أو عاصمتها إنديانابوليس .. أنا في الخدمة

ممكن احد يزودنا بأسماء السكن الي في انديانا

انا ابحث عن سكن وللحين ما حصلت

وصولي قرب شهر ٣

جاوبتك وانا أخوك وأعيد عليك الجواب ،
السكن مع عائلة افضل شي فيه تنسق مع المعهد ،
راسلهم او اتصل فيهم وراح تعبي بعدها نموذج تحط فيه المواصفات المطلوبة في العائلة ،
ولو شفت ان سعر المعهد غالي وهو فعلا أغلا من غيره ما لك الا تبحث في الانترنت بنفسك ،
هنا العوائل كثير ولا أنصحك تأخذ شي الا وانت متطمن ..

هلا اخواني كيف حالكم


المهم انا تبدا دراستي 5 مارس في ولاية اندياا معهدels

المهم حاب استفسر

متى اجي للمعهد واعطيهم القبول هو بنفس اليوم ولا اجي قبله


والشي الثاني لي عشرين يوم ادوووور سكن مع عايله مافيه حتى اتصلت على المعهد ياليت الافاده

حياك الله أخوي ،
ممكن تجي في نفس اليوم الساعة : 8.30 ص بإذن الله
بالنسبة للسكن مع عائلة .. المعهد يوفر لك هالخدمة ،
فقط تعبي نموذج تضع فيه مواصفاتك وشروطك بمبلغ أظن $175 غير مستردة ،
كثير من الزملاء متعاقدين مع المعهد بهالطريقة ،
علماً بأن السكن مع عائلة يكلفك في حدود أو متوسط $850 شهرياً
وحياك الله وبياك ..

يعطيك العافيه اخووي


بس انا المعهد اتصلت عليهم من زمان


مالقو لي لا مع عايله ولا بالدورب حقهم


وش السواه وانا اخوك

الله يجازيك الخير وييسر امرك على هالموضوع وخدمتك وسعه صدرك
انا بكمل ماستر تمريض هل جامعات انديانا تطلب اختبار جيمات او جي ار لتخصص التمريض
وقبولهم سهل ' وكيف السكن للعوايل
والف شكر

أبرك الساعات وأنا أخوك ،
والناس للناس .. والكل بالله ،
والله فيما أعرف وأسمع أن التخصصات الطبية تطلب ما أشرت له ،
لكن هل هذا يشمل التمريض .. ؟!
بصراحة ما عندي فكرة .. ولو لقيت أحد من الشباب ممكن يفيدك راح أرجع وأعطيك خبر ،
بالنسبة للسكن مع عائلة متوفر بشكل كبير وبأسعار ومواصفات متفاوتة ،
لكن دائماً أنصح التعاقد عند طريق معاهد اللغة أو الجامعات لأنها تمنح اهتماماً بالمواصفات التي يرغبها الطالب ،
بالإضافة إلى أنها تمنح ضمانات في حالة وجود ملاحظات مهمة أو جسيمة ،
وفي المقابل .. فهي تأخذ الضعف مقترنة بغيرها نظراً لجودة الخدمة ..

اللي أشوف وأنا أخوك أن الكثير من الزملاء في المعهد متعاقدين عن طريقهم ،
ومرتاحين جداً لاهتمام ومتابعة المعهد ،
لكن أعتقد أن لو تعيد ( مراسلتهم ) راح يكون أفضل لك ،
واطرح في إيميلك رغباتك بشكل واضح ،
وراح يردون عليك بالأجراءات اللي تستكملها أول ما تجي عندهم ،
إذا شفت أنهم ما تجاوبوا معك أيضاً .. خلني أتواصل معك ع الخاص وأبشر بسعدك ،
لكن تأكد .. المعهد له عناي واهتمام متميز بالسكن مع عوائل ،
بل يعتبرها جزء مهم من العملية التعليمية التي تساعد المعهد على الطالب ،
دمت بخير .. والله يوفقك .

يعطيك العافيه ..
بالنسبة لسؤالي عن العوايل انا معي زوجتي هذا ماقصدت يالغالي..
وانتظر ردك بخصوص الاختبارات ان شاء الله..
الله يوفقك..

آسف .. هنا متعودين اذا قال واحد سكن مع عائلة يعني عائلة أمريكية ،
إذن يبدو لي انك تبحث عن شقة ؟
اذا كان هذا مقصدك تواصل معي ع الخاص ولا عليك امر وأبشر بسعدك .