أي استفسار عن معهد ELS أو ولاية إنديانا أو عاصمتها إنديانابوليس .. أنا في الخدمة

السلام عليكم ..اخوي ابو عبدالعزيز تواصلت معك من قبل .. بسالك ياغالي عن جامعة ساوث باند بانديانا كيف مستوى المعهد و كم لفل وكيف مستوى المعيشة في المدينة .

( تمت المشاركة باستخدام تطبيق مبتعث )

وعليكم السلام ورحمة الله وبركاته
للاسف الشديد اني اسمع بالمدينة كثير لكن ما املك تفاصيل عن كل ما ذكرت ، وانصحك جدا بصفحة النادي هناك.
الله يكتب لك التوفيق ..

السلام عليكم ، انا قدمت على معهد انترناكسس عبيت الابلكيشن وبعده ارسلو لي ايميل يبون الجواز والضمان ورسوم التسجيل وارسلت لهم كل شي .. وصار لهم اسبوع ما سحبو مبلغ الرسوم ولا ردو علي ،، شلت همم متى بالعاده المعاهد ترد او ترسل الاي توني ،، انا مستغربه انهم ليش للحين ما سحبو المبلغ !! الوضع طبيعي يعني

وعليكم السلام ورحمة الله وبركاته
لا والله مو طبيعي ،
المعهد سمعته في التسجيل خصوصا مو طبيعية ، وهم يعتذرون احيانا بسبب عدم وضوح المطلوب او كذا ..
انصحك جدا تكررين الطلب والمتابعة بصفة مستمرة ،
وأنا بالخدمة إذا أقدر أصلح شي من عندي هنا ..
وفقك الله ،

يعطيك الف عافيه

انا ارسلت لهم ايميل استفسر وبرضو ماردو

مدري وش اسوي انا مضطره على ذا المعهد واخاف يتاخرون ويقولون الضمان انلغى !!

وش الحل الله يعافيك

كرري المتابعة ع الاقل ٣ مرات ،

وإذا ما طلعتي بنتيجة اشوف من عندي ايش يقدرني الله عليه ،

السلام عليكم
انا بدي استفسر علي Indiana State University من ناحية الرانك ومستوي الدراسة وجو الجامعه والامان والسكن هل هو غالي , وبدي اسال باتحديد علي تخصص كمبيوتر بالجامعه

وجزاك الله كل الخير

وعليكم السلام ورحمة الله وبركاته
الجامعة الان أشهر من نار على علم لكثرة السعوديين فيها،
من حيث الرانك اسمع انه كان مرتفع والان نزل شوي بسبب توسع الجامعة في قبول طلاب بمعدلات منخفضة،
مستوى الجامعة يفتيك فيه اللي يدرس فيها لكن يبدو لي انها متميزة من عدة نواحي أهمها تعدد وتنوع التخصصات الدراسية..
جو الجامعة يمكن ابرز ما راح يلفت نظرك فيه هو عدد السعوديين وسمعت انهم اكثر من ٥٠٠ طالب،
تيراهوت بشكل عام آمنة ومن المدن القليلة في انديانا اللي ما تحوي على اعراق مختلفة .. وعموما تراها صغيرة.
أسعار السكن من وجهة نظري اقل من متوسط، العوائل يحصلون شقق باقل من ٦٠٠ دولار، فإذا صرت اعزب فأكيد بتحصل أرخص،
التخصص أتوقع موجود ولا يفيدك عنه مثل موقع الجامعة،
وفقك الله

السلام

معهد انترناكسس للحين مارد علي حتى على ايملات الاستفسار ،، الاسبوع اللي فات كان عندهم اجازه مدري وش اسوي

والله ما أدري أيش أقول لك لكن إذا فيه شي أقدر أخدمك به من هنا فأنا حاضر ..