طلاب اوستن اللي اختاروآ معهد English Language Program (ELP) حياآآكم

معهد الجامعة اللي حمسني له اني لما راسلت الست مونيكا مسؤولة الطلاب الاجانب اول مرة
قالت لي مانقبلك لانك عربي ، وحنا عندنا معايير لقبول مجموعات من لغة واحدة .. ممكن اعطيك قبول على اغسطس
لكن الصيفية اكتفوا من اللغة العربية .. يعني ممتاز مافيه شلل سعوديين وفلة وسواليف .. ولو ان العرق يحن ونشتاق :$

ايه معهد الجامعه قادح
ماعليه غبار
ياحض الي بيدرس فيه

أقول فيصل شكلك بتسبب حالات إنتحار

الحين عندي سؤال بحكم إني ما أعرف في عقود الإيجار والكلام هذا ,,,

الحين لما يكون العقد مثلا 6 شهور هل أدفع أجار 6 أشهر كاملة يعني دفعات، ولا عادي أدفع شهرياً بس أكون ملزم بالعقد إني ما أطلع إلا بعد 6 أشهر ؟؟؟ أدري سؤال غبي.

وكويس إني في معهد الجامعة

لا ترتبط بالعقد وتدفع شهريا ..
بس اذا جيت بتكسر العقد تجيك المشكله
1- ياتسدد وانت ماتكون موجود
2- ياتسكن احد بدالك
واذا رحت وتركت الشقه بدون ماتسدد تراها مصيبه كبيره يجرونك على المحكمه

يعني والله ما اعجبك المعهد وتبي تغيره او لقيت لك سكن ارخص هنا المشكله

طيب اللي أعرفه إنه يكون فيه شرط جزائي اذا كسرت العقد ،،، وبحكم إنك في أوستن أيش يكون الشرط الجزائي في العادة

وسؤال ثاني العوائل مافيه أبداً ولا حتى نص عائلة ولا ربع لان معي ولد عمي مصر إصرار عجيب الا يسكن مع عائلة وبحكم تخصصك في التحطيم وقطع الامل أبيك تعطيه العلم الوكاد هل فيه عوائل ولا ما فيه <<< طبعاً أمزح معك

مافيه الا الحلين الي قلتها لك..
واذا خويك مصمم يسكن مع عائله زيي ترا فيه بس موب في اوستن وفي ضواحي اوستن
انا كنت ساكن مع عائله (الام مدرسة لغه انجليزيه والاب يشتغل في شركة مرسدس )
وغرفه وحمام خاص وانترنت وبيت في منطقه راقيه وجمبي ملاعب سله وتنس وحركات ب 400 دولار !! في الشهر
بس وين ؟؟ في قلعت وادرين في منطقة بعد اوستن اسمها راوند روك امغط اومها بالسيكل 7 ميل حتى اوصل محطة البباص
جلست على الوضع ذا اسبوعين وبعدها رجعت على سكنني الخايس

عموما فيه عماير ومباني كثيره في منطقة اليو تي حاليا قاعدين يبوننها اتوقع 6 شهور وتخلص
المدينه حلوه وبالذات منطقة اليو تي
حياة طلابيه كل الي حولك طلاب
بس ما اعجبتني لان السكن فيها غالي حيل ومعاهدها متكدسه وانا جاي على حسابي
اذا انت رجال تبي تدفع 1300 بالشهر على غرفه وحمام خاصه ترا فيه شي زين وقدام الجامعه وفيه دور يكون مخصص للمسابح وصالات الرياضه وملاعب وفله وحركات (بس غالي)

والله كثر التفكير متعب احيانا افكر اكنسل البعثه من كثر الوسوسه بس ان شاء الله تتيسر. ...... موضوع رائع لي عوده ان شاء الله. .....

فيصل والله جبتلي الاكتئاب بكلامك عن المعهد ....بنتظر بيبي واشوووف وش يصير عليهاااا... انا من زمان افكر اغير المعهد وبزياده كلام فيصل دماااااااااااااااار



الله يعينك ويصبرك ...

السلآم عليكم . .

أنا جيت <<< خخخخخخخخخ

أعتذر من الجميع على على عدم دخولي لفتره طويله ولكن أنتم من يعرف التجهيز للسفر خاصة من لديه عائله

أخباركم جميعاً ؟؟

المهم بدخل في الموضوع ..

- خلصت قرار الابتعاث والحمد لله الأمور كلها تمام وباقي على شوفة أوستن شهر .. يآرب

- وتبون الصراحه الكلام اللي يقوله الأخ فيصل بني لام نقلته لواحد من زملائي مبتعث هو وعائلته من المرحله الرابعة في مدينة أوستن ودرس اللغة في نفس المعهد اللي تم قبولنا فيه وأعتذر من الأخ فيصل من رد زميلي

(( يقول ان الحياة في اوستن سهله وبسيطه ومافيها من الكلام اللي ينقال من الأخ فيصل واذا الأخ فيصل ماتأقلم على الحياة في اوستن ( فهذا يعتمد على نفسيته وكلامه مايمثل جميع المبتعثين السعوديين انما ينطبق عليه هو شخصيا )

.................................................. .................................................. ............................

اخواني وأخواتي : أرجوا منكم عدم الأخذ بما يقوله الأخ فيصل بني لام فنحن مافتحنا هذا الموضوع الا لكي نشجع بعضنا ونأخذ بيد بعض ونحل مشاكل بعض ونستفسر من بعض ونحن فعلاً بحاجة من لديهم خبره مِن مَن سبقونا في المراحل السابقه ونحن بحاجه لتوجيهاتهم .. ولسنا بحاجه لمن يحطمنا أمثال الأخ فيصل أو غيره بأسلوبه العجيب .

فأرجوا من الأخ فيصل طرح مواضيع أرقى من هذه المواضيع . .

أعذروني فأنا لم اتكلم عن هذا الموضوع إلا من ردود الأخت .. الحائره .. فماذا تستفيد يافيصل بني لام لو الأخت الحائره أو غيرها كنسلت بعثتها بسبب أطروحاتك التي ليس لها أي معنى من الصحه .

تحياتي .. أخوكم / أبو كندا

الاكتئاب السكن فقط @@
واذا معهدك اليو تي فتوكل على الله ولا تفكر
بيكررف اوم اومك وبيطلع توب في اللغه