ملتقى طلاب Wichita State University اتمنى التثبيت

السلام عليكم ..
ممكن اعرف اكثر عن مستوى المعهد والدراسة فيه للي مستواه ضعيف في اللغة ؟
وكيف المدينة من ناحية السكن والاسعار ؟

شكرا لك .. وربي يبارك فيك ويعطيك ماتتمنى

وعليكم السلام ..

بالنسبة للغه بالمعهد من وجهة نظري متوسط حاليا لأن السعودين كثرو بس اللي بيركز وبيجتهد اكيد بيتعلم وميزته يدخلك الجامعه بدون ايلتس وتوفل واشوف الضعف عندنا بالكتابه والقراءه اكثر من القواعد والسبيكينق

اما المدينه والاسعار سبق اني كتبت انا وغيري مواضيع عنها تفصيليه يالليت تكتب بالبحث ( شرح مدينة ويشيتا ) او اكتب ( ويشيتا ) او (wichita) وبتطلع لك ياطويل العمر التفاصيل عن الاسعار والسكن

وان كان عندك استفسار ثاني تفضل .. حياك ربي

الله يكرمك ويعطيك العافية ..
طيب اذا ممكن اعرف متطلبات تخصصي ماجستير في الاقتصاد لا هنت ؟

والله وانا اخوك ماعندي خبره بالماجستير انا بكالوريس بس بسأل لك واشوف ابشر وبالنسبة للتخصص يالليت تحدد اكثر economy فقط ولا وش بالظبط واذا تقدر تتصل او اذ1 انت داخل امريكا اشوف لك رقم احد من العيال ماستر اخليك تكلمه

ماتقصر اخوي والله انا لسع ابحث عن جامعة مناسبة لتخصصي اسمه بالضبط Economics وانا لسع ماسافرت في السعودية

طيب تفضل هذ1 رابط الجامعه المباشر Wichita State University, Wichita, Kansas ادخل عليه وراح تلقى كل شي ومازلت ابحث لك عند احد ماستر مشكلة الناس مشاهدات مرتفعه بس محد يشارك

ياخوان اللي عنده خلفه يشارك بمعلومه ماتدرون والله تتوفقون بدراستكم بسببها لا تبخلون ..

ماتقصر اخوي الله يبيض وجهك استفدت من الرابط كثييير واهم شيء اني عرفت متطلبات القبول عندهم .. شاكر لك مساعدتك واهتمامك

حيأك الله وجهك ابيض

عندي استفسار عن الجامعه لان قدمت علئ المعهد الي تبع الجامعه بس هل انه بيمديني اخلص اللفلات تبع المعهد في المده المحدده سنه و ستة اشهر و اخش الجامعه تخصص هندسة طيران ماجستير لغتي ضعيفه