تجمـع طـلآب مدينـة ميلوآكي ( milwaukee ) ويسكونسن

شكله مافيه احد بميلواكي غيرنا نقحووص بالثلووج





آيـن أنتم يامعشر ميلوآآكي

< == ماسك سيف الحبيب

اي ثلوووج!! خخخخ .. هالسنة دفاااا مافيه ثلوج لووول
بجاوبك حسب الي اعرفه

وكيف لو الواحد يبي يطلع الرخصة الامريكية سهل ولا صعب ؟ وكيف اختبارهم ؟
سهلة .. تختبر اختبار كتابي وبعدين اختبار عملي في الشارع وخلاص

وبالنسبة للبطايق الخاصه بنفس الولاية .. كيف نحصل عليهآ وماهي الطلبات ؟
من نفس المكان الي تطلع منه الرخصة .. حسب الي اذكره الجواز وأظن الأي توني تاخذها معك وعلى رسوم مبلغ بسيط وتعبي الاستمارات هناك

وهل يوجد بقالات عربية بمدينة ميلواكي ام لأ ؟؟
فيه ويا كثرهم .. عندك العطاري موجود بالداونتون وأنا افضل هذا المكان .. الا فيه فلسطيني او اردني .. كل شي موجود عنده
وفيه ساتا بزار هندي وباكستاني وتابع لهم مطعم انمول حلال .. برياني وما برياني وهلم جرا لوول .. موقعه قريب من العطاري نفس المنطقة تقريبا
وفيه الأراضي المقدسة .. فلسطيني .. عنده كل شي تقريبا .. لكن أفضل العطاري وافضل لحومه!
واقرب واحد بقالة شيراز .. موجودة على اوكلاند .. يبيع دجاج وكذا لكن مجمد مو مثل الباقي! اسعاره اغلى شوي من غيره بحكم قربه! مو كل شي عنده
في نفس المنطقة اوكلاند في عندك مطاعم حلال .. شيراز وشهرزاد فارسي .. وفيه كازابلانكا ابعد شوي .. مطعم لبناني


بالتوووفيق

نوسة لو تكرمتي ممكن تفيديني ببعض المعلومات عن جامعة Marquette و قوة معهد اللغة التابع لها وكذلك عن المواصلات وأفضل مكان للسكن من ناحية المواصلات وقرب الخدمات والسعر.
وتقبلي شكري مقدماً

جامعة ماركيت قوية ومن الجامعات الي داخلة في التصنيف! حسب الي اعرفهم درسو فيها ونقلو يقولو صعبة! ولما نقلو على جامعة ويسكانسون ملواكي يقولو اسهل والشرح احسن فيها! بس طبعا لا تاخذهم مقياس! لأن فيه طلاب يدرسو فيها .. وطبعا يعتمد على تخصص الشخص والخ!
المعهد التابع لها جديد يمكن صار له سنة بس! حسب الي سمعته من بعض الطلاب إنه جدا ممتاااز! ودراسة جدية مافيه لعب!

بالنسبة للمواصلات .. فالباصات موجودة وفي كل مكان! .. اذا بتدرس في جامعة ماركيت والمعهد الي فيها .. فالأفضل إنك تسكن في الداونتاون لأن هم يكونو في الداونتاون! والخدمات زي السوبر ماركت وكذا موجودين في كل مكان!
وفيه طلاب كثير سعوديين يسكونوا هناك بحكم الجامعة والمعهد

بالتوفيق

شاكر لك نوسة على هذه المعلومات القيمة الصورة واضحة الآن ولكن هل يوجد مطار قريب من المدينه وكم يبعد حوالي !! وكذلك أبي أسأل بالنسبة للأسعار هل هي جيدة أو يحتاج مع المكافئة مبالغ يجب توفيرها وبين كم تتراوح أسعار العائلة أو الأستوديو أو الغرفة والصالة..
وشكراً

يليت اي معلومات عن جامعه وسكونسن ميلواكي والمعهد التابع لها كويس ولا ضروري تكفووووووون

هلا اخواني وخواتي انا حاب اجي وادرس ماستر بهالجامعه MARQUETTE UNIVERSITY انا والاهل وحاب اخذ فكره عن الامن والاسعار والوضع العام هل المعهد حق الجامعه كويس والا اروح معهد غيره
جزاكم الله خير الجميع

نعم يوجد مطار في المدينة نفسها واسمه mitchell international airport
الأسعار متوسطة كـ بقية الولايات الوسطى! يمكن اعلى شوي لأن ملواكي مدينة ساحلية
لا يوجد سكن مع عوائل امريكية! واسعار السكن للشقة من غرفة واحد تتراوح من 550 وما فوق
لكن متوسط السعر الي بتلقاه لمكان كويس على الاغلب بين 700 وفوق
والمكافأة تعتمد على صرفك بصراحة .. لو صرفك معقول تفكي وتزيد !

جامعة ويسكانسون ملواكي او زي ما تسمى UWM
ممتازة وقوية .. وبعض التخصصات مصنفة بين الاقوى في امريكا .. الدراسة فيها لا صعبببببة ولا سهلة! يعني تدرس تجيب ما تدرس ما تجيب!

المعهد للأسف سييييييييييييييييييييييييييييء جداااااااا!!!! ونظام الدراسة غريب يختلف عن بقية المعاهد!
الدراسة في المعهد مقسمة الى 4 اقسام .. يبدأ بالليسننق بعدين الريدنق بعدين الرايتنق وآخر شي الاميرجن!
اول ما يجي الطالب يختبر اختبار تحديد مستوى لليسننق والريدنق والرايتنق .. الا هم استماع وقراء وكتابة .. وبناء على النتيجة ينحط في واحد من هالثلاث!

المشكلة ان مافيه منهج دراسي .. يعني كتب تدرس منها! الاختبار غير منصف وهو نفسه ما يتغير!! تختبر الاختبار على الكمبيوتر ما تطلع لك النتيجة مباشرة لااا! هم يفرزو النتائج عندهم ويقولو من الا عدا ومن لا!
يعني يمكن يكون فيه تلاعب والله اعلم! .. طبعا عادي جدا انك تجلس في مكان واحد مثلا في اللسيننق لمدة اشهر! يعني 4 او 5 شهور او 6 وانت في محلك!
انا لما جيت كان فيه شخص منقوووع في الريدنق 9 اشهر!!! وغيرهم 4 اشهر والخ!
ومافيه شي اسمه قرامر .. القرامر تاخذه كاليكتف وهو نفسه ما يتغير!
طبعا الريدنق طول الشهر يعطوا اوراق قصص ومادري ايش واخر الشهر تختبر اختبار عبارة عن قطع تقرأها وبعدين تجيك اسئلة والاجابة عليها نعم - لا - يمكن

اختبار الرايتنق بصراحة ما اشوفه رايتنق! الاختبار عبارة عن كلمات متقاطعة! يعني يعطوك قطعة قصيرة وانت تحزر تفزر وش الكلمة المطلوبة .. زي مثلا كذا
The b-- w-n- to t-- sc---l
بس هاذي طبعا جملة بسيطة لوووول .. رح تجي بشكل قطع غير عن كذا


طبعا المعهد مافيه اختبارات تقيمية او واجبات وكذا وبناء عليهم تجمع درجات ومن ثم تاخذ الفاينل ويحسبو المجموع اذا تجتاز المرحلة او لا! لااااا مو كذاااا
مافيه واجبات ولا هومورك .. حتى لو فيه ما تحتسب! .. نهاية الشهر تاخذ اختبار واحد الا تكلمنا عليه هو الا يحدد تجتاز او لا!


بالتوفيق