هانتسفيل تكساس huntsville tx اي سؤال ؟؟

اهلا بيكي اختي ام عبد الرحمن انا عندي مليون سؤال وسؤال لإني انا وولد اختي بدنا ندرس في المعهد تبع جامعة سام هيوستن. اولا انا ابغى اول ما نوصل القى سكن على قدنا شخصين وكيف الإجراءات والإيجارات ويكون قريب من الجامعة والإيجار مايزيد عن 600 دولار ( على قد حالنا) لحد ماتصرف لنا الملحقية. والمعهد إيش رايك فيه؟ كيف الأساتذة فيه ممتازين والكورسات فيه كويسة؟ كيف المعيشة هناك؟ كيف تعامل الناس هناك؟ الأمان؟ فيه عرب ثيرين؟ و ايش الخطوط إللي اقدر احجز عليها عشان ما ابغى اروح واشنطن ابغى اروح على هنسفل على طول وتسلمي لي وسامحيني على كثرة الأسئلة

اول شي متى بتجين وانصحك بالخطوط الاماراتيه لانها على طول على مطار 'بوش' ومن هناك احد ياخذك او تاخذون تاكسي لو تحبين انا استقبلك اجي لك عادي
المعهد جدا فرندلي والمدرسين كويسين يعني تدريسهم حلو الكورسات زي اي معهد ممتاز والسكن فيه الرخيص وفيه الغالي انا مستاجره في الرخيص ب500 وصاحب الشقق ماعنده عقود ولا اجراءات ادفع وروح فيه فندق قريب من الجامعه اول ماتوصلو تسكنو فيه اسعاره كويسه مش غالي
المدينه بشكل عام امنه جدا ومتوفر فيها كل شي يعني للمعيشه جدا ممتازه السعوديين كثير خاصه العزاب وفيه عوائل بس نادرا تشوفين... فيه عرب لبنانين واردنيين ومصريين
ومن ناحية الناس الامريكيين عادي جدا تقدرين تقولين طيبين وتعاملهم راقي جدا
اي سؤال اخر

اللهم وفق ام عبد الرحمن و سهل لها امرها وارزقها من حيث لا تعلم ولا تحتسب اللهم امين. تصدقي إنتي ربي جابك هدية ليا من السماء والله ماني عارفة كيف اشكرك لإني فعلا كنت محتارة وخايفة إيش اعمل وكيف اتصرف لما اوصل هناك خاصة إنه محرمي ولد اختي واصغر مني يعني الله يعين. إن شاء الله في رمضان بإذن الواحد الأحد راح اجي لهنسفل . وبرضه كنت شايلة هم العقود والإيجارات بس الله يفتحها بوجهك إن شاء الله اللهم امين حبيبتي وجزاكي الله كل الخير ماتقصري ومانستغنى عن خدماتك

معليش حبيبتي اخر سؤالين : كيف المواصلات غالية ولارخيصة؟ وهل الشقق مؤثثة ولايحتاج مني اثاث لإني بصراحة انا يالله اقدر اجي في الأيام الأولى وادفع حق الإيجار والمواصلات وكل إللي اقدر اجيبه بما قيمته 8000 ريال

اذا بتسمحين لي اذا شفت شقه فاضيه عندنا في المجمع اكلم راعي الشقه يحجزها لك اذا تحبي والمواصلات بس تاكسي واحد في المنطقه ماياخذ اكثر من عشر دولار بس يتاخر على مايجي
بس اذا تحبي انا وزوجي نوديكم اي مكان الى تشترو سياره عادي مره وشقتي بينها وبين الجامعه 8 دقايق او 5 دقايق ماتحتاج سياره لان قريب مره الشقه ماهي جاهزه بس فيها غسالة صحون وفرن والتاثيث عندك تارقت وول مارت فيها اشياء للاثاث واماكن للاثاث المستعمل
اسالي حبيبتي اي شي اصلا ما سجلت الا علشان اساعد الي محتاج مساعده مشكوره على الدعوه الحلوه

اذا بتسمحين لي اذا شفت شقه عندنا في المجمع اكلم راعي الشقه يحجزها لك والمواصلات بس تاكسي واحد في المنطقه ماياخذ اكثر من عشر دولار بس يتاخر على مايجي
بس اذا تحبي انا وزوجي نوديكم اي مكان الى تشترو سياره عادي مره وشقتي بينها وبين الجامعه 8 دقايق او 5 دقايق الشقه ماهي جاهزه بس فيها غسالة صحون وفرن والتاثيث عندك تارقت وول مارت فيها اشياء للاثاث واماكن للاثاث المستعمل بعض الشقق ماثثه بس غاليه جدا وتابعه لمكاتب وعقود واذا تاخرتي عن تسليم الاجار يرفعون التكلفه
بس مادري اخاف ماتعجبك الشقق بس بصورها لك اذا تحبي واوريك

يا حبيبتي تشكري وما قصرتي كفيتي ووفيتي انا ما عليا اسكن في اي شيء امشي حالي في الأيام الأولى لحد ما تتحسن الأمور وتنصرف لنا المكافأة انا وولد أختي هي الأمور حتكون نوعا ما صعبة في البداية لكن إن شاء الله مع الأيام تتحسن إن شاء الله . بالنسبة للشقة والله ما اقول لا ياليت تشوفي لي شقة قريبة منك وياليت تصوريها وعادي حتى لو مو حلوة الواحد يمشي حاله لحد ما ربك يفرجها عادي.بالنسبة للأثاث موشرط يكون فيها اثاث كثير اهم شيء عندي الثلاجة الله يكرمك و السخان في الحمام الله يكرمك و سريرين و كنب وبس ادري تعبتك معايا ومررررررررة خجلانة منك بس الله يجعل كل هذا في ميزان حسناتك يارب

ايه نسيت فيه ثلاجه وسخان راحت من بالي اكيد راح اشوف لك شقه جنبي الحين الشقق مليانه بس يطلع واحد نكلم راعي الشقه
على فكره راعي الشقق عنده مخزن فيه عفش مستعمل اخذنا منه اثاث اول ماجينا مشينا حالنا فيه وبيساعدكم ببلاااااش

جزاكي الله خير اختي في الله و هذا الجميل ما راح انساه طول العمر ما اقدر املك إلا الدعاء في ظهر الغيب . طيب كم وزن العفش في الخطوط الإماراتية؟ و كيف كان الترانزيت؟ وإيش هي الأشياء المسموح ليا اشيلها معايا في يدي في الطائرة لإني بدي اشيل اوراقي وشهاداتي في يدي بالإضافة للجوال واللاب توب معايا في الطائرة. وهل اقدر اشيل معايا بس مو في الطائرة في الشنط الكبيرة ادوات تجميل و عطور وشامبو؟ يعني ما راح يتخلصوا منها في المطار؟ وهل اقدر اشيل برضه تمور معايا وهيل وبن قهوة عربية ولا ممنوع؟ وهل اقدر اوفر ي السكن خدمة انترنت لإنه اهم شيء عندي الإنترنت لإنه استخدامي له كثير ومهم