اي احسن انديانا تيرا هوت ولا كولورادو فورت كولنز

معقوله ماحد عنده خلفيه
ابي رد اجابه اي شي

السلام عليكم انا ابي ارد عن جامعه تيري هوت الجامعه جيده والمدينه مثل ماذكرتي صغيره
ويوجد مسجد فيها ونادي سعوودي للطلبه ويوجد عائلات كثيره عربيه وخاصه سعوديه وتقريبا السكن رخيص تقريبا من 500 الي 700 دولار للشقه كامله في سكن تابع للجامعه ويبعد عنها تقريبا عشر دقائق مشي ويوجد باص كل ساعه من السكن الي الجامعه والمدينه تحتاج الي سياااره لان معدوم بشكل عام المواصلات فيها واي استفسار اخر ان شاءالله اقدر اخدمكي

المطرفي ماااااااااااااقصرت كنت ابي احد يفيدني ويئست اني القى ناس يعطوني عنها معلومات وصراحة قلت هذي اكيد ماحد يجيها ويدرس فيها
بس أا سمعت ان فيها رد نكس RedNeck
يعني متعصبين كثير واختك في الله خوااااااااااااافه

اختي حقيقه انا زرت مدينة تيرا هوت مرهـ بحكم انها قريبه من مدينتي .. المدينه صغيرهـ وزي ماذكر المطرفي فيها عائلات سعوديه .. وكويتيه .. وعدة جنسيات مختلفهـ والمدينه بشكل عام هادئة .. وآمنه .. وماذكر الشباب اللي قابلتهم تكلمو عن العنصريه .. وعموما انديانا بشكل عام مافيها هالشي .. انتي اذا يهمك رخص المعيشه والجامعه .. فتيرا هوت المكان المناسب لك.. "واتصور المدينه اللي ذكرتيها بكولورادو عدد العرب فيها فوق الكبير .. دايم اسمع عنها .. يمكن لان الجامعه سهله .. لان عاده السعوديين مايتكدسون الا على السهل ..
عموما حبيت افيدك واذا فيه اي اسئله .. انا بالخدمه ..

غير الناس
طمنتني الله يطمنك دنيا وآخره لأني كنت مقتنعه ب Indiana State University more than Colorado State Universityبس خايفه من المدينه نفسها .. بس من كلامك حسيت انها انسب كثير من فورت كولينز
مشكور وماقصرت

ام سعود انا بعد افكر اروح على انديانا ستيت يونيفرستي

اذا عزمتي ورحتي قولي الاخبار

وترا الجامعه سهله على كلام اللى اعرفهم ومايبون توفل وكل شي سهالات

كوين فعلا كلامهم صحيح
اتكلي على الله وقدمي عليها
أنا ابدا ما عقدوني في اجراءات القبول .. والبروفسوره اللي في القسم اللي أنا قدمت عليه كانت جدا متعاونه .. تخيلي انها هي اللي اعطتني اللنك للمعهد عشان القبول المشروط وكنت اراسلهم وصرت مالي شغل فيها وبعدين يوم وصلني القبول من المعهد والجامعه ارسلتلي ايميل وقالت سمعت انك انقبلتي ومبروك ..

مبرووك ام سعود على القبول

هل انتي بكالوريوس ولاماستر ؟؟

واذا ماستر وش طلباتهم للقبول لانه صديقتي بتجي من السعوديه وتبي قبول ماستر سهل وبدون توفل وكاني سمعت انه ذا الجامعه مايبون توفل

للماستر مجرد تدرس بمعهدهم خلاص

لو عندك اي معلومات تفيد صديقتي لاتبخلين علينا ياعسل

كوين الله يبارك فيك
أنا طالبة ماستر وإذا هي تبي تقدم قبول مشروط اول شي تدخل على موقع المعهد تبعهم INTERLINKوتعبي الابلكيشن بعدين تدخل لموقع الجامعه نفسها وتعبي الابلكيشن تبع الجامعه وتذكر في خطاب الغرض من الدراسه انها تبي قبول مشروط
طبعا الطلبات مثل كل جامعه شهاداتها والسيره الذاتيه وخطاب الغرض من الدراسه بس تراهم طلبوا مني شهادة الثانوية العامه مع شهادة الجامعه
اذا اجتازت في المعهد ليفل 5 تدخل برنامج الماسترز على طول ومايحتاج تسوي توفل .. بس اعتقد اغلب المعاهد اذا خلصتي كورس اللغه حقهم ما يحتاج تسوين توفل
وبالتوفيق يارب