Illinois State University ...... جامعة ولاية إلينوي

السلام عليكم اخوي


مرره شكراً ع هالموضوع لاني من زمان ادور عن احد فهالولايه

انا سفري بعد اسبوع ..
بس حابه استسفر عن مستوى المعهد التابع للجامعه ؟
وكيف نظامه ؟ بالساعات او ؟

وحابه اعرف اماكن السوبر ماركتات اللي تبيع اكل حلال والمطاعم ..
وش احسن بنك عشان افتح لي حساب ؟ وش احسن شركة اتصالات ؟

اسفه طولت عليك
ربي يعطيك كل عافيه ..

هلا أختي

المعهد يأهلك أكاديمياً تأهيل قوي جداً, ولا يوجد مستويات في المعهد مثل المستوى الأول, الثاني, الثالث ... الخ. في بداية الترم يسوون لكم إختبار توفل و مقابلات شخصية ويقسمون الطلاب إلى مجموعتين حسب مستواهم في اللغة (مجموعة مبدتئين و مجموعة متقدمين), دخول الجامعة يعتمد على تجاوزك للتوفل في المعهد ب 550 درجة. جميع المدرسين نساء وطيبين جداً و متعاونين. نظام المعهد بالأترام (3 أترام), الترم الأول والثاني وترم صيفي. المحاضرات تبدأ من الساعة 9 الصباح الى الساعة 3 العصر, ومن الساعة 12 الظهر الى 1 فترة غداء, ولكن يوم الجمعة اللي هو اخر يوم في الاسبوع الدراسي, المحاضرة بالعادة من 10 الصباح الى 12 الظهر (ساعتين فقط).

السوبرماركتات والاسواق و أي شئ تتوقعينة موجود بهالمدينة. ماعندنا كثير مطاعم تبيع أكل حلال, ولكن فية سوبرماركت يبيع أكلات عربية كثير, وفية مطعم لبناني. ولكن شيكاغو جبنا وتقدرين تروحين لها بالويكند بالقطار ب 14 دولار فقط وفيها كل الأشياء الحلال.

بنك PNC رائع جداً و أنصحك تفتحين حساب فية

فية شركات إتصالات كثير مرة, شركة T-Mobile أو AT&T رائعة جدا, ولكن أنصحك بأن تأخذين شرائح مسبقة الدفع (pre-paid) في بداية الأمر من سوبرماركت Walmart

ابي اعرف كيف اسعار السكن فمدينة سربنجفيلد ؟ وكيف المدينة من حيث المعيشة والامان وهل معهد جامعة سبرينجفيلد كويش ولا

هلا أخوي
مدينة سبرينقفيلد هي عاصمة ولاية إلينوي, انا ما عندي خلفية جيدة عن المدينة ولا عن المعهد
ولكن الاسعار بشكل عام في ولاية إلينوي رخيصة بغض النظر عن شيكاغو

مررره يعطيك العافيه اخوي ع الرد .. بصرآحه طمنتني ربي يطمنك ..

طيب في كم سؤال عن المعهد :
من صجك في اختبار توفل اول مانوصل .. لاتقوول خخخ
كيف الاختبار .؟ وكيف المقابله .؟
انا لغتي الانجليزية طيبه .. بس مو عال العال ..
هل يحتاج اتجهز للاختبار او ؟

ومرره شكراً .. وادري ابثرتك بأسألتي =$

عادي أختي! أسألي عن أي إستفسار وهذا الموضوع لهذا الغرض.

إختبار التوفل في أول يوم بالمعهد ويكون عادتاً من الساعة 9 الصباح الى 12 الظهر (بالعادة, الطالب اللي يجيب 550 في هذا الاختبار يدخلونة الجامعة بدون دراسة لغة), اختبار التوفل هو قدرة و تمكن الطالب من فهم اللغة الإنجليزية, لذلك ما يحتاج مذاكرة للتوفل ولكن فية كتب عن بعض الإستراتيجيات للتوفل و تساعد الطالب بأن يقدم مستوى أفضل.
بالنسبة للمقابلة الشخصية, هي مقابلة عادية مثل من وين إنتي؟ وين درستي؟ وين تشتغلين؟ كلميني عن نفسك؟ .... الخ

إذا لغتك لا بأس بها, راح تقدمين أداء جيد في الدراسة لأن أكثر الطلبة ما يعرفون ولا شئ بالإنجليزي

تحياتي

سنو روز

و اخيرا بدأو يكثرون ربعنا بهالمدينه لوهله حسيت اني رايحه للمريخ


انا حابه استفسر عن السكن

احس الشقق محدوده

تعبت و انا ادور بموقع rent و ما طلع لي نتايج بحث الا شقه وحده و غير متاحه بهالفتره ..

كيف ابحث عن شقه ؟

ابغى ابحث عن شقه و لما اروح هناك استأجرها لاني بوصل متأخره بيكون باقي ع الدراسه 3 ايام فقط ف ابي اجهز اموري من الحين

و كمان حابه اسأل عن الاحياء السكنيه ايهم افضل؟


شاكره لكم

الرابط هذا كويس
61761 Apartments for Rent | Find Apartments in 61761 Normal, IL

لازم تاخذين خطاب من الملحقية يفيد بأن لك دخل شهري ثابت عشان تستاجرين الشقة لأن بدون هالخطاب يمكن ما يأجرونك

مرحبــآ :

حبيبتي miss chemist هلا فيك ياقلبي .. والله انا مثلك محتـآسه .. وقلت شكلي انا وصاحبتي الوحيدتين فهالولايه خخخخ
انا وصلت حالياً .. والمدينة روعه وهآدئة ..
والحمد لله كل شي متوفر

لكن باقي شي وآحد =(
للحين باقي ماحصلت شقه

اخوي ابراهيم تعال وانقذني
كيف اطلب من الملحقيه كشف الحساب عشان الشقه ؟
كل مآرحنـآ شقة قالوآ لـنآ لازم اثبات ان عندك دخل .!

حالياً قدمنـآ طلب ع bayberry للشقق .. وننتظر ردهم
وين تنصحني اسكن .. غرفتين وحمام ومطبخ وصاله ؟

ياليت تسـآعدني اخوي

ويسلموآ قد الدنيــآ

هلا أختي
إفتحي ملف بالملحقية ويكون فية رقم خاص فيك, إذا فتحتي ملف وعندك رقم! ادخلي موقع الملحقية (الخدمات الالكترونية) وادخلي على الخدمات الشخصية - طلب تعريف
أيضاً, في اخر الصفحة حقت الضمان المالي حقك, فية اسم المشرف الخاص فيك, كلمية واشرحي لة الوضع او ارسلي لة ايميل وهو/هي راح يقدر يساعدك ويوفر لك خطاب يفيد بدخلك السنوي

Baybarry حلوة جداً وقريبة مرة من المعهد و الجامعة
أيضاً, فية شقق أربرز اللي انا ساكن فيها, نفس المواصفات اللي تبغينها (غرفتين, صالة, حمام و مطبخ و مخازن), ولكن أربرز بعيد عن الجامعه

شوفي الرابط اللي حطيتة فوق, حلو للبحث عن شقق

تحياتي