ماهي أفضل الطرق لتحويل الاموال من السعوديه لأمريكا (اوستن) || لاتخلوني :(

هلا اخوي بالنسبة لتحويل من السعودية الى امريكا اي واحد يقدر يحولك او انت ع طريق حسابك في البنك بالانترنت بعد ما تفتح حساب بنك في امريكا والافضل التحويل من الفيزا عشان تجنب فرق العملة والعمولات واخذ كاش معاك اول ما تنزل امريكا افتح لك حساب واودعها

انا اقول خذ معك ال 5000 الاف دولار و 1000 الاف ريال كاش واول ماتوصل امريكا افتح لك حساب في بنك عندك bank of america
هذا اللي اغلب المبتعثين فاتحين فيه وعط اخوك رقم الحساب و يحولك بياخذون السعوديه من فلوسك 30 دولار و البنك الامريكي 12 دولار

الله يعطيكم العافيه ويعجل بضمكم يارب العالمين وييسر اموركم

hmod7
مافهمت قصدك بـ الافضل تحويل بالفيزا .؟ وش المقصود بالتحويل بالفيزا ووش معناه ؟

king_Saleh
تقول خذ معك ٥٠٠٠ دولار << طيب كاش او اخليها في الفيزا او كيف ؟
والرقم الثاني تقول خذ معك ١٠٠٠ الاف .؟ شكلك غلطان وناقص صفر .. بتقول ١٠٠٠٠ قلت ١٠٠٠ صح او أنا مافهمتك صح؟
ياليت تشرح لي بشكل اوضح ، وش الحكمه إني أخذ مبلغ بالدولار ومبلغ بالريال .؟ وهل كلهم كاش او كيف

انتظر الاجوبه عاجلاً ، رحلتي بعد بكره الله يفرج لكم

اخوي حاول تركز شوي معي يمكن انت مرتبك , أنا اقول خذ معك يعني اقل شي 5000 الاف دولار والباقي خله عند اخوك مايحتاج تاخذ بطاقه ائتمانيه فيزا او ماستر كارد من السعوديه
الا ((اذا انت بتدفع للدراسه )) (حط فلوس الدراسه في الفيزا او الماستر كارد السعوديه عشان تدفعها للمعهد اول ما توصل ) وبعدين ترى الامور سهالات وتذكر انو امريكا حدك تدخل معك 10000 الاف دولار (37500 سبعه وثلاثين الف وخمس ميه) وهاذا مبلغ جامد وبتدخل في مسائله في امريكا انا اقول يعني اكثر شي تفكر تاخذ معك 5000 الاف دولار (19 الف ريال) وعلى فكره ترى ماتحتاج فلوس سعوديه في اي مطار سواء كان في دول عربيه او في دول اجنبيه الدولار في كل مطار في العالم يمشي

وحط في بالك لما توصل الفنادق غاليه نااااااااااار اليوم يتراوح بين 40 دولار الى 140 دولار (لليوم الواحد)
حاول حدك تقعد في فندق يومين او ثلاث ايام واذا بتسكن بسكن ترا فيه شي اسمه عقد سكن وهو فيه المده اللي انت لازم تسكنها في بعضهم يعطيك 6 شهور عقد وبعضهم سنه والاغلبيه سنه , اثنين ديبوزيت = هذا تامين للسكن يتراوح بين 500 دولار الى 1400 دولار , على حسب الولاية و المدينه اللي انت فيها يعني حط مبلغ 2000 دولار للتاكسي اول ما توصل و الفنادق و السكن و الخ... واهم شي من اول ما توصل حاول تخلص امورك اليوم الثاني (تفتح حساب + تطلع لك شريحه من
T-mobile ولا من AT&T + تدور لك سكن سعره مناسب وفيه امان وقريب من الجامعه اول يكون فيه محطة باص توديك الجامعه و ترجعك) واذا ما تعرف احد هناك اسئل عن النادي السعودي حق جامعتك هم يسون لك كل حاجه يروحون معك تفتح حساب و تطلع شريحه و يدورون لك سكن... اي استفسار انا حاظر

قصدي يا اخوي الفيزا هي البطاقة الائتمانية ولا تستخدم الفيزا الا في الضرورة عشان تتجنب عمولات الفيزا لانه في السحب النقدي من الفيزا يأخذ البنك عليك عمولات حتي لو كان المبلغ قليل وفي المشتريات يأخذوا فارق العملة يعني حاول لا تستخدم الفيزا الا بالضرورة أتمني وصلت لك الفكرة والتحويل افضل شي

حبيبي اسهل طريقه وبدون اي رسوم لاي بنك
انك تاخذ معاك 1000 دولار مصاريف المطار ومنها تفتح حساب في البنك ب 100 دولار
طلع من السعوديه بطاقه فيزا مسبقة الدفع واشحن فيها ال 10000 ريال
وهناك كل شي تشتريه او تستاجره ببطاقه الفيزا والبطاقه مسبقة الدفع ذيك تعطيك خصومات لما تشتري
وكل ماتخلص البطاقه خل اخوك يشحنها بدون اي رسوم تشحنها ب 100 توصلك 100
او انت تشحنها عن طريق حاسبك من الانترنت بس اهم شي يكون معاك جوالك الي انت مسجل فيها بخدمة النت
هذه افضل طريقه بنظري

جعلكم في جنات النعيم ، والله يعجل بإنضمامكم وييسر إختباراتكم ويهون عليكم كل أموركم
ويفرج لكم كل كرب ، شكراً لكل من رد بدون استثناء
وأخص بالذكر الغالي king_Saleh

كلامك جميل وواقعي

نصيحة لاتستخدم بطاقة فيزا سعودية في امريكا انا تصورت مع بطاقتي بس الحمدلله ماحطيت فيها مبلغ كبير

وريح راسك من العمولة اللي ياخذونها على كل عملية سحب وشراء

افتح حساب في اي بنك امريكي وخل فلوسك بالسعودية واذا فتحت خل احد اقاربك يحولها عليك على حسابك الامريكي
بطاقة الصراف حقت البنك تعتبر فيزا تشتري فيها باي محل وبدون رسوم

بالنسبة للتحويل من السعودية لامريكا
اخوي حولي من بنك انجاز البلاد
اقل من ٢٤ ساعه والمبلغ بحسابي
البنك الامريكي اخذ على العملية ١٥ دولار يابلاش مع ان المبلغ كبير شوي

علما ان بنكي هو بنك chase