طلعت الفيزا وابغا المسااااااااعدة ...؟؟؟

انا صار معي نفس الموقف

وسالت ناس كثير والاغلب يقول لي انه لازم تطلع فيزا جديده

انا الى حد الحين متوهق بهالموضوع

ياليت اللي عنده فكره عن الموضوع يفيدنا


وشكرا

الامر بسيط وما يحتاج انك تخاف ..

انت سافر ورح لمعهدك وخذ لك شهر ثم اطلب من الملحقية تحيل لاي معهد تبي ..

وصلى الله وبارك .

تجاري ؟

اسمع هالكلمه كثير مدري ليه فاهمين كلمة تجاري غلط؟؟؟
يعني تتوقع المعاهد الثانيه بتدرس عندهم ببلاش؟

الدعوا كلها تجاريه ، وقس هالموضوع على المدارس عندنا الحكوميه والتجاريه (الاهليه) وش الافضل غالبا ؟؟
انا درست في معهد حكومي وخاص (تجاري على حسب كلامكم) والله يالخاص افضل بمليون مره وطورني كثييييييير

امريكا بكبرها ماعطتك فيزا الا لامور( تجاريه ) واقتصاديه!
فـ بطلوا كلمة تجاري الله يخليكم ، وشوفوا اللي ينفكم ولا يهمكم اللي يكتبون نص كلامهم غلط وتأكدوا بانفسكم

اذا بتغير المعهد عشان السبب هذا فما انصحك ، توكل على الله ورح للمعهد وان شاء الله بيطلع ازين من ما تتوقع.
بعدين فيه احد يترك كالورادو ويروح ميتشيقن؟ عند الخوال والله يهبلون فيك ههههههه

اما سالفة الفيزا ، نظاما تقولك السفاره اذا غيرت المدرسه قبل تسافر لازم تطلع اي توني جديد وتراجع السفاره مره ثانيه.
واعرف شخص قريب مني كثير ، غير المدرسه قبل يسافر ولا راح للسفاره والحمدلله مشت اموره ودخل امريكا ...

ربي يوفقنا وياك ياحلو ...

انا كان عندي قبول من معهد ومعاي اي 20 منها وطلعت الفيزا من غير مشاكل

لكن قبل ما تبداء الدراسه صارت معي ضروف عائليه منعتني من السفر ولا قدرت ااجل الدراسه
وبعد ما فكرت ارجع مره ثانيه الجامعه اللي عندي منها قبول صارت موقوفه

لذلك فكرت اغير المعهد والجامعه

الحين وش التصرف السليم اللي اقدر اتصرفه بحيث اني اقدر اغير الجامعه والمعهد
وهل المطلوب مني ارجع للسفاره مره ثانيه عشان اغير الفيزا او لا

هل أحد دعى عليك لأجل تروح ميتشقن؟؟؟
لابد من الذهاب إلى نفس المعهد أو الجامعة اللي استخرجت منه الآي توني ، وإذا حاب تغير المعهد قبل دخول أمريكا لازم تحصل على آي توني جديد وتراجع السفارة لأجل الفيزا.
بالتوفيق

صح لسانك

نفس تفكيري

من يسيب كولارادو ويروح لميتشيغان ولاية المفروض تصنف من دول العالم الثالث


اذا تبغى تغيير المعهد قبل سفرك وهذه اول مرة لك يعني مو راجع من اجازة مثلا يجب عليك الحصول على اي توني من المعهد الجديد وفيزا جديدة هذه مافيها استثناء

يعني لازم اروح السفارة واغير الفيزا

واذا موعدي في السفارة بعد موعد دراستي .. ما فيه موعد قريييييييييييب

مشكورين

يا خوي اسمع النصيحة .. ترجع مره ثانية للسفارة مو كويسه .. يمكن يطلعون الفيزا يمكن لا .. لا توسوس .. انت سافر لامريكا وشف معهدك يمكن يعجبك .. ما اعجبك عندك فرصه تغير ..
ما ادري ليه خايف مره !!

من قال لازم تغير الفيزا؟؟؟ ما خبرت بهالشي صراحه... ياما شفت ناس غيروا المعهد اول ما وصلوا امريكا واتذكر ايام زمان بعضهم يوصلون الملحقية والملحقية تنقلهم على معهد ثاني على طول... كان الوضع اختلف الحين عاد مدري...بعدين لا تصير عبيط وناخوك!!! انت رح للولاية اللي انت فيها وبعدين اذا ما اعجبتك رح لمتشجن... واصلا مستغرب ليه تبي تروح متشغن تراها من اخيس الولايات اللي زرتها على فكره.