استفسار مدينة توليدو ..

والله يا اخ sfyan انا قدمت على الجامعة و ان شاء الله راح اسافر في اكتوبر ، حسب ماسمعت ان السكن مو اسعار متوسطة ونسبة الامان كويسة و الجو في الصيف حلو وفي الشتا بارد ، ان شاء الله تحصل يفيدك و يفيدني اكثر ، بس انا سمعت ان المواصلات تعبانة في المدينة ، بالتوفيق

والله اخي الكريم انا مسافر احتمال على نهاية سبتمبر على مدينة توليدو بس حسبي الله على السفارة الى الان ماطلعت التأشيرة نرجع لموضوعنا المدينة على حسب معرفتي انها مرة ممتازة للدراسة والاجواء كمان جيدة بس باردة في الشتاء وبالنسبة لأسعار السكن فتتراوح مابين 300 الى 600 دولار في الشهر هذا على حسب الموقع الكلام هذا جبته على حسب مأسمع من المواقع والاشخاص الي اعرفهم بس فيه نادي خاص للسعوديين اسمه النادي السعودي بجامعة توليدو الموقع هذا مرة ممتاز راح يفيدنا
ان شاءالله اكون افدتك بالمعلومة وياليت اي احد اذا لقي معلومة لايبخل علينا لأني حتى انا طالع على نهاية سبتمبر

شكرا لكم

انا ادرس ماستر في توليدو وجلست فيها سنتين فترة اللغه وعارف المدينة شبر شبر .. طبعاً اذا ما كان عندك سيارة راح تتعب خصوصاً في الشتاء .. وسائل المواصلات جداً سيئة .. المدينة متوسطة ولكنها ممله لكن اللي يميزها ان فيه اشياء كثير قريبه منها مثل مدينة العاب اسمها سيدر بوينت تبعد 45 دقيقه وتعتبر من اخطر مدن الالعاب في امريكا وجنبك شيكاغو 3 ساعات ونصف بالسياره عندك ديترويت فيها مطار دولي انصحك تنزل دايم في مطار ديترويت وتروح من المطار على توليدو بالسياره بياخذ منك 40 دقيقه والتاكسي بياخذ 100 دولار تقريباً

المدينة فيها مطاعم عربية كثيره اشهرها Toledo Market و Middle East وهو الافضل بالنسبة لي

اذا فيه اي استفسارات ثانيه انا حاضر

يعطيكم العافية شباب ما قصرتوا , بس اتا عندي استفسار عن السكن خصوصا اني ابي شقة بس تكون جنب الجامعة كيف الطريقة , يعني احجز شقة عت طريق المواقع ولا احجز فندق مؤقت الين ما احصل شقة

ومشكورين ماقصرتوا.

اذا تبغى رأي اخوي pLaYa روح احجز مؤقت فندق ولما توصل هناك خذلك شقة على الاقل انك تقدر تشوف الشقة بنفسك اما اذا حجزت عن طريق المواقع الصور كلها كذب يعني توصل هناك تلاقي فرق كبير بين الصور الين حاطينها بالموقع بالنسبة ليا هذا الشئ الي راح اسويه
اتمنى تكون المعلومة او النصيحة واضحة
وبالتوفيق

شباب انصحكم في سكن اسمه Olde Towne هذا مرررره قريب من الجامعه يعني ما تحتاج سياره وميزته انك تسكن مع امريكان وراح تستفيد في اللغه وممكن ايضاً يفيدونك عن الجامعه وعن توليدو اذا كان عندكم اي استفسارات وقت وصولكم هناك

السكن عباره عن ٣ غرف و ٣ دورات مياه الله يكرمكم كل طالب له غرفه ودورة مياه خاصه والمطبخ والصاله مشتركه .. طبعاً السكن مره نظيف وفيه نادي رياضي مفتوح ٢٤ ساعه وفيه صالة سينما تقدر تحجزها وتعزم اخوياك تشوفون فيلم مع بعض فيها بزنس سنتر المكان امان والسيكيورتي ٢٤ ساعه موجودين .. ممنوع الوقف في مواقف السكن الا للنزلاء فقط ولا يسحبون السياره ويدفعون المخالف ١٥٠ دولار لو مالقوا ستيكر السكن على السياره

طبعا فيه مميزات كثيره ممكن انكم تطلعون عليها من موقعهم وهذا الرابط

Olde Towne University Square - Mobile Version

اخوي نايف
وش رايك في المعهد حق الجامعه كويس والا ؟؟

يعطيكم العافية الشباب ماقصرتوا والله

أخ نايف انا ان شاء الله راح اجي مع قريبي يعني نقدر نسكن سوا في السكن الي انت قلت عليه ؟

و كم السعر قي الشهر , الصراحة دخلت الموقع و شوي مافهمت .

الله يوفقنا وياكم جميعا

2010 كان ممتاااااز لكن الحين مستواه صار اقل من اول .. اذا كنت تعتمد على المعهد بس علشان تطور لغتك ما اتوقع انك راح تتطور بسرعه ولكن اذا اختلطت مع الامريكان واشتغلت على نفسك شوي خلال سنه اضمن لك انك تدخل الجامعه ان شاء الله