حوار تجمع معهد جامعة تكساس اوستن

السلام عليكم ...بغيت أسأل عن المعاهد الي في مدينة أوستن كيفها كويسها ولا لا وكيف طريقة الايفل كل شهر او كل شهرين
وعن السكن في المدينة سواء مع عائله او شقق كم توصل وعن المواصلات
ويعطيكم العافية

مدينة أوستن من أجمل المدن الأمريكية
سكانها رائعين جداً ومجتمعها متقبل لكل الثقافات
بالنسبة للسكن نصيحتي لكل الطلاب مايحجزو من النت شقة أو بيت بدون مايشوفوها، استاجرو فندق لحد ماتشوفو كل الشقق بأنفسكم
شخصيا انصدمت لما شفت بعض المجمعات السكنية بعيني، في النت طالعة شيء خرافي ولما زرتها للمعاينة كانت مرة معفنة
بس هذا أكيد مايعني إن كل الشقق راح تكون معفنة

هل الجامعه تعطي قبول مشروط ..؟

وكم مستوى في المعهد ؟؟

مع العلم اني مبتعث لدرجه البكالوريس

اتمنى اختي تعطينا اسم مجمع سكني يكون مضمون يعني انتي شايفته والله تعبتنا مسألة السكن و الله يجزاك خير..

والله يا اخي الجامعه ما اتوقع تعطي قبول مشروط مثل ما قلت الجامعة من اقوى الجامعات في امريكا خاصه الهندسة المعهد حق جامعة UT الكل يمدحه و فيه ميزه انه كل سمستر يقبل على حسب لغة الطالب يعني ياخذ عدد معين من متحدثي العربي يعني ما يكون نص طلاب المعهد نفس اللغه لازم كل سمستر الطلاب لغتهم الاصليه مختلفه المعهد من ناحية الدراسه راح يفيدك خاصه ان المهم عندنا درجة الايلتس نحتاج معهد قوي الجامعة انا مفكر انها تكون بولاية ثانيه يمكن اوريقن او كاليفورنيا ان شاء الله انا بعد مثلك بكالوريس هندسه على حسابي الخاص

مرحباً بالجميع
أنا ان شالله دكتوراة وبقدم على جامعه تكساس وابي قبول من معهدها
بس احد عنده علم بان المعهد متكدس او لا؟
ارجو الرد لو سمحتو

بقائمة التعليم العالي لا مو متكدس

بس هذي صفحة المعهد
Contact

عبي الابليكيشن هنا Apply Now
وارسليه علي ايميلهم وهم على طول بيردون عليك

السلام عليكم ورحمة الله وبركاته

أنا متواجد في أوستن وأدرس اللغة في معهد ESL بجامعة تكساس في أوستن

المعهد من أقوى المعاهد وممتاز جداً ولا يقارن بأي معهد أخر وبالنسبة للأساتذة الموجودين فيه متعاونين جداً و على درجة عالية جداً

طبعاً هذه الجامعة لا تقدم قبول مشروط نهائياً

وبالنسبة للمعهد يوجد نوعان من الدراسة:

1- دراسة اللغة العامة ( ELP ) وفيها سبع مستويات.
2- دراسة اللغة الأكاديمية ( AEP ) وفيها أربع مستويات.

بالنسبة برنامج الـ AEP مخصص لطلاب الدراسات العليا ( ماجستير - دكتوراة ) بمعنى طلاب مرحلة البكالوريوس لا يحق لهم دخول هذا البرنامج نهائياً

أما بالنسبة لبرنامج الـ ELP فيحق للجميع الدخول فيه.

.......................................

# من ناحية السكن

أفضل مكان للعوائل فهو ( الفارويست - نورث لامار ) وتوجد باصات خاصة للجامعة مجاناً على مدار اليوم إلى الساعة 11 ليلاً.

وأما للعزاب فأضل مكان للسكن بصراحة فهو ع الريفرسايد .. رخيص وجميع الخدمات متوفرة .. أيضاً باصات الجامعة تخدم هذه المنطقة بكثرة بحكم كبرها ولتواجد عدد كبير من الطلاب من مختلف الجنسيات.

....................

# أجواء أوستن

أنا ما حسيت إن فيها فرق عن جو السعودية نهائياً.

................

# سكان مدينة أوستن.

من أفضل سكان أمريكا وهذا بحكم الأمريكان أنفسهم. جميع الأشخاص هنا ودودين إلى درجة كبيرة جداً أفضل من الولايات الأخرى. وللإضافة سكان مدينة أوستن و سان انتونيو تحديداً أفضل من سكان المدن الأخرى في ولاية تكساس.

..................

# الأسعار

متفاوته وعلى حسب المجمع السكني وعلى حسب المنطقة اللي راح تسكن فيها.




تمنياتي للجميع بالتوفيق والسداد


أخوكم / أبوراشد

للمعلومية بالنسبة للمعهد الآن فيه كثرة من الطلاب العرب لدرجة أنهم أصبحوا يقلصون من نسبة القبول للطلاب العرب.
وعلى حسب ما سمعت من المدرسين أنهم أغلقوا باب القبول للسنة القادمة على الطلاب العرب.

والله أعلم

السلام عليكم
اخواني انا في مدينة اوستن واعيش في الفاروست تحديداً
ادرس في معهد اليوتي وكل المعلومات الذي سبقني فيها الاخ صادق
المدينه لا اعتقد انها من اجمل مدن امريكا
فقط استطيع القول انها امنه ومرتبه ونظاميه
مريحه في سلاسة الحركه والتنقل والناس متعاونين
مدينة دراسيه
وجامعة اليوتي لا تعطي قبول مشروط
تحياتي