اوستن . والقادمين الى اوستن انا مستعد لخدمتهم

باذن الله بكره ااسال لك

السلام عليكم
ي اخوان اكثر الي كلموني مصرين على اليوتي ولا يبون الا هو
انا مقدر رغبتكم ولكن اقدم لكم نصيحه قدمتها لكم واحد من اخوياي ومشت معاهم كويس

قدموا على معهد التي اي بي او معهد استون
وبعدها اذا جيت هنا وماعجبك قدم على اليوتي
وكلها شهرين وتتحول للمعهد الثاني
النصيحه للجميع
تحياتي

السلام عليكم
اشكرك ياخي ابراهيم على هذي البادرة الجميلة منك الله يجعلها في ميزان اعمالك

انا راح تبدا دراستي في نص شهر يناير الجاي انشاءالله
وعندي كم استفسار :
١/ الوالد هو مرافقي ، وهو عنده رغبة ان يدرس لغة في البداية فكرت في معهد UT نفس الي انا راح ادرس فيه بس سمعت انه ضغط شوي واخاف ان والدي مايرتاح معهم
فايش تقترح علي معهد اقدر اقدم فيه لابوي بحيث يستفيد ، ويكون قريب من ال UT عشان السكن
٢/ ايش المناطق الكويسة الصالحة لسكن العوائل والقريبة للجامعة "اقرب المناطق" ؟. وهل في امكانية اني استأجر شقه في سكن الجامعة اذا كان موجود ؟؟
٣/ اجارات الشقق في امريكا تدفع بواسطة شيكات على حسب علمي ،، فكيف يكون وضعي اذا رحت هل أني اروح افتح حساب في البنك واروح لهم بعدين اخذ دفتر الشيكات والبطاقه لأني ما عندي احد اعرفه في الولاية اقدر احط عنوانه وزي ما انت عارف في البداية راح يكون عنواني الفندق عنوان مؤقت مو عنوان دائم !

واسفه على كثر البربره

وجزاك الله خير

السلام عليكم ورحمه الله وبركاته
كلامك صح بس ماينفع مع معهد الجامعه ut لان له عدد معين لاستقبال طلاب السعوديين
واذا تحويل من معهد tiep لازم يدرس 4شهور او 3 شهور ونص ...على حسب طول سمستر

السلام عليكم
مدينه اوستن تعتبر من امن المدن من وجهه نظري عشت فيها مايقارب السنتين ....مدينه دراسيه
سكنت في حي الفارويست طبعا اغلب العوايل تكون هناك في سكن Oak Ridge

http://www.oakridge-apts.net/OakRidgeTX/Index.aspx هذا رابط سكن
بصراحه سكن مره مريح ...وقريب من عندي محطه الباص وكذالك قريب من عندي سوبر ماركت وكذالك بعض محلات ...
بالتووفيق...

السلام عليكم اختي صحيفة الامل .. سأجيب على استفساراتك

١/ الوالد هو مرافقي ، وهو عنده رغبة ان يدرس لغة في البداية فكرت في معهد UT نفس الي انا راح ادرس فيه بس سمعت انه ضغط شوي واخاف ان والدي مايرتاح معهم
فايش تقترح علي معهد اقدر اقدم فيه لابوي بحيث يستفيد ، ويكون قريب من ال UT عشان السكن

.. اولاً الله يحيي والدك وعلى عيني وراسي . ثانياً حلو انه يدرس لغه . واليوتي يعطيه فل تايم او بارت تايم اذا على حسب الفيزا F1 او F2 اككيد هو اف تو
فأكيد حيقولوا له بارت تايم وهو يدرس يوم بعد يوم وبأماكنه يخليها حصتين في يوم الاثنين وحصتين يوم الاربعاء وحصتين يوم الجمعه بالتنسيق مع المعهد
بس هم في الغالب يعطوه ثلاث الاثنين وثلاث الاربعا وثلاث الجمعه يفرق عنك انك تاخذين كلاس واحد الثلاثاء وكلاس واحد الخميس فقط
يعني انصحك باليوتي بدون تردد


٢/ ايش المناطق الكويسة الصالحة لسكن العوائل والقريبة للجامعة "اقرب المناطق" ؟. وهل في امكانية اني استأجر شقه في سكن الجامعة اذا كان موجود ؟؟
اقرب شي للجامعه هو الكامبوس ولكن شبابي ولا انصحك فيه ازعاج ولا فيه درجة الامان التي في الفاروست
الفاروست يبعد عن المعهد بالباص ما يقارب 20 الى 25 دقيقه وهذا بالمبالغه
وجميع المجمعات يقف امامها او قريب منها الباص وهي الافضل وانا اسكن فيه

٣/ اجارات الشقق في امريكا تدفع بواسطة شيكات على حسب علمي ،، فكيف يكون وضعي اذا رحت هل أني اروح افتح حساب في البنك واروح لهم بعدين اخذ دفتر الشيكات والبطاقه لأني ما عندي احد اعرفه في الولاية اقدر احط عنوانه وزي ما انت عارف في البداية راح يكون عنواني الفندق عنوان مؤقت مو عنوان دائم !

.. لا تشيلي هم خلي والدك يتواصل معي وهذا الامر بسيط بالنسبه للحساب البنكي تفتحيه في فتره لا تصل لساعه ان شاء الله
وبالنسبه لسداد السكن فهو بشيك والشيك من سوبر ماركت كبير اسمه H.E.B مثل بنده في السعوديه عادي تعطيهم كاش ويعطوك الشيك
او تعطيهم بالبطاقه كلها ماتفرق عن بعض
..........

حاولت افصل لك قد ما اقدر لأني حسيت انك شايله هم مثل ماكنت انا شايل هم جيتي هنا
.
لا تشيلي هم وحنا نعين ونعاون ولا ابغى الا الأجر
وبأمكانك التواصل معي اذا اردتي اي شيء او استفسار

الله يعطيك العافيه يا اخوي
ماقصرت

لو تكرمتو ابغا موقع معهد UT
وسمعت انو القبول صعب بهالجامعه هل هذا صحيح
ومعليش راح اطول عليكم شوي كيف المواصلات هناك اقدر اجلس بدون سياره لمده شهر شهرين والا لا واماكن الترفيه والسكن انا راح اجي بعايلتي هل تصلح للعوائل والا لا ؟
والله يعطيك العافيه

الله يعطيك العافيه ومشكور اخوي
بس اقصد الايميل حقهم علشان اقدر اتواصل معاهم