للقادمين إلى Michigan ميتشقن Ann Arboor أو Ypsilanti سكرتيركـ الخاص تحت أمركـ

للرفع (:
للرفع (÷

السلام عليكم
يعطيك الف عافية على ذا المجهود

ابي استفسر عن الجامعة
انا طالب بكلية الجبيل الصناعية معي دبلوم انسترومنت(الآلات دقيقة وتحكم)
هل الجامعة تعادل ساعاتي؟ واذا اي كم ساعة تعادل مع العلم اني دارس٦٩ساعة بدون التطبيق

وبالنسبة للقبول الجامعي سمعت انه اذا كنت طالب متخرج من المعهد حقهم يقبلونك بدون اختبارات..هل المعلومة صحيحة او لا؟

و عليكم السلام و رحمة الله و بركاته ,,
حياكـ الله طال عمرك ,,
بالنسبة للأسفسارك الأول ,, ما أفتيك فيه لكن الأفضل تراسل القسم نفسه و بيفيدونك بإذن الله ..
أما بخصوص المعهد .. فالحسنة الوحيدة فيه أنك تدخل الجامعة بدون إختبارات ((( لكن أسألهم هل يطلبون إختبار "جيمات " أو لا ))))
و المعهد الفترة الحالية ما أنصحك فيه و تقدر تراجع هذا الموضوع و بعدها قرر :
http://www.mbt3th.us/vb/forum41/thre...#axzz2OYv4kyY8

موفق بإذن الله تعالى (:

لو أشكرك من هنا لبكرة ما أوفيك حقك يارجل

اخي العزيز ... تقدر توفر الي قبول معهد في هالولايه بس ابي اعرف بكم الرسوم الكورس وكم شهر


وبنسبه السكن شقه صغيره غرفه وحده بكم

لا شكر على أقل ( واجب ) و إذا الله كتب لك نصيب في هذي المدينة .. أنا تحت أمرك من الألف إلى الياء (:

أسأل الله لك و لي و لكل مسلم التسهيل و التوفيق ،،،

السلام عليكم و رحمة الله و بركاته ,,
بخصوص القبولات في المعاهد : المعاهد كثيرة ( تجاري و أكاديمي )
التجاري مثل هذا في مدينة أناربر ( معقول و بدأ يتطور ) و سعره في حدود 1200 للترم ( 40 يوم تقريباً ) :
http://www.englishclasses.com/

و الأكاديمي اللي تابع لجامعة ( مجرد تخلصين اللغة تدخلين الجامعة بدون توفل أو آيلتس ) لكن غالباً يكون غالي من 4000 إلى 7000 للترم مثل هذا :
Home - Oakland University

اللي أنصحك فيه : أبحثي عن قبولك الجامعي وين ؟ و بعدها شوفي هل الجامعة فيها معهد أو لا ؟

أما بالنسبة للسكن يتفاوت بشكل بسيط بين كل مدينة ( و كل مدينة فيها أماكن رخيصة ما تصلح للسكن و أماكن متوسطة ) و الأسعار للغرفة الواحدة من 750 إلى 850 تقريباً و تضيفين عليها طبعاً حدود 200 دولار ( كهرب ، ماء ، نت ، إلخ )


بالتوفيق بإذن الله تعالى ،،،

السلام عليكم أخوي نفر كويس وأنشهد انك كفو ومثال يضرب فيه المثل وتأكد انك بمعلوماتك بتكسب دعوات بظهر الغيب .. موضوعي :

أنا معي ماستر من بريطانيا حاسب وأبحث عن قبول دكتوراه حاسب بأمريكا وجات عيني ع جامعة Eastern Michigan University بكورس اسمه P.hD Of Technology عبيت الأبلكيشن من اسبوع تقريبا بس سمعت انهم يتأخرون بالرد ؟
استفساراتي كالآتي :
1- أبغى أريح طريقة للإتيان بالقبول وايش رايك .. أنا الآن بالسعودية ومشغول بالعمل .. اذا تعرف مكتب او شخص اراسله يكون أفضل ؟؟
2- رأيك عن دراسة الدكتوراه بالجامعة هذه وهي من أي نوع .. (صعبة - متوسطة - سهالات) ولو عندك معلومات عن الاختبار الشامل وكيف طريقة تدريسهم للدكتوراه وكم عدد السنوات .. لأنه بصراحة موقعهم ما وجدت فيه ضالتي من أسئلة واذا تعرف طلاب دكتوراه بنفس التخصص فراح أكون لك شاكر وممتن ..

وألف شكر لك يالذيييب ونسأل الله الكريم ان يفتح لك أبواب الخير والرزق ..

و عليكم السلام و رحمة الله و بركااااته ,, حياك الله طال عمرك و شكراً لإطرائك الجميل الذي لا أستحقه (:
في الغالب معالجة طلب التقديم تآخذ من شهر إلى شهرين و بعض الأحيان 3 أشهر لبعض الأقسام !!
و يفضل أنك تتصل على هذا الرقم بعد أسبوع تقريباً بحكم أن مالك إلا أسبوع مقدم عليهم 0017344870205 هذولي أسمهم : International Admissions ، و كرر الإتصال لين يردون عليك .. و بعدها ممكن يفيدونك وش الإجراءات المترتبة على القبول و وش صار عليه .. لأني لو أروح لهم بيرفضون الإفصاح عن أي معلومة و هذي صارت معي كثير ..

أما رأيي عن الجامعة فـ صعب أني أفتيك لأن ما لي تجربة فيها و خبرتي الأكادمية ضعيفة .. لكن ما سمعت أن فيه أحد أشتكى أو مدحها مدح مسرف .. أعتقد دراستها وسط و الله أعلم .
لكن إذا كلمت الرقم اللي أعطيت بين لهم أن معك ماستر من أمريكا .. و ممكن يفيدونك و ياليت أني أعرف أحد يدرس بنفس التتخصص كان خليته يفيدك أفضل ..

موفق بإذن الله تعالى (:

الشكر لك أخوي علي ما تقصر وان شاء الله سوف أوافيكم بالجديد