للقادمين إلى Michigan ميتشقن Ann Arboor أو Ypsilanti سكرتيركـ الخاص تحت أمركـ

هو مهم جداً إذا بتستأجرون سيارة أو بتشترون لاحقاً ( لأن ملزومين تشترونه ،، ميزة أمريكا مجرد أنك تحطين العنوان في القارمن يوقفك عند باب البيت أو المحل ) و فيه خدمات كثيره يقدمها الجهاز مثلاً يدلك و ين أقرب مطاعم حولك و يصنفها لك ( هندي ، عربي ، أمريكي ، مكسيكي .. إلخ ) و البقلات و الأسواق و كل شي ..
و فيه موجود بإكسترا و دار موجه و محلات كثير ..

توصية ممكن تهمك :
- بعض مكاتب تأجير السيارات يأجرون عليك القارمن بـ 15 دولار يومياً و هذا غبنة و قهر إذا أنا بآخذ السيارة 4 إلى 7 أيام !! لأن بقيمة إيجار القارمن أشتري واحد بـ 90 دولار يمشيني
- الأفضل حتى الآن على توصيات أهل اخبرة ( جهاز قارمن نوع ( نوفي ) موديل 3590 لكن غالي شوي سعره في أمريكا 360 دولار ,, و فيه قارمن يقوم بالمقام و سعره 100 دولار لكن كوجهة نظر وتجربة أشوف أني أدفع 360 لحاجة راح أستخدمها شبه أسبوعي و أنا مرتاح لأن يعض أنواع القارمن يضيعني على الطرق السريع ( عند مفترق الطريق ما يوضح لي وين المسار الصحيح بالظبط إلا إذا قربت منه !! و هذا يربكني ) .

بالتوفيق ،،

السلام عليكم أخي الكريم يعطية الف عافية على الموضع المفيد

عندي لك سؤال لاهنت

انا الان قاعد ابحث عن سكن في Ypsilant
وحصلت هذ السكن

Arbor Pointe
2020 Arbor Circle East, Ypsilanti, MI 48197

هل تعرف هذا السكن وايش رايك فيه وهل يوجد باص يوصل من هذا السكن الى Eatern Michigan University

وهل عندك اقتراح عن سكن اخر يكون قريب للجامعة ويصلح حق عوايل ويكون فيه مواصلات عامة

وبصراحة سمعت من بعض الناس ان المدينة خطيرة نوعا ما، فهل هذا الكلام صحيح ؟ ولا فيه مبالغة في الموضوع.


الله يعطيك العافية
ويوفقك في دراستك

و عليكم السلاااااااااام و رحمة الله و بركاته ،،

هل تعرف هذا السكن وايش رايك فيه وهل يوجد باص يوصل من هذا السكن الى Eatern Michigan University

هذا السكن خلف المجمع اللي أنا ساكن فيه ,, ممتاز على كلام الشباب لكن من وجهة نظري أشوف القولف سايد اللي أنا ساكن فيه أفضل . ( طالع الصورة : حرف A هو اللي تقصده و حرف B المجمع اللي أنا ساكن فيه )
الباص ما يودي مباشرة للجامعة من المجمع اللي سألتني عنه ( لابد أنك تبدل لباص ثاني ) . الخدمات لا بد أنك تآخذ سيارة لأن ماحول المجمع خدمات .

السكن اللي أنا ساكن فيه ، الباص يبعد عنه 5 دقايق مشي و تقدر تستخدمه و تروح للجامعة مباشرة و الداون تاون و بعض الأماكن ، و الخدمات المحيطه فيه مطاعم ( ماك و برجر كنيج و دومينوز و مخبز عربي و مطاعم ثانية و مجمع كذلك فيه ستاربكس و مطعم فلافل وكتب تأجير سيارات و سوبر ماركت صغير و قدام المجمع سوبر ماركت كبير جداً لكن عيبه ما فيه خضار !

وبصراحة سمعت من بعض الناس ان المدينة خطيرة نوعا ما، فهل هذا الكلام صحيح ؟ ولا فيه مبالغة في الموضوع.
المدينة مثلها مثل أي مدن أمريكا ,, من الصباح إلى 11 بالليل أمان و تأكد لن يتجرأ عليك أحد في الشارع أو بيتك ، لكن اللي بيطلع في الليل متأخر و بيروح لأماكن مشبوهة يتحمل ما يجيه .
أنا ماشفت و لا سمعت و لله الحمد أي مشكلة صارت ( إلا في الحرم الجامعي في أنصاف الليالي ) بحكم أنه كبير و مفتوح على الشارع و يقع في آخر يبسلانتي .


إذا موضوعك خلاص منتهي و بتجي لمتشقن بإذن الله ,, فضلاً راسلني علشان نناقش بعض التفاصيل و الترتيبات ..

موفق بإذن الله تعالى ،،


ملاحظة :
و يفضل ( يفضل ) إذا لك رغبة تشتري سيارة إذا جيت ,, أنك تبحث قبل لا تسافر و تقدر تراجع موضوعي هذا :
http://www.mbt3th.us/vb/forum8/threa...#axzz2NAugEHoi

الله يعطيك العافية اخ علي

حاولت ارسل لك رسالة خاصة ولكن ما وصلت

الله لايهينك تعطيني ايميلك

انا حاليا موجود في امريكا ولاية ميرلاند وراح انتقل الى متشغن

تفضل :
smart2001@hotmail.com

يانفر كويس انا و اخوي بأذن الله راح نكون بمتشغن في ان اربور بعد شهر ونص تقريبا من الان

بس ابغى اسأل عن الشقق اللي تاخذ اجار شهر واحد بعد ما نوقع العقد يعني اذا كان الشهر ب 800 تاخذ بس 800 ببداية كل شهر ماتاخذ حق كذا شهر
يعني ان شاء الله انك فاهمني

يعني هذي الشقق متواجده بكثره بهالمدينه و مكانها يكون امن ولا ؟

و الله يعطيك العافيه

تسلم

تم ارسال ايميل

إذا كان قصدك مثل الشقق المفروشة : فيه فنادق نجمتين ( أرقى من الشقق المفروشة عندنا في السعودية ) يأجرونك بشكل شهري بقيمة تقريبية من ( 900 إلى 1300 ) بالشهر .
- إذا كان قصدك الشقق العادية فأغلب أنظمتهم عقد 6 أشهر أو سنوي ,, و الدفع طبعاً شهري ( بداية كل شهر ميلادي ) و الشقة فيها موكيت و مطبخ بأجهزته .
و إذا أنتم حجزتو الطيران و خلاص أموركم في السعودية أنتهت فضلاً مراسلتي على بريدي .

موفقين بإذن الله ،،،

الله يعطيك العافيه موضوع جدا" قيم و فيد

الف شكر

باقي الفيزه ماطلعت وبأذن الله بعد ما نحجز بعطيك خبر

الف شكر مره ثانيه