++ سؤال عن السكن بنبراسكا، لينكون ++

حتى انا بكون في نفس المعهد ونفس الجامعة وجبت القبول بس فضل الفيزا الله يعين كويس انه في احد معي

السلام عليكم انا محمد زوج امجاد ،،احنا للتو وصلنا ل لنكون ،،،سوف احاول الاجابه على اكثر التساؤلات ،،
اولا المدينه تعتبر متوسطة الحجم وهي عاصمة الولايه ولكن ليست اكبر مدينه فيها ،اكبر مدينه هي اوماها وتبعد ساعه بالسياره.
ثانيا اسعار السكن في المدينه رخيصه تتراوح بين خمس مائة الى ثمان مائة دولار شهريا والسكن متوفر وفي كل مكان
ثالثا يوجد كامبسين للجامعه الشرقي والغربي قبل اختيارك السكن اعرف اين تسكن ،،لطلاب اللغه الدراسه ستكون بالغربي .
بالنسبه لشراء السياره ،،انا طالب دكتوراه وسبق لي الابتعاث من قبل لذلك انصح بشراء سياره تكون سيرتفيد اي معتمده من الوكيل ،، ويكون الضمان عليها شامل ،
يمكن شراء او استئجار السياره بدون رخصه امريكيه ،،،عن طريق رخصه دوليه وتجد الرخصه الدوليه في اي مكتب سفر في السعوديه ،،

بالنسبه للقبول في الجامعه ،،القبول ليس صعب ولا سهل ،اذا كان تخصصك علمي تحتاج الى جي ار اي مع التوفل ،،

مع تمنياتي لكم بالتوفيق

يعطيكم العافيه وماقصرتو و الله يوفقكم دنيا و اخره على تجاوبكم معنا

الله يوفقك يامحمد هدا

والله تعجز الكلمات عن وصفك

يليت اختي تعطينا الرابط

ويليت الي يعرف سكن العقد حقها بالشهر تكفون ياشباب

وينكم يااهل لنكولن

وش اخبااررررررررررركم وجديدكم وكيف ترتيباتكم للسفر


انا حالتي الان صراع نفسي مع هاللي يسمونها فيزا الله يسهلها يارب
حتى مو قادره استمتع ب هالكم اسبوع الباقي لنا

والله وطلع موضوعي خطير وصل 3 صفحات : )

الله يطرح فيه البركه يارب

وهلا بكل اللي ننورونا أمجاد و نوره و حفيدة عائشه

بالنسبه لي وصلت فيزتي وفيزة بنتي من 3 اسابيع فيزة زوجي السبت هذا بتكمل شههر وماوصلت ,مدري ليه

مفكرين ناخذ فندق و بعدها نشوف سكن ع راحتنا

والرحله انتظر الفيزا حتى اطلع قرار الابتعاث وامر الاركاب وويارب تسهلها ع الجميع يارب ,,

ايوووه عندي سؤالين

قريت بالنت انه فصل الشتاء تقريبا لحد 21 مارس

فماادري هل ابريل و الشهر اللي بعده بيكوون بارد,, يعني اكثر لبس شتوي او لا؟؟ وتقريبا كم راح تكون درجة الحرارة بالاشههر ؟؟

وبريضه وضع الحضانات كيف؟؟ لازم احجز هنا قبل امشي ؟؟ مره شايله هم بنتي صغيره و متعلقه فيني جدا جدا جدا : (

افكر اول مااوصل قبل الدراسه باسبوع اروح معها الحضانه و اتركها بالتدريج ,,

اللي عنده فكره عن الحضانات و اسعارها ينورني ياحبي لكم ,,

مثلي انا وزوجي فيزتنا الحين بنخلص الاسبوع الثالث ماوصلتنا الفيزا يارب يسرها من عندك

الله يستر موب يصير الجو حار اذا دخل ششهر مارس لاني كل اغراضي جاكيتات


بسم عليها بنتك كم عمرها
بالنسبه للحضانات انا سمعت انه فيه كثير بس لازم تحددين السكن اول عشان تعرفين وش اقرب حضانه لك


لازم نزيد من الصفحات والنقاشات دام ديرتنا وحده ان شاءالله

.





الحمدلله مقابلتي ب السفاره گانت يوم السبت 2/23
ووصلتني الفيزا يوم الثلاثاء 2/26

الحمدلله تساهيل ..
وقريب بنطلع قرار الابتعاث ان شاء الله والتذآگر ..

# عقبآلگم يااارب توصلگم عن قريييييييب ..



ـــــــــــــــــــــــــــــ



- تنصحوني احجز قبل الدرآسة ب اسبوع ولآ اسبوعين ؟؟؟
اممممم انا بعد ودي اعرف گيف الاجواء بتگون ف مارس وبعده
يعني آگثر ملابس شتويه ولا لا ..
ـ سالفة السگن شآيلهه همه گثير .. وش خططگم ؟
ان شاء الله اننا نحصل سگن وقريب من المعهد ((




* والله يوفق الجميع ويحقق مناگم ..