حوار العلاقة بين المبتعث و المبتعثة السعودية

من جد ما اعرف ليه الحساسية دي

اعرف ناس كتير قالوا لي انتبهي تسألي سعودي او تطلبي منه مساعده
تنفهمي خطأ ومن هالحكي...

أنا لسسسه ماشفت ياااارب تخلص امور بعثتي ع خير ..

والله السعوديات معاي بالكلاس حالهم حال الربع .. فله ياخي ترى البنات السعوديه حلوين باحترام بعضهم يعني ..
يعني وشو يصير لو سالت زميلتي السعوديه او العربيه ؟؟ وش يصير لو شسمه ضحكنا على شي بالكلاس .. والله جدا عادي

اااماا هذي صحيح هههههه بعض البنات مشاكسين ههههههه

سلام عليكم

استغرب من كلامكم وتصرفاتكم ليه احس الوضع متكهرب
اتوقع الي صاير بعض الكهربه فيه التعامل بين الاثنين
بس اغلب الكلام الي تتكلمون عنه كان قديم تغيرت الاجيال اللحين بين السعوديين وصار الوضع اركد من اول

لدرجه انه ماتخلو اي شركه من الشركات الكبار من العمل بين الجنسين ووجود اختلاط <<< بعض العالم عنده الكلمه هذي جريمه لاتغتفر بسبب الاعلام ماهو لمنطق معين في باله

اللحين مايكاد يخلو سوق من امراءه تعمل فيه

حنا شعب مايترك شي في الدنيا الا وينتقده لدرجه اننا ننتقد انفسنا وهذى الي مأثر علينا تخاف البنت تكون علاقه صداقه مع سعودي لتجنب الانتقاد ولو انه قليل في بلاد الغربه ولاكن مازال يأثر

قارنو بينكم وبين الاجانب حنا عندنا كميه مجنونه من الفبركه والتكلف في الكلام والتصرفات خلونا تطلع برى نطاق المبتعثين ونتكلم عن الشعب ككل
اي احتكاك بين شاب وبنت بالعاده لازم كلهم يكون اثنينهم كااااش ولو انهم طفارى
اغلب البنات لازم تبين انها البنت الكيوت والدلوعه وهي تجلد اخوانها وتجلس بوسط المجلس ومشمره عن سواعدها
واغلب الشباب مسوي الولد الاتكيت والويكند حقه مايقضيه بالسعوديه وهو ٢٤ منضجع بالاستراحه ويطلبونه اخوياه تكمله قطته

الدلع!؟
ناس كثيره مو مستوعبه معنى الدلع بالطريقه الصحيحه
بعض البنات اذا تبي تتدلع تحوس بعض الحروف بفمها قبل تطلعها اوكي حلوه اللتغه وكذا :$ بس اذا كانت طبيعيه اما التكلف شين
البنت الدلوعه فيها ميوعه << عجبتني الوزنيه، بس بعضهم تزودها لدرجه ودك كل الي بالكلاس مثلا يلتفتون عليها ويقولون لها بصوت واحد تراك ابثرتيها
كثير من الشباب يسمع انو البنت الدلوعه احلى شي بالدنيا " ومع الخيل ياشقراء " ومايدري انه لكل شي عواقبه
مثلا بعضهم يفكر البنت الدلوعه بتجلس طول عمرها تتصرف معاه بخجل وهدوء اذا هذا تفكيرك تراه غللللللللط
اوكي بتكون خجوله لاكن اذا مانت عليك بتبثر اوم اوم اومك لدرجه انها ممكن تطلع من قبرها وتديها وحده بالمشعال على راسها وترجع لقبرها وانت تقول صح عليك
احس اني شطحت وبقوه برى الموضوع عموما مقصدي انه كثير منا فاهم شغلات كثير بالشكل الغلط وعموما طبع البنت الدلع حتى الي فوق مشمره سواعدها بس مالقت احد يحسسها بالشي هذا.

وبسبب الاشياء الي فوق واشياء مثلها تكونت بعض الحواجز بين الطرفين بصراحه حنا نحب نبالغ بالاشياء لدرجه بعض اصحابي ما اقدر اتذكر سالفه صارت له ويقولها بدون تبهير
والسبب منهم هم كل الشباب ببالهم ان كل البنات يبون واحد كاش وبمواصفات معينه وكل البنات ببالهم ان الشباب يبون وحده الدلع زايد فيها حبتين وكذا
بس شف العلاقه اذا تكونت بين ذكر وانثى خارج النطاق المتكلف سواء بيننا او المجتمعات والثانيه وقارن راح تلاقي فرق شاسع بين الاثنين

اخيرا ابي اقول انه حنا وضعنا هالحواجز بيننا ولازم نعيش خلالها او نحطمها

بما اني لسى ماسافرت بس اللي سمعته من صاحباتي اللي سافرو
يقولون البنت السعوديه اذا تكلمت مع شاب سعودي في خارج الكلاس يتكلمون عليها!
واللي تحط شوية ماكياج يتكلمو عليها!

ف اعتقد النظره الخاطئه من الشباب نفسهم لانهم بيتكلمون عالبنت كذا ولا كذا (طبعا مو الكل)
ف طبيعي البنت تخاف على سمعتها وتحسب اي خطوه قبل ماتسويها الف مره حتى لو كان شي بسيط وعادي لو صدر من غير سعوديه ماحد قالها شي .

السلام عليكم اتوقع ان التصرف هذا ناتج عن قرب العلاقات بين المبتعثين بحيث ينظر للسعودي او السعوديه بشكل مقرب بسبب قلة العدد كما ننظر لابن القبيله داخل المملكة فيحاول كل شخص ان يظهر المحاسن ويخفي العيوب وينتج عنه التنافر وعني شخصيا افضل ان الواحد يتعامل مع الشخص البعيد ويترك ابن البلد في الامور العامه وفعلا نحن شعب نخوة لوفي شي كبير وكايد قد يستعين الواحد بابن البلد وجهة نظر

موضوع جميل جدا استمتعت بكل الردود
انا عن نفسي اتكلم لضرورة فقط لان الصراحه بعض الشباب يفهمون غلط ويفكرون غلط .. سامحوني ياشباب ديرتي

المشكلة لو جيت تكلم البنت تساعدها تقول هذا مسوي فيها الولد الي يبغى يشبكني . وتعطيه احلى جنط ونظرة دونية
ولو طنشناهم يقولون السعوديين متعقدين ومايبغون يحتكو معانا وكذا العلاقة تكون سيئة بين الشعوديين والسعوديات
والمصيبة لو جيتها تطلب مساعده او سءال يقولون هذا مسوي فيها بريء ويبغى يفتح سالفه عشان يتعرف. ولله عقدتونا يابنات تروكم في امريكا مو جامعة الاميرة نورة
انا مابغى علاقات حب وضحك انا ابغى نبين للعالم ان مافيه بيننا حواجز لو تشوفون كل الاجناس والجنسيات مع بعض حتى المسلمين ماعدا السعوديين.
مرة تانيه اقول مابغى بنت تضحك معي , زي منظر شفته بعيني في جامعة esl في شيكاغو 5 شباب متكين مع بنت سعودية وانواع الضحك. طبعا كلهم لله اعلم بنيتهم
المطلوب باختصار ان السعودية تبتسم وترد السلام وتسال وتجاوب على الاسئلة . والواحد لو شفتو منه ايحائات او ملامح مغازلة اتركوة.
ببصراحه مادري كيف اوصل مفهومي... اكتفي

( فجاءته إحداهما تمشي على استحياء قالت إن أبي يدعوك ليجزيك أجر ما سقيت لنا )

كل شئ قاله صحيح ميه ميه 100%
وتجارب عشتهاااا اناااا كلهااا شخصيااا

ان طلب مني احد مساعده ورديتله بعد يومين او ثلاث يجي يدربي راسه يطلب ايميل ولا رقم

وان عطيت واحد أشكل صار نفسيه ويجلس بيني وبينه بلكاااااش

وان ناظرت واحد قال ذي خاقه

وان احد سأل بشكل عام ورديت عليه قال ذي تحتك

وان واحد قال جمله فيها مدح صريح طبو الباقين في بطنه وسطرووووووووه

انتم لغززززز لغزززززز عجزت عن حله