تجمع طلاب معهد University of Texas at Arlington ولاية تكساس!!

طيب اخوي الله يسلمك

بس في طلاب دكتوراه عندكم وهل القبول سهل ودي اسال واحد يدرس دكتوراه هندسه صناعية ابي اتواصل معاه لو تكرمت

السلام عليكم حبايبي مين يقدر يجيبلي قبول للمعهد وللجامعه ذي

واللي يبيه يبشر به بليز اخواني محتاج مساعدتكم

والله يوفق الجميع باذن الله

مرحبا ابو فهد ,, يعطيك العافية على التجمع اللي عملته من خلال هذه الصفحة لطلاب جامعة ارلنقتون ,,

ابشركم جاني قبول لي و لاهلي بجامعة تكساس ات ارلنقتون وراح يكون يوم وصولنا في تاريخ 10 اوقست باذن الله انا شايف الاخوان المشاركين من فترة مو قليلة اتمنى تفيدونا عن اموركم بالمدينة حاليا من ناحية تعامل اهل المنطقة للاجانب , واتمنى افادتنا بخصوص السكن واسعاره شاكر لكم تعاونكم ,,

تحياتي للجميع ,,

الله يعافيك والف مبروك القبول وعقبال بالتخرج
توصلون بالسلامة ان شالله بالنسبة المدينة رائعة خاصة للعوائل كل الاحتياجات متوفره مساجد بقالات عربية مطاعم عربية مقاهي المدينة هادئة بعيده عن زخم المدن الكبيرة ولسيت بعيده عن فورت ورث تقريبا ربع ساعه ودالاس 45 دقيقه الناس هنا متنوعين الاصول فيه جاليات عربيه بشكل كبير الامركيان متقبلين الاخرين بشكل رائع فيه مكسيكان وسود ولكن بشكل عام المدينة اعتبرها رائعه والمهم المعهد قوي لكن مشكلته طويل فصل الخريف والربيع تقريبا 3 شهور كل فصل الصيف شهرين السكن متوفر وفيه الرخيص قريب من الجامعه وفيه الممتاز برا محيط الجامعه ويحتاج سيارة وفي كل الاحوال هالمدينة من يسكن فيها يحتاج يكون عنده سيارة لانه لا يوجد باصات او قطارات فمهم جدا ترتب امورك عشان تشتري سيارة اول ما توصل السكن الممتاز يتراوح سعره من 850 الى 1100 وممكن يزيد حسب مدتة العقد انصحك تمر على احد المكاتب وتستخرج رخصة دولية 100 ريال وانت واقف يسويها لك عشان تستخدمها هنا فترة قبل لا تطلع رخصة الاولاية .
تقبل تحياتي واي خدمه حنا حاضرين
يمكنك التواصل معي على الايميل m.alzedan هوت ميل

يعطيكم العافية
عندي استفسار انا جاني قبول من المعهد على أن أبدأ الدراسة 13 اغسطس لكن ما يمديني ولا لقيت حتى حجز ، راسلتهم قالوا لي سوي تأجيل على اكتوبر ، سؤالي ببيطول قرار التأجيل لين يطلع ؟ وهل يرسلون لي I 20 جديد ؟؟ ولا كيف القصة بتكون ؟؟

مرحبا ياغالي للاسف ماعندي معلومة اكيد بخصوص التأجيل وإجرائاته لكن تواصل معي على الايميل m.alzedan)hotmail.com ) وسوف اقوم بمتابعة طلبك في المعهد بأذن الله .

السلام عليكم ورحمة الله وبركاته
في احد من الاخوان يقدر يساعدني في الحصول على قبول لغة من نفس هذة الجامعه

السلام عليكم ورحمه الله وبركاته

الله يجعلكم في صحه وعافيه ..

بداية سفرتنا انا وزوجي في 2يناير 2014 باذن الله
هو المبتعث وانا المرافقه , الولايه تكساس مدينه ارلينغتون
طبعاً انا خريجه ثانويه وان شاءالله بكمل هناك ,
تفاجأت لما عرفت انو المعهد اللي بيدرس فيه زوجي مايقبل الا مبتعثين F1
وانا ودي اول ما اروح ادرس على طول مابي انتظر لان فاتتني سنه ونص عن الدراسه الجامعيه ,
سمعت ان هناك معهد تجاري قريب من السكن لكن طلع سيئ جدا , وماعرف وش المعاهد اللي بالمدينه اللي تكون ( معتمده ) ..
في قدامي خيار اني انتظر لين ارجع واحول F1 واصير مبتعثه بس ماعندي استعداد للانتظار ودي ادرس

افيدوني الله يجزاكم الف خير عن المعاهد اللي بالمدينه وتكون معتمده وتقبل المرافقين ..
علماً بأن معهد زوجي هو english language institute university of texas at arlington

شاكره لكم .

وعليكم آلسلآم ورحمـــة آلله وبركآتة ..
رآجع هذآ آلموضوع بتعرف آلمعآهـــد آلمعتمدهـ ..
http://www.mbt3th.us/vb/forum8/thread434761.html

بآلتوفيق ,,

السلام عليكم
بحمد الله وصلنا مدينه ارلينغتون
في مشكله بسيطه , دخل زوجي على الملحقيه لتعبئه بيانات المبتعث , وكل شي تمام الين وصلنا الى ايقونه المرافقين وظهر لنا هالجمله ( لايمكن اضافة مرافقين للطالب لان وضع الطالب مرافق فى نفس بلد البعثة)
ورجعنا لبيانات الشخصيه والحاله الاجتماعيه وتأكدنا بأن الحاله متزوج , والمرفقات كامله وبها كرت العائله ,

افيدوني جزاكم الله خير ماهو حل المشكله .. ؟