حوار قالوا محرم

يا حبيبي انا كلة كوم والى يسب الدين والشريعة كوم ثاني انا ما كان لي نية اشترك في الموضوع والطرح لكن صدمت ان احد الردود يحارب الشريعة وهذا الي انا ما ارضاه ابداً كل شيء يهون ما عدى ان أي شخص يسب الدين على انه كلام فاضي انا ما اسمحلة نهائياً

ما عندي غير الدعاء لكي ..

الله يعوضك خير ويسهل أمرك .. لكن حاولي تصبري على أبوكي لأنه في النهاية ابوكي ..
لو كان زوجك كان قلت لك اشتكي عليه .. لكن ابوكي لا والف لا ..

الله يسهل لك و يساعدك ..

سلامات ..!

أنا ما تطرقت في كلامي عن تطبيق الشريعة في السعودية

أنا مغزى الحكي الي قلته كان دفاع عن الدين الإسلامي والشريعة ، وإن الدين هو الي عز المرأة و رفع قدرها ومكانتها

فَ بالتالي الله يعافيك افهم الكلام الي أنا قلته مضبوط ..!

ولا تناقشني بشئ أنا ما قلته

وبعدين تعال قلي على أي دولة عربية مسلمة مجاورة مثل السعودية في الدين

اللهم لك الحمد ، لا خمور تنباع في الأسواق
ولا بارات ليلية أو حتى صباحية
المساجد تقام فيها الصلوات والمحلات كلها تقفل
مدارس البنات والأولاد منفصلة عن بعض
و الهيئة بكل مكان

بصراحة ما فيه مثل السعودية أبد الحمد لله يارب

اتمنى ان تزودنا بشريعة ايران حتي نطبقها في السعودية (عجباً لك )

اعتذر اذا شرحت قصدي بطريقة خطأ.. انا واثق ان الاسلام حفظ للمرأه حقوقها و كرامتها ,,
بس الموضوع اللي نتناقش فيه احنا .. عن صاحبة الموضوع المسكينة اللي متورطه مع محرمها ..

و انا كنت اقصد انه في بلادنا العزيزه المرأه محرومه من عدد كبير من حقوقها بسبب عادات وتقاليد وليس دين!!

اكيد انه بلادنا مافي احسن منها .. بس نتمنى ان تتحسن اكثر ..

شاكر ردك المحترم ..

- - - مشاركة محدثة - - -

و انا اتمنى انك ترجع السعوديه .. لأنك ما تستحق تكون مبتعث و أنت بهذه العقليه !!

لية زعلت يوم ذكرت ايران ولا انا حطيت يدى على الجرح وبعدين انا ملاحظ ان اغلب المبتعثين اذا رجعوا من الدراسة اذا كان الواحد مطوع يحلق واذا كان يصلى ما عاد يصلي هذا هو الابتعاث الي تعرفونه لا وكلهم يطلعون لك بشخصية واحدة في الهجة والكلام وفي التعامل يعني ماعندهم شخصية غير التقليد وانا انشا الله انزل موضوع عن هذي العينات وانا اتوقع انهم اغلب الطلاب زي كذي لا احد يزعل من كلامي كلنا نعرف بعض وبعدين انت يا مهندس قريت في كتاب وقمت تنتقد على كيفك ولا الواحد في هذا الزمان يتدرب على المشاكسات في المنتدي علشان يطلع بعدين معارض وحقوقي في الاعلان مثلك يا من يطمح للهندسة انت فين يا طالب وفين العلم الشرعي حتي تحكم علية انا كنت اتمنى اني ارد حتي على طالب علم شرعي لكن انت قل من مستواي اني ارد عليك لأنك ما تملك علم شرعي وتقوم تتفلسف تباً لك السعودية هي مهبط الوحي اذا لم تطبق الشريعة الاسلامية من يطبقها ايران

اسال الله العلي العظيم ان يفرج كربتك يارب

الله يسهل امرك يااختي ..... انصحك بالدعاء وكل شي بيتسهل بأذن الله

اولا .. اشكرك على ادب الحوار ..
ثانيا .. لم تذكر ايران الا و انت تقصد اني اميل الى مذهب معين .. ويعلم الله اني لا اميل الى ما تعنيه ..انا مسلم موحد ولكي اريحك انا سني..
ثالثا.. ذكرت بأن المبتعثين كثير منهم يترك صلاته في بلاد الغربه .. وهذا اتهام خطير ..
رابعا .. انا ذكرت وجهة نظري عن تطبيق الشريعه في بلادي ولا ازال مصر على انها لا تطبق بالشكل الصحيح و لو انها تطبق كما طبقت في عهد الخلفاء الراشدين رضي الله عنهم لما كان هناك مشاكل بطاله و ازمة سكن و فقر وغيرها الكثير ..
خامسا .. طلب العلم الدنيوي مثل الهندسة لا يتعارض مع طلب العلم الشرعي ..
سادسا .. ذكرت انني اقل من مستواك في العلم الشرعي .. ربما كان كلامك صحيحا و لكن " لا يدخل الجنه من كان في قلبه مثقال ذرة من كبر "..
سابعا .. يقول الحبيب المصطفى عليه افضل الصلاة و السلام "" انما بعثت لأتمم مكارم الاخلاق "" ..
ثامنا .. بلاش عنصريه يا عزيزي .. كل من خالف رأيك نسبته الى ايران .. احترم وجهات النظر الاخرى الله يرضى عليك ..
تاسعا .. "" الدين المعامله"" "" وجادلهم باللتي هي احسن "" "" ولو كنت فظا غليظ القلب لانفضوا من حولك ""


والسلام ختام ..