مساعدة اي سؤال انا حاضر عن مدينة لنكولن - نبراسكا

السلام عليكم
ممكن تذكر وين يسكن السعوديين في أي المجمعات السكنية ؟؟؟
تذكر اسماءها ومكانها لو تكرمت

شكرا

اغلبيت السعوديين في الإسكان اللي شمال المدينة شارع فرنتشر افنو مع شارع 27
وكذالك في الجنوب على شارع O
أما إسكان الجامعه في الوسط على شارع الفاين
طبعا من أقصى الشمال الى أقصى الجنوب بسرعتهم هنا اللي تكون مابين 25في بعض الشوارع الى 45 في شوارع أخرى تحتاج تقريبا 20 دقيقه فقط وخذ في بالك ان في أكثر من 20اشارة
المدينة صغيره جداً ماراح تتعب لين تلقى سكن والشباب متكاتفين يعني السكن أمره هين جداً
طبعا للمعلوميه من كثر السعوديين وصغر المدينة اذا طلعت من الشقه تاخذ لفه مستحيل ما تقابل مجموعه من الشباب

سلام عليكم اخوي,,

أول شي احب اشكرك صراحه على مجهودك وماتقدمه من معونه لاخوانك وجعلها الله في ميزان حسناتك اللهم آمين..

أخوي ابي فزعتك الله يجزاك الجنه.. انا ادرس في ولاية يوتاه وأبي احول على نبراسكا جامعة UNO ولما راسلت الجامعة فرعها اللي في اوماها قالولي ان المعدل تبع آخر سمستر متدني ولازم اجيب أقل شي ٢.٥ علماً بأن تخصصي إدارة أعمال ومخلص الإنقلش كومبيسيشن ١ و ٢. وبرضه مخلص الآيلتس عام ٢٠١١, لكن المشكله اني تفاجأت ان مكتب التسجيل في الجامعة في اوماها يقولي لازم آخذ الآيلتس من جديد او التوفل لأن اختباري صار عليه فتره!!
السؤال اخوي.. هل فرع جامعة UNO في لنكولن نفس نظام الفرع اللي في اوماها؟ او فيه امكانية اجيب قبول منهم على فصل الربيع ٢٠١٤ بإذن الله.. اتمنى اني كنت واضح بطلبي وآسف جداً على الإطالة وشهر مبارك علينا وعليكم مقدماً

السلام عليكم ورحمة الله
الشي الأول أقول الله يجعل رمضان رحمه وبركه لجميع العباد
الشي الثاني اللي اعرفه ان معاهد الجامعه منفصلة ولا يوجد اي تنسيق بينهم ولكن بالنسبه الجامعه مااقد أفيدك لازم انك تراسلهم على موقعهم الرسمي وهم يعطوك الرد غالبا ما يتأخرون في الرد والله ييسر أمرك

شكرا الزميل العزيز علي معلوماتك القيمه. انا مصري وتوي حاصل علي بعثه بجامعه نبراسكا لينكون في مركز اسمه (Nebraska center for virology) وسوف اجهز نفسي في خلال 3 شهور وحابب اسالك عن شويه اساله:
1- هل يوجد مصريين بالمدينه.
2-البعثات راح تعطيني مرتب 1200 دولار لي انا واسرتي هل المبلغ يكفي السكن والاكل والمواصلات.
3- اسعار السكن؟ وهل ينفع الاقي استوديو بجوار المركز في حدود 400 دولار؟ اريد رايك؟
4- هل الاستديو انسب ام الشقه كسكن للعائله؟
5- هل يمكن مشاهده القنوات العربيه ام توجد صعوبه؟
اعتذر عن كثره الاسئله ولك جزيل الشكر والاحترام

حياك الله اخي الكريم
لو تكرمت ارسل لي العنوان الذي فيه المركز وأبشر بالمعلومات التي تريد .......
وكذلك احب أطمئنك انه يوجد عدد من الاخوان المصريين الطيبين الذين تعجبك صحبتهم

شكرا اخي علي ردك بالنسبه لعنوان المركز هو 102 Morrison Center / 4240 Fair Street / Lincoln
ارجوك اريدك تخبرني عن اسعار السكن والاكل علما بان المرتب راح يكون 1200 دولار بس وكمان نوع السكن هل استديو ام شقه وهل الاخوه المصريين معهم العائلات وكيف اتواصل معهم
شكرا

السلام عليكم .......
بالنسبة للمدينة فهي مدينة رخيصة الاسعار تلقى من 500 الى 1000 بالنسبة للغرفتين الامان عالي جدا . ولكن عيبها في معهد اللغة للطلاب اللي
لغتهم من متوسط وتحت فالمعهد غير جيد . تواصلت اليوم مع اثنين من الاخوان المصريين وقالوا انهم مستعدين لتيسير امورك . طبعا متزوجين
هذا رقم الاخ / محمود الزوكه 0014024199260
كذلك انا متزوج وممكن اذا لم تجد المعلومة الي تريدها منه ترجع تتواصل معي . انا مستعد لتجهيز امورك واستقبالك.
مبلغ 1200 يعتمد على طريقة صرفك قد تكون كافية اذا كنت من الحريصين وغير كافية اذا كنت تبحث عن نوع من الرفاهية . يوجد مواقع لبيع الاثاث
بأسعار رخيصة جدا . حياك الله

شكرا جزيلا اخونا الكريم mohdqaz علي المعلومات القيمه والله ما قصرت وبارك الله فيك وان شاء الله اول مابخلص الاجراءات راح اكلمك واتمني تقبلني صديق جديد
شكرا وحياك الله

حياك الله اخي الكريم لي الشرف بأن اكون صديق ولكن لو تكرمت اتصل على الأخ الدكتور محمود لانه ارسل لي يرغب بالتواصل معك رغبة منه في التعرف عليك وخدمتك