مساعدة فزعتكم ياشباب ... (معاهد اللغة في اوهايو)

وعليكم السلام ورحمة الله وبركاته,,
لا يستطيع أحد عمل تقييم للمعاهد إلا بعد الدراسة فيها لفترة كافية من أجل ضمان صحة التقييم ولو بشكل نسبي,,
معهد جامعة أوهايو في مدينة كولمبوس ممتاز (على كلام أصحابي),,
لكن ينبغي التأكد من مسألة التكدس في قائمة الملحقية,,
ربنا يوفقك,,

^^^
المعهد تبع الجامعة في كولومبس غالية بس ممتازة و صعبه شوي لازم واحد يشد حيله شوي

موفق لك

خوفتني عليك احسبك مت لاعاد

رصيف الشمس ..

شكري وتقديري .. لكن سؤالي للشباب اصحاب الخبرة والمتواجدين هناك عندهم خلفية جيدة بوضع المعاهد ماهو ضروري مجربها ..


كوول زيزو

يعطيك العافيه لكن انا بطلع على حساب الجامعة .. هل المعاهد في كولومبوس او معهد جامعة اوهايو ستيت في كولومبوس افضل مثلا من اكرون او كنت او معهد اريزونا في اثينز .. ؟


طال في الثانوية ..

شكلك داخل حارتنا بالغلط .. مافي مشاكل لكن لاعاد تنسى نورك طافي ..


بانتظار البقية واصحاب الخبرة ...

السلام عليكم ورحمه الله وبركاته
حبيت افيدك بخبرتي المتواضعه في معاهد اوهايو وبالاخص كولومبوس
كولومبوس فيها ثلاث معاهد معتمده من الملحقيه
1-( ELS) التابع للجامعه Domanican Uiversity
انا ما درست في هالمعهد اذا حاب تتعلم انجلش ويكون فيه ضغط وفي زمن قياسي ادخل هالمعهد والميزة الحلوة فيه ان لما تتخرج منه راح تنفتح لك جامعات يعني ممكن تدخل الجامعه بدون توفل او ايلتس بس لازم تكون هالجامعه اللي تقبل شهاده ELS موجوده في اللسته على موقعهم. والمعهد فيه 12 ليفل كل ليفل شهر بدون اجازات.
2-(ESL) التابع لجامعه Capital University
هذا المعهد اللي درست. فيه 4 ليفلات وكل ليفل 4 شهور الا الصيف شهرين وممكن تتخرج منه اذا جبت درجة 500 في التوفل تبع الجامعه او 61 توفل IBT اذا لغتك كويسه وجاي تدور لك قبول وتضيع وقتك ادخله واغلب الطلاب طلعوا منه وراحوا لمعهد ELS فيه شويه تلاعب يعني مره يجيونك مدرسين كويسين ومره لا واللي جالسين فيه علشان يدخلون الجامعه وما فيه الا بكالوريس.
3- معهد ALP التابع لجامعه Ohio State University
معهد متشدد لابعد الحدود وزاد تشدده عندهم اختبار المتشيقن وصعبوا شروط اليفلات يعني اليفلات الاخيره ماراح تعديها بسهوله التدريس فيه قل مو زي اول و زحمه سعوديين على كذا اذا كنت ناوي تدرس في الجامعه فمره صعبه وانا جربت وتحاورت معاهم في الشروط مو اي احد يدخل حتى لو جبت شروطهم كلها

بالنسبه لمعاهد الاخرى في اوهايو
كنت واكرون اعرف ناس فيها وتخرجوا من معاهدها وجامعتها قويه جدا بس الاحسن تشوف تخصص اذا ناوي تكمل في جامعتهم
وفيه بعد سنسناتي
ودايتون اعرف ناس نقلوا من المعهد الى دايتون علشان القبول المشروط بدراسه المعهد فيقولوا انه ضغط وكرف اكثر من عندنا بس راح ياهلك للجامعتهم

اتمنى اكون افدتك والقرار اولا واخير لك واذا بتكمل فجامعه فالاحسن يكون عندك قبول مشروط بمعهد اللغه

وشكرا

بالنسبه افضل والله ماقدر افيدك بهالشئ
بس ماراح يقصرون معاك الاخوان
حياك الله

السلام عليكم اخواني...تكفوووون ابي فزعتكم
انا ناويه ان شاء الله اكمل ماستر في اوهايو وقدمت ع البعثه هالسنه...
انا متزوجه مبتعثه وزوجي مرافق ومعي طفلين ..وش افضل مدينه من ناحية الدراسه ورخص المدينه ؟؟
تعرفون الي مثل وضعي المصاريف راح تكون دبل عشان الاطفال....
بليييييز ساعدوني

اختي مبتعثة المرحلة 7 ..

شكري وتقديري واحترامي لشخصك الكريم على ما بذلتي وقدمتي من مجهود في خدمتنا ..

حبيبنا كوول زيزو ..

اشكرك على مجهودك وتواجدك ..


اختي روز لاند ..

الشباب ان شاء الله ما يقصرون راح يفيدونك ..

أنا درست في معهدين في كولمبوس أوهايو:
1- معهد ALP في جامعة The Ohio State University
أنهيت المعهد وبعدها انتقلت مؤقتا لمعهد:
2- ELS في جامعة Ohio Dominican University
درست فيه سيشن واحد فقط إلين جاني قبول جامعي.

معهد ALP دراسته سهلة ومتساهلين في الغياب لكنهم متشددين في بعض الليفلات مثل ما قالت الأخت مبتعثة المرحلة السابعة. فيه ثمانية ليفلات، بعد الليفل السادس صعب جدا التجاوز، لكنه غير مستحيل، والحمدلله تجاوزته وتجاوزه كثير من الشباب معي. وأغلبه سعوديين. إذا كان تخصصك بكالوريوس تقبل في الجامعة بـ 79 في اختبار الميلاب اللي تقدمه الجامعة، وهذي أسهل من متطلباتهم في الآيلتس. إذا كنت ماستر تقبل في الجامعة في جميع التخصصات تقريبا إلا القانون بـ 82 إلى 84 وأسهل من متطلباتهم في الآيلتس. لكن ممكن أنك تتخرج من المعهد وأنت ما جبت هذه الدرجة. ومن مزايا هذا المعهد أن الحرم الجامعي فيها يعتبر ثاني أكبر حرم جامعي في أمريكا، وفيه نشاطات كثيرة إذا كنت مهتم بالنشاطات. والدوام في المستويات الأولى من الساعة 8 إلى 2:50. وفي المستويات الآخير إلى 12:50.

معهد ELS دراسته متعبة من ناحية الدوام لأنها من 8 صباحا إلى 4 العصر يوميا وفي جميع المستويات. ميزته أنه بمجرد تخرجك منه في عدد من الجامعات يقبلونك ( على حسب تخصصك ) وفي الأخير امتلأ سعوديين وصار تقريبا مثل ALP من هذي الناحية. من مزاياه أنه يوفر سكن مع عائلة، أما بقية المعاهد في المدينة ما توفر هذا الشيء وصعب جدا جدا أنك تسكن مع عائلة وأنت غير طالب في هذا المعهد. متشددين في الغياب جدا حتى لو بعذر. خيارات السكن حوله ما تقارن بـ ALP، ALP في منطقة حولها مجمعات سكن راقية وقريبة والباص يوصلها، أما في ELS إذا ما سكنت مع عائلة فما في باص يوصلك للمعهد فلازم تكون معك سيارة. أقرب سكن يبعد عن المعهد تقريبا 8 دقايق بالسيارة وصعب تمشي له خاصة في الشتاء مع الثلوج. والمنطقة سيئة جدا.