استفسار استفسار عن سكن Olde Towne University Square في Toledo,OH .. وعن المواصلات !

رحت للسكن امس وانطباعي عنه انه ممتاز جدا ومناسب من ناحيه الحي والاشياء اللي حوله

وطبعا افضل سكن من بين اللي دورتهم هو Olde Towne ويجي بعده Lofts وشفت شقة واحد ساكن فيه يشتغل في الاستقبال تحت

وودي لو اني اقدر اتواصل معاك بس عدد المشاركات قليل عشان الرسائل الخاصه ؟؟

السلام عليكم

اخوي انا جاي لتوليدو قريب باذن الله ..

ابحث عن سكن قريب من الجامعة لاني أول الوقت مب صاير معي موتر ..

وش تنصحني فيه من اللي شفت ؟ وكم سعر الشقه اللي فيها غرفة وحده بس ؟

شاكر ومقدر

انا بحثت عن ١١ سكن تقريبا وما لقيت اللي يناسبني من بينهم الا سكن واحد ومو راضي عنه كل الرضا بس لازم تضحي عن شيء عشان تحصل شيء ثاني !

المهم ما علينا، الآمر يرجع لك وش المتطلبات اللي انت تبيها ؟ يكون الاثاث فيها ولا انت تشتريه ؟ كم عقد الاجار اللي ودك فيه لأن يختلفون واقل عقد شهرين ؟

شف وش يناسبك وعطني خبر ، للمعلوميه ان المعلومات اللي عندي عن غرفتين !

^

ادور شي مؤثث وغرفة وحده ونظيف ، وش تنصحني فيه من اللي شفت ؟

عندك سكن Olde Towne University Square مؤثث وكل شيء من الفواتير عليهم هم إلا الكهرباء عليك انت، نظام الاسعار عندهم المبلغ اللي تدفعه يكون على الغرفه والحمام وانت بكرامه، مدة عقد الأجار ١٢ شهر لازم تكملها كامله عرفت وللأمانه السكن شيء جامد لأبعد درجه !
Student Housing Floor Plans - Olde Towne University Square
عندك سكن Lofts at gateway مؤثث وكل الفواتير عليهم الا الكهرباء والمويه عليك انت، نظام الاسعار عندهم على الشقه بس على غرفه وحده ما عندي خلفيه عنها، مدة عقد الاجار ١٢ شهر لازم تكملها بس عيوب السكن ان ما فيه شبابيك تنفتح عرفت تكون مسكره يعني لو بتطبخ وبتصير ريحة الشقه طبخ، وبرضوا هذا بالنسبه لي يجي بعد Olde Towne بالافضلية !
Lofts at Gateway Apartment Rentals
عندك سكن Kenwood Gardens Apartment غير مؤثث بس المطبخ فيه الديكور والثلاجه وفرن، وكل شيء عليك انت من ناحيه الاثاث الفواتير انت اللي تدفعها عرفت وسعر الشقه اللي فيها غرفتين ٤٤٠ دولار ( بدون فواتير الكهرباء والمويه والنت والغاز والزباله وانت بكرامه عليها شهريا ٥ دولار وانت اللي تطلعها برا )، عقد الاجار يبدأ من شهرين وانت طالع، من ناحيتي ما انصحك بالسكن هذا على الرغم من انه رخيص بس فيه تعب شوي من ناحيه الفواتير والكهرباء وهذي كلها !
Morgan Properties: Kenwood Gardens Apartments, Toledo, OH, The University of Toledo | Floorplans Availability & Rent

وطبعا فيه غيرها بس ما انصحك اللي بعيد واللي ما حوله شيء واللي الحي فيه مصايب وخراب .. انا اعطيتك الشقق هذي وإذا تبي نصيحتي Olde Towne بلا منازع بس لازم تبحبح فلوسك شوي !
وان شاء الله اكون افدتك واعطيتك معلومات واضحه وبينه !


وتقدر تحجز في فندق رامادا كم يوم عشان تضبط وضعك على السكن والجامعه لأن عندهم فان يوصلك مجانا لمسافه ما تتعدى ٢ مايل ويرجعك للفندق ..

^

جزاك الله خير ، ماقصرت

السلام عليكم
انا توني واصل من هيوستن تكساس امس المغرب ولا اعرف احد هنا في توليدو ونزلت في فندق كومفرت ان قريب من الجامعه. ابحث عن روميت يكون رخيص بقدر الامكان. وياليت يكون باسرع وقت ممكن ان شالله ببدا الجامعه يوم الاثنين المقبل في ال main camp ماعندي سياره فالسكن لازم يكون قريب من الجامعه.. طبعا نصائحكم مهمه جدا واي معلومه عن المدينه بتكون مفيده جداا بالنسبه لي.. شاكر لكم

الأخ العزيز
فيه سكن قريب للجامعة اسمه Olde town
و أيضا University hills apartments
و أيضا Kenwood

المدينة هادئة و رخيصة و متوفر فيها بقالات عربية و مطاعم و لحوم حلال

و بالنسبة للمواصلات تقدر تاخذ الباص الخاص بالجامعة أو تاكسي

و هذي بعض ارقام التكاسي

4196325723

4193867460

و اتمنى لك التوفيق ان شاء الله

عليكم السلام ،
اخوي ادخل على الرابط هذا http://www.mbt3th.us/vb/forum41/thread434349-2.html تلقاني كاتب عن ٣ شقق !

واليوم مثل ما انت شايف ثلج كثيف وما اتوقع ان فيه تكاسي شغاله، فيه هذي بعض الارقام للتكاسي الموجوده بالمدينه:
Black&white Cab 419 536 8294
Yellow Cab 419 243 9900 ... 419 474 7900
Metro Cab 419 380 1800
Silver Cab 419 690 3700
Cheker Cab 419 241 1234

ونصيحه لك اذا تقدر تطلع من كومفرت ان وتروح رامادا لان كلهم جنب بعض بس رامادا عندهم فان يوصلك مجانا لمسافه ٢ مايل بيكون عليك ارخص من التاكسي !
واذا معاك بطاقه الجامعه بتكون عليك الليله ب ٦٩ دولار !

وبالتوفيق ان شاء الله ..

السلام عليكم ..

ودي احد يساعدني في Toledo,OH من ناحية المواصلات لان ما فيه تكاسي شغاله بالفتره هذي عشان الثلوج واليوم هو اليوم الثالث قاعدين بالفندق ما نقدر نطلع عشان المواصلات !!!
يا ليت لو احد يرد لي باسرع وقت ممكن عشان chech-out الفندق اليوم الساعه ١ !!