استفسار Southeast Missouri State University, هل من معلومات؟ و أحتاج نصائحكم للمرحلة الجامعية؟

وعليــــكم آلســلآم ورحمــة آلله وبركآتة ..
تفضل :
http://www.mbt3th.us/vb/forum8/thread437077.html

بآلتوفيق ..

راجع هالموضوع حتى تتعرف اكثر على فلاجستاف

http://www.mbt3th.us/vb/forum40/thread209966.html

الله يجزاكم كل خير جميعاَ
ما فيه أي مواد سهله وعامه لكل التخصصات تنصحون انزلها أول سمستر
مثلا comm 100 هذا عام لكل المواد بس انا الان منزله لان معهدي الحالي يسمح لك تنزل كلاس في الجامعه للي مستواه عالي
وشكرا للجميع مره ثانيه

جزيتم خيرا
اتوقع اني بختار missouri وادرس health management لان خايف من مستقبل تخصص العدل والجريمه رغم اني احبه أكثر

نصيحة اخ لازم تتواصل مع احد بنفس الجامعة ..خابر واحد راح جامعة حلوة لكن القسم كان سيء جدا..
والنتيجة الان بيفصل

السلام عليكم
ما اعرف المواد اللي جامعتك تنزلها ولازم تسآل عن المواد من طلاب الجامعه نفسهم

حاول تنزل مواد سهله اول سمستر ولا تكثر من المواد علشان ماتجيب العيد بحكم ان لغتك مو انقليزيه بالاساس

سجلت في ماده اول سنه لي وزملائي السعوديين قالوا لي ان الدكتور ماينجح اي طالب اجنبي وكان معي اثنين سعوديين اكتشفت ان الدكتور يهتم للواجبات والحضور فقط يعني لا اختبارات ولا اي شي اذا انت تحضر وتحل الواجبات تاخذ كرديت عليها يعني الطلاب اللي قالوا لي هالكلام ماكانوا يحلون الواجبات او مايحضرون للمحاضرات فلازم تعرف الدكتور وطريقته قبل لا تسمع كلام من ناس ماعندهم سالفه

لا تأجل عمل اليوم الى الغد
اذا اعطاك الدكتور واجب وقال لك التسليم بعد اسبوع حاول تحل الواجب اول ماتاخذه علشان يكون عندك وقت ولا تضغط نفسك باخر لحظه

اذا عندك اي سؤال بالماده تقدر تحجز موعد تقابل فيه الدكتور وتسأله بالهم طويل بس لا تفلها علشان مايكرهك الدكتور

ماواجهت صعوبه كبيره اول مادخلت الجامعه لاني كنت منزل مواد سهله جداً لكن واجهت صعوبه بعد مادخلت بمواد التخصص

اخر شي انا ما اعمم كلامي على كل الدكاتره لكن فيه دكتور عربي مسلم درسني "هذا اللي قاهرني" اول سنه كرهته من كل قلبي وادعي عليه كل ماتذكرته دكتور رياضيات
نظامه تشبيك يعني تعال سلم علي سولف معي عطني هديه بالذات اذا كنت سعودي وعنصري بشكل كبير
ما غبت عنده ولا ساعه والواجبات اسلمها بوقتها وبالاختبارات استقعد لي بشكل رهيب يعني بعض المرات انسى اكتب فاصله لشرح الجواب يحسب لي الجواب كامل غلط
واذا سآلته سؤال يناظرني بنص عين وغيري ياخذهم بالاحضان
كان معي طلاب ماقد شفتهم بالكلاس وناجحين بدرجه كامله انا مو مابي لهم الشر لكن انا تعبت واجتهدت واخرتها اخذ درجه طيحت معدلي وغيري اللي مايحضر ولا يسلم الواجبات ياخذ درجه كامله مع العلم ان تقريباً كل اجوبتي صحيحه لكن الاخطاء تكون فاصله ناسيها او تبسيط لعدد يعني السؤال اللي مكون من اربع اسطر يخليه غلط لان فيه فاصله ماكتبتها بين الجمل او النتيجه النهائيه مابسطتها
تقولون لي ممكن عندهم عذر او انهم فاهمين اقول لكم معقوله خمس طلاب عاذرهم؟ واخذت مع نفس الطلاب كلاسات سنه ثانيه محد منهم فاهم شي من اللي اخذناها من قبل

يعني انتبه من بعض الدكاتره العرب

اخيرا الله يوفقك بدراستك

شكرا للجميع
وما زلت أنتظر اي احد من منطقة cape girardeau
جامعة southeast missouri state university
اي احد هناك او يعرف احد هناك لا يبخل علي ويتواصل معي في الخاص
وموفقين جميع