لطـــلآب شيكآغو, وخصوصا طلاب جآمعة لويولآ..مهـــم جدآ لو تكرمتوآ ~

شكرًا على الرد


انا ابي العنوان بس عشان اعرف موقع المعهد بالخريطة و كمان حبيت أسالك هل القبول سهل أني اخذه من موقعهم !؟ او لازم من اكون متواجد بالجامعة ؟

وأبي أسالك هل فيه سعوديين كثير بالمعهد ?! 😊


اسف طولت عليك


( تمت المشاركة باستخدام تطبيق مبتعث )

هذآ موقع المعهد :
1032 W. Sheridan Road, Chicago, IL, 60660
<<< 1032 هذي تجي قبل W. Sheridan Road . بس الكتابه ماتضبط معي

وبالنسبه للقبول .. اخوي تطمن مره سهل
انا لما جبت القبول كنت ف البيت .. ومااخذ اكثر من اسبوع ونص الا هو عندي
بس اهم شي لو أنك على حسابك الخاص يكون عندك ضمان مالي

وبالنسبه للسعودييين .. هنا راح تلاقيهم ف كل مكان ف ليولا أو ديبول أو UIC او حتى المعاهد التجاريه لابد من وجودهم

يعطيك الف عافية ما قصرتي


( تمت المشاركة باستخدام تطبيق مبتعث )

السلام عليكم ورحمة الله وبركاته

أشكركم كثيرا على المعلومات المفيده والوافيه

لكن عندي استفسار اختي لو فيه امكانية تضعين إيميل المعهد عشان أراسلهم ؟؟ أكون شاكر لك ومقدر

انا ناوي أدرس في شهر 6 عربي لمدة 3 أشهر كم تقريبا راح تكلفني وفي شهر 6 وش الموسم راح يكون ربيع أو خريف ؟؟

شاكر لكم مره اخرى ...

السلام عليكم


ممكن احد يفيدني كيف أجيب قبول مشروط من جامعة لويولا ..


( تمت المشاركة باستخدام تطبيق مبتعث )

العفو اخوي

وهذا ايميل المعهد esl@luc.edu

بالنسبه للدراسه في شهر 6 راح يكون صيف مو خريف ولا ربيع
وتكلفه تجي 7500 دولار شامل التأمين الطبي
واذا ماتبي التامين تقدر تخبرهم

والله يوفقك

- - - مشاركة محدثة - - -

بالنسبه للقبول المشروط

يا انك تجيب 5 ف الايلس او تجيب 60 في التوفل ويعطونك قبول مشروط

او انك تدرس في المعهد وتوصل ل لفل ادفانس ف يعطوك قبول نهائي

هل تعطي جامعة Loyola قبول مشروط ماجستير إحصاء

الأخت toomi.
ماهو أفضل بنك سعودي اتعامل معه للتحويل لحساب في شيكاغو وماهو أفضل بنك بشيكاغوا ؟؟