استفسار ماهو افضل معهد لغه ب اوهايو ؟؟ جاي ع حسابي افزعو لي

وعليكم السلام والله يحييك ..
بالنسبه للمعاهد بتلقئ الي يمدح والي يسب وبيزيدونك الناس حيره بخصوص اي المعاهد افضل ..

لكن وجهة نظري انا ومن تجربتي الشخصيه معد اي ال اس بكولومبوس مرتاح فيه وطاقم المعلمين ممتاز .

بس طلبك ان فيه معهد مافيه تكدس سعوديين مستحيل وكلنا قلنا زيك بالاول بس هذا الموجود

وان بغيت اي شي ارسل لي رساله بالخاص

السلام عليكم
ابي اسئلك ايش وضع مصاريف عندكم انا جاي
انا وزوجتي هل تكفي المكافاة
والسكن من كم يبدا
وهل التخصصات الصحيه متوفره فيه
ماستر تمريض
والمدام تصميم
هل احصلها بنفس المدينة
لان مابي تكون في مدينة ثانيه
وشكرا

وعليكم السلام ورحمة الله وبركاته
.
باذن الله تكفي اهم شي احرص يكون سكنك سعره مناسب بحكم ان السكن هو الي ياخذ جزء كبير من المكافاه .. اعتقد 800 $ كافيه جداً تحصل فيها سكن في كولومبوس ..

بالنسبه للتخصصات الصحيه ماقدر افيدك بشكل كبير بس باذن الله تلقى وتفائلو بالخير تجدوه .

واذا جاي لكولومبوس وتبي اي مساعده بخصوص ترتيب السكن والبنك والاثاث.. راسلني على الخاص وابشر بالخير ان شاء الله

ماتقصصر وبيض الله وجهك وبالنسبه
لوضع الاجواء كيف ؟

انا اهم شي عندي ابي تكون المدام معي بالنفس المدينة 😊

صعب معهد ممتاز ومافيه سعوديين
وخصوصا في اوهايو اللي هي ولاية السعوديين رقم 2
دائما المعاهد الكويسة هي اللي فيها سعوديين
انا انصحك تجيب قبول مشروط عشان ما يجيك وجع راس من الايلتس

الجو الحين متجه للبروده وبعد شهرين كذا من شهر نوفمبر يبدء البرد الصدقي ..
وبالنسبه للقبول بنفس المدينه انا متزوج وادرس مع الاهل بنفس المعهد وباذن الله بنفس الجامعه ولاتشيل هم هالشي كله بتوفيق الله يزين ..

وفيه مكاتب قبول تجيب لك قبول جامعه لك ولاهلك حسب ماتبي انت لكن مانصحك فيهم لان اسعارهم مبالغ فيها وبعضهم زياده على السعر تاخير