الى سكان مدينة توليدو

October 10th, 2014, 10:42 PM

السلام عليكم ورحمة الله وبركاته ،،

الشباب اللي في ولاية اوهايو وبالتحديد مدينة توليدو انا جاي بعد اسبوعين بتاريخ 26 / 10 وابي فندق رخيص امشي نفسي فيه يومين الى ثلاثه الى ان احصل سكن مع عائلة او تبع الجامعه
سمعت ان توليدو العوائل فيها نادرة وش تنصحوني بسكن يفيدني في الاحتكاك مع الاجانب ويساعد بتعلم اللغه + يكون في منطقه قريبه من معهد TLC لان مثل مااسمع ان المواصلات سيئه في توليدو وانا مامعي سياره على الاقل في الشهور الاولى الى وقت الانضمام للبعثه

النقطة الثانية عندي قبول في معهد TLC مكتوب بالاي توني بولينق جرين بس قالي المكتب انهم نقلوه الى توليدو ،، وواحد من الشباب يعرف واحد بتوليدو قال توليدو مافيها غير معهد جامعة توليدو و ELS

ونقطة اخيرة بخصوص تحويل الفلوس من السعودية الى امريكا وش افضل طريقة وباقل فرق عموله انا جاي على حسابي الخاص هل اخذها كاش واذا رحت امريكا افتح حساب واودعها
او الكاش في مشكله ،، هالنقطه معقدتني شوي انا عندي حساب في بنك الانماء والبطاقات الجديده يكون فيها فيزا تقدر تستخدمها كشراء لكن لو بسحب منها اكيد بيكون فرق العموله كبير

مدري محتاس ولو ابي احول عن طريق النت البنك السعودي يطلب مني معلومات البنك الامريكي وانا توني مابعد وصلت امريكا ومافتحت حساب فما اعرف المعلومات عشان اعطيها للبنك السعودي وعلى كلام الموظف قالي لازم تجينا الفرع وتبلغنا عن المعلومات عن طريق النت ماينفع وانا مااقدر ابلغه عن المعلومات وانا في امريكا

اخوكم في الله جاي مدرعم ومايعرف احد بسال هل فيه نادي سعودي ممكن يساعدني بالايام الاولى تعرفون اللغه مو ذاك الزود
والله يجزاه خير اللي بيساعدني يتواصل معي على الخاص ،،

• نشر عبر تويتر
• نشر عبر فيسبوك
• نشر عبر جوجل