اللى جاي على جامعه وسترن متشغن بكلامازو WMU

ارسل ايميلك على الخاص وان شاء الله اقدر افيدك ياسعاده المهندس

عندي كم سؤال الله لا يهينك

كم سعر الدراسة في المعهد الخاص بالجامعة في السنة وهل اذا درست في العهد تدخل الجامعة على طول من غير التوفل وبصراحة وش رايك في المعهد

هل تخصص المحاسبة في الجامعة قوي بالنسبة للماجستير وماهي ميزات الجامعة وسلبياتها

كم سعر السكن تقريباً سواء عند عائلة او شقة

هل المعيشة غالية لانه من الممكن اطلع على حسابي الخاص

هل تقد تجيبلي قبول في المعهد تبع الجامعة وايضاً قبول مشروط من الجامعة وابشر بحقك طال عمرك انت اولى من المكاتب

معليش كثرنا عليك الاسئلة بس ودي والله ادرس في هل الجامعة وودي اعرف عن المعهد والجامعة والمدينة كل شيء عشان الواحد يقدر يقرر وهو على بينة

وجزاك الله خيراً ويكثر من امثالك

حنا حاظرين طال عمرك واي سوال اسدحه ولا يهمك يالغلا

انا لغتي صفر لا افقه شي في الانجليزي هل ينفع المعهد للي زيي

هل يوجد معهد لغة ممتاز غير الي في الجامعة

ليش العوائل صعب تحصل سكن معهم لان بصراحة الواحد اول ما يجي اموره تكون صعبة وانا ودي اسكن اول ست شهور عند عائلة اذا في طريقة اقدر اسكن فيها عند عائلة تكفى وانا اخوك ساعدنا لان لو ماحصلت سكن عند عائلة ممكن اغير وجهتي الى مدينة اخرى

شف اذا كانت لغتك مره صفر

نصيحه لوجه الله تشوف معهد ثاني

المعهد اللى عندنا مدته طويله يعني اذا تبي تبدا من اول سمستر

يبي لك سنه و 8 شهور هذا طبعا بدون ماترسب في اي مستوى

وبالنسبه للموضوع العوائل مافيه انا صار لي سنه بالظبط

وماحصلت عائله يعني تحصل عائله صعب مرررره

اذا تعرف احد في نفس المدينه يكون مختلط في الشعب الامريكي عندنا يمكن تحصل

والراى الاول والاخير لك وحياك الله اخووي

شف انا بعد اعطيك الرابط حق منتديات السعوديون في غرب متشغن نفس الجامعه ونفس المعهد

http://ssa-wmu.org/vb/


وهذا رابط الجامعه

http://international.wmich.edu/

طيب لو بغيت ادرس في المعهد حق الجامعة وين تشور علي في احسن الاماكن الي ممكن اسكن فيها

ولو بغيت اغير وجهتي وين تنصحني اروح يعني ابغى مدينة آمنة ورخيصة من حيث السكن والمعيشة

وجزاك الله خير على حرصك ومجهودك

ارسلت لك رسالة على الخاص

الله يوفقك على مساعدة اخوانك

يسلمو على المرور اخي

كيف الوضع اخوي ايماض البرق؟؟؟؟؟؟؟؟؟


بالتوفيق للجميع,,,,