تجمع طلاب Texas San Antonio

اسعار السكن يا اختي تختلف على حسب نوع السكن
ولكن شقة بغرفة ومطبخ وحمام وصالة تترواح ما بين 600-750$
وغرفتين تقريبا من 800-900$
وثلاث غرف من 950 -1200$
وللمعلومية هذه الاسعار للشقق غير المفروشة ,, يعني بس تحصلي فيها المطبخ بالمكرويف والبوتغاز وغسالة الاواني والثلاجة وتكون الشقة مفروشة بالموكيت غالبا ..
ويعتم السعر على حسب موقعها وحالتها وهذه اسعار الشقق القريبة من الجامعة
وممكن هناك ارخص
اتمنى ان اكون افدتك بما املك من معلومات
وموفقة ان شاء الله

عليكم السلام ،،

السكن عندك خيارين في سكن قريب جامعه utsa وهذا مرتفع سعره شوي عن السكن الاخر اللي في الميديكل

الاسعار بالنسبه للسكن فيه غرفه وصاله ومطبخ وحمام (اعزكم الله) هذي تبدا تقريبا من 650 دولار الى 800
والغرفتين مع صاله ومطبخ وحمامين الله يعزك تبدا تقريبا من 750 الى 900 دولار
والثلاث غرف مع صاله وحمامين ومطبخ تبدا من 950 الى 1250 دولار

طبعا الاسعار تعتمد على نظافة الشقه + موقعها .. الشقه فيها غساله ملابس والمطبخ كامل راكب وفيه موكيت .. يعني الشقه ماتحتاج اثاث كثير الا اشياء بسيطه ( صوفه + غرفة نوم والخ )

انا انصحك بالسكن بالميديكل لتوفر جميع الخدمات من بقاله عربيه ومسجد وجميع الخدمات قريبه عكس السكن بجنب الجامعه .. والمسافه بالسياره تقريبا عشر دقايق الى ربع ساعه من الميديكل الى الجامعه ( بخصوص السياره مهمه جدا ً المواصلات هنا جدا سيئه ) ..

ان شاء الله قدرت اوضح لك اللي تبينه ، توصلون بالسلامه

بس انا ودي بشقه مفروشه وممتازه ويكون متوفر كل الخدمات حوليها لاني بصراحه ماابي اتعب كثيير
وادور بالشوارع ... ياليت تعطيني اخوي اسماء سكن كويسه وفيه خدمات ومو مشكله اذا كانت تبعد عن الجامعه 10 او 15 دقيقه اهم شي تكون مريحه وامنه وفيها خدمات حولها... انا راح اجي بعد شهرين من الان وودي اشوف السكن واحدد عشان احجزها بدري ..

يعطيك ربي الف عافيه

لو سمحت ابغى اسالك عن المعهد في اي جامعه ومعترف فيه ولا لا وهل في معهد ثاني ومتى التسجيل ينتهي وشكرا

شقق مفروشه تظل من وجهة نظري مؤقته وانتي جايه مده طويله تقريبا ً ،، عموما على راحتك

اقرب شقق مفروشه وجيده واغلبها سعوديين اذا ماكان كلها هي البدجت سويت تبعد عن الجامعه 15 الى 18 دقيقه بالسياره ..

تكفووووووووون يا ناااااس أبي مساعده من طلاب جامعة تكساس /سان انتونيو ..؟

انا طالب مبتعث ف نيوزيلندا .. ابي احول لأمريكا((ان شاءالله )) و خصووصا للجامعة هذي

اذا ممكن ؟؟ ابي احد يساعدني ف الحصول على قبول غير مشروط unconditional offer ..تخصص : إدارة مالية ..؟
عندي شهادة آيلتس .. والدرجة 5 ....

بليزززززز قآيـز .. ساعدووني

بالتوفيق للجميع

حبيبي مافي تقديم عن طريق الجامعه ، التقديم فقط عن طريق موقعهم ..
يعني سواء واحد بسان انتونيو او انت كله واحد لان الطريقه وحده ( عن طريق الموقع )

لذلك ادخل على موقعهم وقدم طلب وهوعلى فكره سهل ،، وحط في بالك القبول راح يوصلك حسب التجربه من شهر الى شهر ونص ..

بالتوفيق ،،

الله يعطيك العافية و طول العمر يابو فهد

شهرررررررر مررررررره ووووووحده :@ ... الله يعين بس

مشكور ع المعلومة هذي ... وان شاء الله ثواني وانا طامر عليهم بالموقع


بالتوفيق للجميع

لا اخوي ياليت غير البدجت سويت لاني سمعت عنه انه مو ذاك النظافة .. انا ابي شقق مفروشه وممتازه ... انا سمعت ان فيه شقق مفروشه بسان انتونيو غير بدجت سويت .

على العموم ربي يعطيك الف عافيه على المعلومات

تحياتي لك

نينا وكالة يقولون ذبحتنا .. ماعليك من احد تعالي وشوفي بنفسك

انا اعرف عوائل بالبدجت مرتاحين ويقولون السكن نظيف ولا بأس فيه ..

عموما الشقق المفروشه ماتمتلي لان اجارها شهري اسبوعي يومي .. لذلك افضل لك تجين بنفسك وتشوفين الشقق واللي يناسبك تسكنين فيه على طول ..

وانا قلت لك البدجت سويت لان موقعه ممتاز جداااا من الجامعه ومن كل شي ،، وهو الارخص تقريبا ً

بشوف لك شقق افضل من البدجت لكن تأكدي بتصير اغلى .. وبعلمك ان شاء الله