تجمع طلاب Texas San Antonio

االله يجزاك خيرر ابو فهد معليش راح اثقل عليك شوي
خبرك انا جاي على حسابي واسألتي كلها مادية
اذا عندك معلومات عن التامين الطبي مخصوص شركة انتينا اذا ما خاب ظني ان اسمها كذا وكيف طريقتها انا قريت الموضوع اللي حاطينه الشباب مشكورين
وكيف التسجيل ... الخ وفتحت الموقع ولا لقيت اجابه لاسئلتي ولا احسن اني فاهم الهرجة
اللي فهمته اني فيه انواع ودرجات بس ما عرفت وش يقصدون فيها ؟
سؤالي لو راح اسوي التامين الطبي لي وزوجتي واطفالي الله يحفظهم 3 كم راح يكلفني لو فيه مجال اسويه مثلا 3 اشهر ؟
وش المستشفيات والمستوصفات اللي ممكن يغطيها التأمين في سان انتونيو ؟
وش فايدة التامين الطبي من الاساس ليش مو اذا استمرضنا لا سمح الله رحنا للمستشفى وبس >>>> نفس حالنا هنا في دريتنا هههههههه
لو سويت ها الحركة فيها مخاطرة على عائلتي ؟
اشكرررررررررررررررررررررررررك جزيل الشكر

هههههه لا ابد خذ راحتك واللي بعرفه ماراح اقصر فيه ان شاء الله ،

التأمين اذا تبي بالضبط ماقدر افيدك لان زي منت عارف التأمين اللي معي من الملحقيه والحمدلله ما احتجت اني اسال عنه واسعاره ، لكن بحاول اسأل واجيب لك اسعار تقريبيه ..

التأمين اكيد درجات ، وشي غالي وشي متوسط وشي ارخص منهم كلهم .. هذا يعتمد على ميزات التأمين ووش يغطي

بما ان معك عائله فـ لازم تاخذ لك تأمين حتى تكون مرتاح ، لأن اسعار المستشفيات والعيادات نار في حال لو سمح الله احتجت

نظام اذا استمرضنا نروح ههههههه ذا مره ماينفع هنا لان زي ماقلت لك فوق ،، واذكر مره كان واحد من زملاي فيه حراره وطلعت فاتورته الف وشوي دولار !!

ايه من ناحيتي اشوفك مخاطر تجلس بدون تأمين خصوصا ً وان معك عائله وعيال الله يحفظهم لك

بسألك عن التأمين وارجع لك ، إي خدمه انا حاضر يابونوره

رد سرريع الله يرزقك من حيث لا تعلم اللهم امين
احتريك

تسلملي يبو فهد ماتقصر والله وانا ان شاء الله اذا قربت اجي لسان انطونيو راح اقولك والف شكر لك حبيبي

السلام عليكم -----انا ابغي معهد تابع لجامعه كويس في سان انتونيو وابغي تخصص تقنيه حيويه او احياء في اي جامعه ---وهل في جامعه تعطي قبول مشروط في هذا التخصص-----والف شكر

اختي روعة بدر
مدينة سان انتونيو فيها معهد لغة واحد اسمه els
والثاني تبع جامعة سان انتونيو فقط
اما الجامعات في سان انتونيو اتوقع انها 4 معترف فيها تقدري تفتحي موقع الوزارة وتشوفي تخصصك موجود ولا لا
بالتوفيق

يا اخوان ابغى اشحن عفش من الرياض الى سان انتونيو
من يشحنها لي
الطيار يوصل لدالاس
ومدي مين لهيوستن
ومدري مين لواشطن دي سي >>> هاذا كلف على حالة خخخخ
ابي احد يوصل لسان انتونيو تكفووون

السلام عليكم ...ابي مساعدتكم...اخووي ضابط في القاعده الجويه...ويسأل هل فيه دراسه ماجستير لتخصص التدريب والتأهيل...واذا فيه اعطوني موقع الجامعه...عشان اتراسل معهم...لاني سألت شباب كثير وقالوا في الولايه اللي احنا فيها مافيها شي...واي شي يخص العسكريه في تكساس في سان انتونيو....تكفوووون ابي مساعدتكم...ولكم الاجر والدعوه الطيبه,...

حبيبي السلام عليكم
انا شحنت اغراضي وكانت مره كثير من المؤيد وكانت اموري ميه ميه واستقبلتها في مطار سان انتونيو اذا تبي اي استفسار راسلني على الخاص
لانه في خطوتين تسويها قبل ما تستلم الاغراض انا حقيقه انصحك في المؤيد مررررررررررررررررررره كويس والله يوفق الجميع
اي واحد يبي شي يراسلني ما عندي ذيك الخبره بس ممكن افيدكم لاني مريت بتجارب كثيره وعندي زملاء كثير فاهمين كل شي ممكن اسالهم وارد عليكم .... با التوفقيق للجميع