ساعدوني في ايجاد سكن في سنسناتي (cincinnai)

الله يسلمك علاووي

المدنيه والله لسى ما بعد اشوفها بشكل يخليني احكم عليها,, يعني للأمانه لا امدحها ولا اذمها,, وكل واحد ونفسيته واللي يريحه

والله من ناحية السكن,, انا في البدايه رحت المعهد وقلت لهم اني ادور على سكن,, اللي هناك عطتني لسته بالأماكن
انا في البدايه ما عرفت شي,,, ارقام واسماء وبنايات وافنيوز,, وبعدين بالقطاره فهمت يوم ثاني ههههههههههههه

اغلب اللسته عباره عن شركات ,, عندهم شقق في كذا منطقه واللسته اللي لاحضته بعد عناء شديد خخخ,, انها مرتيبه من الأقرب فالأقرب الى المعهد,, والشقق تكون في بنايات مرقمه يعني مثلا(Roseanne Apts, 3300 jefferson Ave) يعني الأفنيو هو jefferson ورقم البنايه 3300 و اسم المكان اللي عارض هذه الشقه Roseanne Apts
فاقترح عليكم بالأول ,, اللي جاي يعني ,, يشوف اول الشركات ,, هي عندي موجوده في اللست موقعهم على الأنترنت ورقم التليفون,, ويسالهم عن الشقق في كل المناطق اللي عندهم,, وانتو عاد تشوفوا من الأقرب الى الأقرب,, ولازم ترى فيها دوخة راس خخ
ووانشالله اي شي احسه بيفيدكم,, بقوله,, بس شوي شوي انا جديده ولسى حاسه اني محتاسه,,, دعواتكم

شاكرين لكي اخت شوكليت تجاوبك الدائم رغم انشغالك وحوستك وعسى ربي يوفقك وييسر امورك..
ونحن في انتظار جديدك ( عند وقت الفراغ ) .. واتوقع ان تجوابك بذكر ماحصل لك من اول الرحلة الى الحصول على السكن وبدء الدراسة انشالله راح تكون ( لو جمعت ) عبارة عن قصة مفيدة جداً تضع تصور او توضح الصورة ولو بشكل 50% لكل من لديه غموض او استفسار يتعلق بمثل هذه الامور.
شاكرين مرة اخرى .. والله يوفق الجميع..
تحياتي..

اول شي

الحمد لله على السلامه الاخت chocolate

اتمنى ان رحلتك كانت حلوه وسهله

والله يعينك على السكن << انتم السابقون ونحن الاحقون

ان شاء الله 19 مايو انا في قلب سينسيناتي

ماشاء الله تبارك الله عليك شرحك كان وافي جداً

بس حبيت اسألك عن شي كان في تنسيق بينك وبين المعهد عشان يستقبلونك في المطار ولا انتي نزلتي مطار سينسيناتي لقيتيهم في وجهك

واذا كنتي مكللمتهم من قبل على الايميل والهاتف <<< واذا ماعندك مانع اسدحلينا هنا الرقم اللي اتصلتي عليه او الايميل...



بعدين كيف اجواء المدينه ؟؟؟هل تبشر بخير ولا مثل اللي سبقوك؟؟


الله يسهل امورك ومن ناحيه السكن انا نفس طريقتك ماحجزت من هنا بروح بنفسي واادور
وان شاء الله نستفيد من الخبرات اللي قبلنا


والله مدري ليش حسيت بشعور غريب حسيت اني اتطمنت ان ان شاء الله رحلتي بتكون سهاله يوم قريت ردك ...


الله يكون في العون

شاكر لك تواصلك الدائم....

دمتي بخير ..

علاووي وm.salh مشكورين
بالنسبه لاستقبال المعهد انا راسلتهم عن طريق الايميل واخذوا 95 ,,لكن اتضح هذا المفروض على الوزاره مش علينا ويسمونه الorintation fees (والسبلينغ رايح فيها هههه) او حاجه كذا انا دريت من الأخ توليدو, وعلى العموم اذا بغيت ايميل اللي راسلتهم عليه هذا هو
GGu els.edu
في الفراغ حط @والسكن الحمدلله حصلنا سكن,,احنا بالبدايه لما طلبنا تاكسي جانا واحد عربي جزائري ولف فينا ودخنا شوي بس في الأخر من التعب استقرينا على شقه,, بس اتوقع لو واحد يدور لمده اكثر ممكن يحصل على شقق ارخص واقرب للمعهد,, مثلا اليوم رحنا سوبر ماركت وكان فيه اعلان على جدار عن شقه اقرب وارخص من اللي اخذناها وكانوا حاطين صور بعد وشكلها من الصور والله اعلم كويسه,,بس طبعا الواحد لازم يشوف بعينه
بس الحمدلله على كل حال لأن تدرون انا بنت والوالد ما عنده لغه وعلى قده يعني,, يعني كلما استقريت في مكان اسرع كان احسن بس الرجال ممكن يدورون اكثر منا البنات

ايوه نسيت اقولكم عن الجو,, والله الحين تقدرون تقولون ربيع,, يعني احيانا الجو في الظهر دفى مع الشمس ,, على العصر برد شوي,,وفيه هوا حلو,, وعلى العموم الأشهر الجايه على ما اعتقد بيبدأ الصيف

يعطيكي الف عافيه شوكلاته على المعلومات التي تمدينا فيها

الله يسهل امرك وتلقين سكن مناسب

الا انتي متى تبدأ دراستك؟

لاني انا تبدأ دراستي25 مايو وجاي قبلها بخمسه ايام احسها ماتكفي يعني لازم اكون قبلها بفتره

وبالنسبه للتوصيل من المطار ماتحسين ان 95 دولار رقم مبالغ فيه

يعني اخذ تاكسي من المطار افضل ؟؟

مع العلم اني اول يوم احتمال انزل في فندق الين اشوف سكن مناسب

على العموم الله يعطيك العافيه واهم شي طمنتينا من ناحية الجو لاني كنت حاط في بالي انها بررررد قاااااااااارص


الله يسهلك امرك ويوفقك يارب

انا مثلك m.salh المفروض ابدأ 25,,, بس جيت من بدري خخخ,, لأني كنت احاتي السكن وبقية الأشياء,, والحين ابغى اسالهم اذا في امكانبه ابدأ قبل,
توصيل المعهد من المطار,, والله صادق بس مثل ما قلت لك اتضح انه المفروض على الوزاره موب علينا,, مادري كيف ,, انت اذا قبول عن طريق شركه جاي مثل الI gec كلمهم يمكن يقولوا لك شي,, والله انا كنت مادري عن الدنيا خخخ
وحبيت اقول لكل الجايين لأمريكا بشكل عام اول مره,, لأن كننت غشيمه واكسر الخاطر ,, بالنسبه للسوائل,, تقدروا تحطون اي شي تبغون في الشنط اللي بتنشحن مو اللي بتحملونها في الطياره,, اللي بتحملونها في الطياره هي اللي بينطبق عليها قاعدة السوائل يعني تنحط في كيس سعته 1 لتر ,, وانه كل عبوه ما تزيد عن 100 مل,, ادري في البعض بيقول ويش فيها هذي غبيه,, بس الللخبطه وحاجه اول مره,, بس انشالله اكون بيفيد غير
وحاجه ثانيه من الأشياء اللي صارت لي,, من زود اللخبطه انا حطيت الأقفال في الشنط ولا دورت القفل يعني الشنط كانت مفتوحه,, ولما وصلنا واشنطن الأ بالفاجعه,, ان الشنط مقلوبه ومعفوسه ومسروق منها اشياء,, الظاهر اللي يحملوا الشنط نفسهم يسرقون والله اعلم ,, يعني حطوا بالكم
بالنسه للسكن, والله لا هي بعيده مره ولا هي قريبه,, على ما فهمت انه نمشي شوي وفي محطة باص للمعهد يجي ياخذ الطلاب,,590$ بالشهر,, بس مثل ما قلت تقدرون تحصلون ارخص واقرب
والله يوفقكم يارب,, ودعواتكم,, وm.salh انشالله نبدأ مع بعض,, بس ها ما ابغى اتكلم عربي معاك ابي اتعلم خخخ

شباب اللي في سنسناتي الله يخليكم انصحوني,, وين احسن بنك fifth third ولا pnc ,, لأني محتاره وين افضل