Akron أي اسئلة

يا حبيبي يا سهم اغلب الشباب جابوا القبول للسمستر الجاي وحجزوا طيران وامورهم منتهيه يعني بصراحة ماله داعي الرسايل السلبية اللي قاعد ترسلها للشباب واكيد كل واحد وله تجربته
حط في بالك انه في شباب كثيير جايين يدرسون وبسسسسس

اتمنى تتقبل كلامي بصدر رحب وانشالله نشوفك في اكرون وانشالله اجيبلك جاكيت من زارا ولا جاك اند جونز ما يخليك تعرف البرد ولا تنحس فيه


تحياتي ياعسل

شباب سهم يحاول ينبهكم قبل ما تروحون وهو ما تكلم عن الجامعة تكلم عن المعهد وكيف نزل مستواه وكيف ان الجو برد

وبعدين معروفه اكرون ما فيها ترفيه كبير فا الواحد قبل ما يتورط ويروح هناك ياخذ بكلامه عموما الله يوفق الجميع ويسهل عليهم وانا كنت راح اجي شهر ثمنية ملادي بس الله ما كتب لي

للاسف الشديد الكثير يحسبوني اطرح تجربتي
بالعربي اللي يبي يستفيد من خبرتي هنا حيا الله واللي مايبي بكيفه بس لايجي يتفلسف ويقول وهو مو فاهم
انا ماعلي من اي شخص انا جاي احذر اي شخص وذكرت اسبابي وصدقوني وربي لو اني ماحب الخير لكم ولافكرت ادش
واعطيك كل شي واوضح لك
ذكرت لكم المدينه اقل من العاديه مافيه ترفيه ثاني شي المعهد الان سيء والف مرة اقولك سيء وبتجي وبتشوف
السعودين الكلاس مايقل عن 8 يعني كنك في نيوهيزران بالسعودية وانا ماتكلمت عن الجامعه
وثاني شي اللي يقول رايح يدرس صحيح رايح تدرس لكن فيه شي اسمه ترفيه مو كل وقتك دراسه وقدام الكتاب والله لو انك
انيشتاين
ونسيت اقولك البرد الله يعينك زين تطلع تشتري عشاء والله من البرد مالك خلق حتى تشتري ماء مو عشاء

ع العموم راح تذكرون كلامي بمجرد وصول اي شخص هنا
والايام بينا

طيب وش السوااااات ^^^^^^

انا والله معااك باللي قلته ,, وانا ملاحظ من شهر 6 .. وكانت دراستي بـ اوغست والحمدلله

عطنا حل .. مفيز على اكرون

اللي جاي يسألني كيف تقدر تجيب قبول سريع من اي جامه اخرى او اكثر من قبول وانت تختار

واذا جيت تدخل امريكا طالع الاي توني اللي حقت الجامعه الجديده وبس

اخواني وربي لو انا بمكان اي شخص منكم على طول ببدى بعملية تغيير الجامعه

موفقين اخواني

مشكووور .. برنجع لمرمطة القبولات .. الله يعين

ياخوان بخصوص القبولات في مكاتب تجيب لك القبول في اقل من اسبوعين حاولوا تبحثون عنهم وموفقين ياخواني واخواتي

تذكر العضو بدون ام يا سهم .. طلب منك اضافته ويبي منك معلومات وانت ما الفت له .. والحين عرفت السبب
طيب كان قلت له اللي قلته الحين ..

ع العموم هالشي واضح وباين والاسبااب يمكن تختلف من شخص الى شخص .. والخوف بس من تقفيل الجامعه والمعهد بسبب التكدس الوااضح الحين

..

واخواني للي يشوف ردي .. يعطيني مدينه باحد الولايات اللي بالنص ما عليها كلااام

وربي يوفقك ويعين الجميع

انا انصحك بمدينه كويسة صديق لي يدرس فيها ومعهدها كويس
اسمها نورث كارولينا جوها جميل وقريبة لفلوريدا

وع فكرة الجامعه اقوة جامعه بتخصص الادارة بامريكا ع ماعتقد

السلام عليكم
حبيت اسأل اول شي هل التقديم على الجامعة يحتاج الضمان المالي او بعد القبول ارسل الضمان . وهل الضمان موجود فيه مبلغ معين او ضمان بجميع التكاليف , لاني ابي قبول مشروط وكيف اعرف تكاليف المعهد والجامعة . فالموضوع مسبب لي شوشرة ...
ثانيا هل الابلكيشن او الاواق المطلبة من الجامعه تحتاج شهادة ثالث ثانوي فقط ( من الشهادات )!