مدرس لغة انجليزية في خدمتكم مجانا ً

يعطيك العافيه اخوي

نفس الفكرة والله اني تعبت مررررة
ابغى احد فاهم انجليزي ويرشدني بس ...

هذا اذا ماكان عندك مشكله او راح نشغلك عن شي اهم

الى جميع الاخوة والاخوات،

هذا موقع ممتاز لتطوير المحادثة انا مشترك فيه من 5 سنوات كل يوم يرسلون محاثة جديدة على الايميل

www.englishtown.com

جزاك الله خير والله يكثر من امثالك

مشكووور اخوي ماتقصر

والله يكثر من امثالك

يعطيك العافيه

اخوي ابو زياد ياليت تشرح لي الادفيرب وتفاصيله لانه له عدة انواع ماني فاهمتها
ومره ملخطبه فيهااااا

ياليت تشرحها لي في اسرع وقت

انتظر ردك

اخوي ابو زياد
انا بطلع امريكا بعد سنه على حساب المستشفى اللي انا شغاله فيه
وانجليزيتي مو مره اتكلم عادي وادبر نفسي بس خايفه من التوفل
هل يحتاج اطلع قبل بعثتي اخد لي كورس على حسابي
وكم شهر احتاج
وكم مصاريفي انا وزوجي لو قلنا 3 شهور تكفي
والله ضايق صدري عندي فرصة بعثه بس التوفل واقف في وجهي

هلا اختي رياح الغربه

انا عارف انك التي الاخ ابو زياد بس من بعد الاذن انا عندي شوي معلومات وحاب افيدك.
بسراحه انا جيت هنا ( في امريكا ) وما اعرف الا مره شي بسيط في اللغه يعني مرات اتورط امشي نفسي ... يعني يالله بالاشاره

بس الحمد لله درست اللغه وخلصتها في سنه بالضبط واخذت التوفل.
واللغه ما هي ابد صعبه على اللي يبي يتعلم ( هاويها).

وعلى فكره التوفل ما هو بذاك الصعوبه ... كثر ماهو نفسيه ... وبسراحه حسب تجربتي الشخصيه واخوياي اللي اختبروه يبغى بس شوي تركيز وثقه بالنفس وهذا الاهم وانك تاخذينه مره مرتين ثلاث اربع قد ماتقدرين لين تجيبينه حتى لا تقولين بدري ....
لا نه مع الممارسه تعرفين نقطة ضعفك وين ... (( وتقدرين تقسمين وقتك )) ... وكل مره تتعرفين على مهارات جديده
وفيه كتب عديده ممكن تفيدك لاني استفدت منها كثير

اما بالنسبه للتكلفه تختلف من مكان الى مكان ومن معهد الى معهد .... بس المتوسط تقريبا ٣٥٠٠ دولار في ثلاث شهور ( ترم)
طبعا بالاضافه الى تكلفه السكن التي تتراوح مابين ٨٠٠- ١٢٠٠ دولار (غرفتين-ثلاث غرف) حسب المكان وذلك بالمناطق مثل فلوريدا وتكساس
وايضا فيه تكاليف الاثاث ( حسب المزاج والميزانيه) بالاضافه الى تكاليف المعيشه اليوميه

هذا اختي باختصار شديد ... رابشري اذا عندك اسئله ... وربي يوفقك ويحقق مبتغاك

الاخ Annader كفى و وفى في الرد.

بالنسبة للاخوان والاخوات اللي عندهم أسئلة في اللغة الانجليزية ممكن أقترح عليهم اقتراح أنهم يقابلوني على المسنجر
وياليت تتفقون على وقت واحد أقابلكم فيه على المسنجر لانو فارق التوقيت كبير بين أمريكا والسعودية.
الشباب اللي في السعودية ممكن يراسلوني على ايميلي مباشرة عشان يحددو الوقت وأشوف اذا الوقت مناسب لي أو لا.

أيميلي والمسنجر (طبعا على الياهو) khalid _ alashwal @ yahoo . com
واعتذر للمشرفين على الموقع لاني نشرت الايميل بس والله كله للفائدة.

طيب ليش ما تخلي الشرح هنا افضل والفائدة اكبر يصير مثلا كل ما احتاج شئ ادخل هنا

بدل ما ينشرح مرة وحده على المسن ويروح