كيف اقدم ضمان مالي وانا لم ألتحق بالبعثة بعد

و عليكم السلام و رحمة الله و بركاته

عندي نفس السؤال..

الضمان المالي المطلوب هو فقط اي إثبات على أنك قادر على تحمل تكاليف المعهد !
بمعنى أنك لو جبت شهادة بنكية فيها مبلغ اعلى من المبلغ المطلوب كافي ..
او جبت كشف حساب يبين ان في رصيدك مبلغ كافي لتحمل التكاليف برضوه يكفي !
أو تجيب ورقة تعريف بالراتب من شخص موظف يبين فيه راتبه ويكون هالراتب كافي لان يتحمل المصاريف ! (مثل ابوك عمك احد من اقاربك اي شخص) .. وتبين بالطلب ان هذا الشخص راح يتحمل تكاليف دراستك !

هذا اللي تحتاجه كضمان مالي !..

مشكووور ع ردك .. انا موظفه يعني اقدر اخذ تعريف بالراتب من جهة عملي واترجمه واخليهم يصدقونه وارسله للجامعه <<<< هل هذا يكفي ويغني عن الشهادة البنكيه ؟؟
او لازم مع تعريف الراتب اجيب كشف حساب لمدة 3 شهور ؟؟
ياليت توضح لي اكثر لان طلب الجامعه متوقف على الضمان البنكي ومو عارفه كيف اتصرف

شاكره لك

ايه خذي تعريف بالراتب وصدقيه من جهة العمل وتأكدي بان التعريف مكتوب بالانجليزي وان المبلغ يكون بالدولار .. وسوي سكان له وارسليه للجامعه ..
هذا يكفيك .. واذا قالوا شي .. ارسلي لهم كشف حساب ثلاث شهور يثبت ان رصيدك فيه المبلغ اللي يغطي مصاريفك بس !

هو الموضوع مثل ماقلت انه فقط اثبات انك قادره على تحمل تكاليف المعهد .. يعني اي شي يثبت هالشي راح يقبلون فيه ..

شاكره سرعه تجاوبك اخوي الله ييسر امرك , الاشكاليه ان المبلغ المطلوب مستحيل يكون متوفر بحسابي فهل يكفي تعريف براتبي كموظفه؟

نعم يكفي .. واذا ماكفى استلفي المبلغ وحطيه في حسابك وطلعي كشف حساب عليه .. وارسليه لهم وردي المبلغ لصاحبه .. وينتهي الموضوع ..
ايضاً ضيفي على ذلك ان المعاهد يعرفون نظام الطلاب السعوديين .. يعني يعرفون ان الملحقيه راح تتكفل بمصاريف الطلبة ..
فأنتي بس وضحي لهم انك راح تلتحقين بالملحقية بعد ماتجيبين القبول .. وراح ترسلين لهم الضمان المالي الخاص في بعثتك بعد الحصول على القبول .!
واذا قالولك شي قولي لهم ان هذي تعليمات البعثات في بلدك ولابد اجيب قبول علشان اقدر اجيب الضمان المالي وارسله لكم ..

انا طلعت الفيزا بدون ضمان مالي فقط بكشف حساب لاخر 6 شهور , السؤال عادي لو اخلي اخوي يسوي الضمان المالي ؟ وهل المطار يطلبونه مني ولا بس المعهد ؟

كشف الحساب يعتبر ضمان مالي ..
ومثل ماذكرت سابقاً .. الضمان المالي هو اي إثبات بإنك قادر على تحمل تكاليف الدراسة والمعيشة فقط !

ونعم عادي تقدر تخلي اخوك يسويه وتقولهم ان اخوك هو اللي بيتحمل التكاليف .. واما عن المطار فمايطلبونه ..
لكن بما انك استخرجت الفيزا .. فماراح تحتاج الضمان المالي ... يعني خلاص امورك تمام الان كل اللي عليك انك تنتظر الى وقت الدراسة وتسافر وتدرس !