الله يرحم والديكم ويوفقكم موعدي مع السفاره الامريكيه بعد عشره ايام افزعو يالنشاما

اخوي اذا انت حسابك مصفر .. كيف بتدرس؟؟
يعني مين بيدفع مصاريفك؟؟؟
اذا ابوك ولا احد ثاني بيدفع مصاريف دراستك تجيب كشف حساب وضمان مالي من ابوك وورقه تثبت انه هو يتكفل بدراستك..

وعلى الروابط القويه... هم يبغون اي شي يثبت انك بترجع السعوديه صك بيت .. اسهم الخ..
وعلى فكره كثير ناس ما عندهم لكن انت تقنعهم بكلامك ان انت مثلا ناوي ترجع السعوديه وتقدم لوظيفة في المكان الفلاني.. وان انت اخترت التخصص هذا لأن السعوديه محتاجته والخ.. فهمت علي؟؟

اولا الله يجزاك خير ولايحرمك الاجر ويوفقك وين ماتروح دنيا واخره ويجعل لك في كل خطوه حسنه ويرزقك من حيث لايحتسب ...

انا اكيد اني بطلع ومعاي فلوس باخذها من ابوي قبل لا امشي مبلغ 20 الف ريال الين ما انظم لبعثه ,,

مهي مشكله ان راح اجيب كشف حساب باسم ابوي لمده ثلاثه شهور بس الرصيد عادي يعني باخر الشهر مرات تلقاه مصفر بس انه كل شهر يستلم راتبه هل ينفع كذا ولا لازم احط بحسابه مبلغ معين مثلا 100 الف واذا طلع كشف الحساب ارجع 100 الف ريال ولا كيف ؟

بالنسبه اللي تقول هات ضمان مالي من ابوك ويتكفل بتكاليف دراستك قريت في المنتدى ماينصحون فيه الاخوان لانهم يحجرون على اموالك في البنك لمده سته شهور ..


بالنسبه للروابط القويه ممكن اجيب ورقه من العمده ومصدقه من الشرطه اني ابوي واهلي وعمامي بالسعوديه واصلهم سعودي هل ينفع ؟

ارجو من الاخوان والاخوات لا احد يبخل علي مابقى شي ع الموعد تكفوووووون الله يوفقكم ويسهل اموركم ,,,

شوف فيه ناس كثير ماطلبوا منهم كشف الحساب حق ال3 شهور الي راحت..
بس طلبوا منهم الضمان المالي..
انت لو تعرف احد مقرش وعنده فلوس اطلب منه يحولك مبلغ 40 او 50 الف ريال ..وطبعا كل مازاد المبلغ ضمنت انهم يمشونك اسرع.. بس يتهيأ لي اذا انت رايح تدرس لغه في البدايه تمشيك 50 الف.. اطلبها منه فقط 24 ساعه ..
لأن معظم البنوك نظامهم كذا ( اليوم تحولت لك الفلوس .. بكره تقدر تطلع ضمان مالي يشمل هذي الفلوس)
واليوم احنا كانت مقابلتنا ... سأل اخوي من وين لك الفلوس الي بالحساب؟؟ ( يعني كيف جتك فلوس وانت ما تشتغل)
قام قاله ابوي حولها لي وبيحولي كل شهر.. قام سأله ابوك وين يشتغل.. قاله ارامكو.. وبس..
وعلى الروابط القويه اظن الي قلت عليه كفايه.. بس ترا هم ما يطلبونها معظم الاحيان.. انت خذ الاثبات معاك احتياط اذا طلبه طلعه..

الله يجزاك خير ولايحرمك الاجر ويوفقك وين ماتروح دنيا واخره ويجعل لك في كل خطوه حسنه ويرزقك من حيث لاتحتسب ويرجعك بالشهاده اللي ترافع راسك وراس والديك وراس ربعك,,

بجيب لهم الورقه اللي تقولها وعلى الله ,,

دعواتكم لي بالتوفيق وتسهيل المقابله ....

اااااااااااااه.. وش ذي الدعوه الي تفتح النفس...

ان شاء الله تتسهل .. وتمر المقابله بسلام وتطلع فيزتك خلال اسبوع ...

بالتوفيــــــــــــــــــق

السلام عليكم
اخوي بنصحك بحكم تجربتي في السفاره قبل كذا
ياطويل العمر انا اول ماطلعت على حسابي والحين الحمدلله مبتعث.. المهم اخذت ورقة الضمان المالي من البنك وكان فيها اذكر تقريبا 50 الف ريال مو مهم كم يكون في حسابك بس لا يقل عن 8000 دولار. وبالنسبه لسؤالك الاول الأخت جاوبت قالت جيب ورقه من العمده هههههه غلطانه يا اختي هذي يبون ورقه تثبت ايش سويت من تاريخ تخرجك من الجامعه او الثنوي اذا اشتغلت جيب ورقه من عملك .. الغرض من هذا يبون يعرفون إيش سويت في فترة من تخرجك الى اليوم.. واذا ما اشتغلت او سويت شي قول لهم انك كنت عاطل عن العمل او اي سبب ثاني!! واذا سألوك مين بيصرف عليك قول على حساب الوالد الله يطول لكم بعمره. اخوي شوف اذا مكتوبه لك والله صدقني حتتسهل معاك ان شاء الله وانت باين عليك الخير الله يسهل دربك ويوفقك ويوفق كل المسلمين.

معلومه :
انا ما اخذو مني في السفاره ورقة كشف حساب اللي طلبوه مني اي توني, اخر شهاده, جواز صور, اوراق السفاره الثلاث نماذج وبس واعطوني كم سؤال حلو. الكلام ذا قبل تقريبا 8 شهور.

دعواتك

مو انا الي قلت له يجيب ورقة من العمده.. هذا اقتراحه وانا قلت اكيد تكفي...
وعلى الروابط القويه.. هم طالبين اي شي يثبت عودتك للسعوديه.. وما اظن ورقة تثبت ايش اشتغلت في الماضي تكفي..
انا قلت يمكن ما يطلبوها بس اذا طلبوها جيب شي قوي مو اشياء انتهت ومستحيل تحتاج ترجع عشانها....!
عموما في مقابلتنا ما طلبوا من اخوي شي... بالعكس ما اخذوا منه شي..
بس انت خذ معاك الاوراق احتيــــاط .. عشان ما تنرفض الفيزا..
امش صـــح يحتار عدوك فيك..

اللي ردو لي الله يجزاكم خير ولايحرمكم الاجر ويوفقكم وين ماتروحون دنيا واخره ويجعل لكم في كل خطوه حسنه ويرزقكم من حيث لاتحتسبون ويرجعكم بالشهاده اللي ترافع راسكم وراس والديكم وراس ربعكم,,


ابشركم قابلت وامور المقابله سهلها ربك الحمد لله ,

ماطلبو غير الجواز الجديد والقديم ونموذج 160 وطلبو الاي توني وايصال سامبا فقط هذا اللي طلبوه ,,,

ماطلبو لاصور ولاكشف حساب ولا وشهايد ولاصور ولاغيرها ,,,

ووعدوني ان شاء الله من اسبوعين وراح توصل التاشيره بحول الله ,,,

اي استفسار انا حاضر ,,

مبروك... ان شاء الله تجيك الفيزا خمس سنين.. وتفرح فيها.. الله يسهل امورك