استفسار : للي اصدر قرار لابتعاث واستلم التذاكر ..؟ - لاهنتوا

ولا كثرتي أسئلة ولا شي

يروح طال عمرك وعمره لحي الغدير (قولي لي من وين أنتوا جايين علشان أعطيك الوصف الواضح والدقيق)

ويدخل المبنى ويروح لجهة برنامج خادم الحرمين أهم شي يجي الساعة 8 الصباح

يعبي النموذج ويعطيهم ويشوف الموظف وش بيقول له
غالبا يقولون تعال بعد الظهر
المهم يعطونه القرار وعلى طول يصوره من البوفيه الموجودة بالصالة نفسها ويأخذ نموذج أمر الإركاب ويعبيه
ويحط النموذج والطلبات في وسط الجواز ويسلمه للموظف المختص (لازم الجوازات الأصل)
10 دقايق تقريبا ويعطيه أمر الإركاب
ويروح الاتصالات الإدارية يصدره خارج الصالة
وبيعطونه نسخة يروح فيها للطيار
وبرضه الطيار في نفس الصالة

وبعدها يأخذ التذاكر
وبعدها يرجع البيت
وتشوفين التذاكر
وتنبسطين وتجلسين تدعين لي ولمحرمك
وبعدها تسافرون
وبعدها تدرسين
وبعدها تحصلين على المؤهل وترجعين السعودية وتتوظفين
وإنتي لازلتي تدعين لي


الله يوفقك وييسر لك أمورك

ياشيخ الله يبيض وجهك و يوفقك يارب ..,

جزاك الله خيير ..,

ماشاءالله ردك مفصل و واضح ..,

ووجهك يارب

من وين جايين علشان أعطيك الوصف

يعني من المطار أو طريق القصيم أو طريق الحجاز


وفقك الله

الله يسعدكم انا بستفسر

انا رايحه بنفسي من غير محرمي عادي ولا كيف؟؟؟؟

طريق الحجاز ..

سوري كنت اتأكد بس من اي طريق ..,

لاهنت ..

لاصدار قرار الابتعاث و امر الأركاب ؟

عادي لو انت او محرمك .. المهم واحد منكم ..,

و يسعدك يارب

الله يعطيكم العافيه

ارسلي الاوراق على الايميل

يومين ويطلع قرار الابتعاث

تروحوا تستلموه

مع التحية

أول ماتدخلين الرياض بيجيك بوابة الدخول وبيكون قبلها نزلة القدية وأتوقع إنك تعرفينها

خليكم طوالي على الطريق هذا وبيجيكم على يدكم اليمين الكبري المعلق
برضه خليك طوالي وبتجيك جامعة الملك سعود على يدك اليمين (أنتوا الآن تمشون على الدائري الغربي)
بعدها بتنزلون مع كبري
بعدها على طول إمسكوا المسار الأيمن إلين يجيكم أول مخرج واللي هو مخرج رقم واحد (يعني تطلعون على الدائري الشمالي)

أنتوا إطلعوا يمين كأنكم رايحين الدمام
وإمشي بيجيك مخرج 1اللي كنتوا عليه ثم 2 ثم 3 ثم 4 واللي هو طريق الملك فهد

وبعده مباشرة حاولوا تطلعون على طريق الخدمة (بيجيك عدة شقق مفروشة على يدك اليمين) وإبقوا عليها إلين يجيكم مخرج خمسة
وإعملوا يوتيرن وإمشوا على الخدمة إلين تجي الوزارة على يدك اليمين

ممكن المسافة من مدخل الرياض إلى الوزارة حوالي 40 كيلو