وصفات للإسترخاء من هالهموم المتلتلة

September 15th, 2008, 09:11 PM

هذي بعض الأمور اللي ممكن تساعد على التخلص من ارتفاع الضغط(الوزاري):
1-إذا عندك (كسرة عود) حطها على الجمر و خليه فترة في الغرفة اللي أنت فيها و لا تحاول تستنشقه بقوة أو تقربه من وجهك(ما نبغى نخسر عضو في المنتدى ).
2-استرخي على الكنبة و حاول تخلي ظهرك كله مستند على الكنبة بحيث ما يكون فيه فراغ بين الظهر و الكنبة(استخدم وسادة صغيرة إذا بغيت) و بعدين خلي جسمك مرتخي و استنشق الهواء بهدوء و حس أنك بخير و انك ملك في العافية.
3-و أنت على الكنبة خلي جنبك مشروبك المفضل(طبعا على حسب الجو و طبعا أفضل أن يكون مشروب البابونج للي يستسيغه) و حاول تاخذ رشفة كل شوي و لا تلطه مرة واحدة زي الأخ .
4-شغل صوت ندي تحب تسمعه(و أنا انصح بمحمد أيوب) و حاول تسبح في الكلمات اللي يتلوها(طبعا القارئ على كيفك و اللي ترتاح له لما تسمعه ).
5-ابعد عن الضوضاء قدر الإمكان و خلي الصوت الوحيد اللي تحبه أنت هو اللي تسمعه(طبعا لا تخلي الصوت عالي فيؤثر على سمعك و تضطرب طبلة أذنك و تزعجك بالحرارة الصادرة منها-صوت خفيف هادي-).
6- لا تفكر بالأسماء و لا بالوزارة و اعرف أن اللي ربي كاتبه بصير و أنهم إذا أختاروك بيزعجونك(بالجوال و الإيميل)فماله داعي تدخل النت و تتعرض للشحن اللي هو السبب الرئيس في انقباض القلب و اشتداد الأعصاب.
الله يزيل عنكم الهم و الكرب و يهدي أعصابكم بالبشارات المتتالية..اللهم آمين.
محبكم أسير الدنيا.

• نشر عبر تويتر
• نشر عبر فيسبوك
• نشر عبر جوجل