كل ما تحتاجة عن التوفل تجربتي الخاصة ..

اختبرت هذا الاختبار المعقد مرتين والآن احضر للإختبار الثالث الأسبوع الجاي إن شاء الله
الإختبار الأول
كانت درجاتي
reading = 16
listening = 11
speaking = 17
writing = 12
total = 56
الإختبار الثاني كانت درجاتي
reading = 17
listening = 13
speaking = 15
writing = 17
total = 62

ولازال قدامي مشوار طويل حتى أوصل للـ 80 !
بصراحة هذا الاختبار تعجيزي وغبي في نفس الوقت يعني لويغيرون آليته شوي ممكن يصير مقبول نوعا ما !
ليش مايكون الرايتنق والسبيكنق أول شيء ؟ أنا أوصل لجزء السبيكنق وأحس إني بموت تعب خلاص ماعدت قادرة أتكلم والعشر دقايق اللي حاطينها بين الليسننق والسبيكنق يبلونها ويشربون مويتها ماتسوي شيء ! مايكفي إني قاعدة أتكلم مع جماد !
والرايتنق أوصله وأحس إني برضه مرهقة جدا وماني قادرة أركز !
هذا غير مدة الإختبار الأربع ساعات مع العلم أنه ثبت علميا إن الإنسان الطبيعي المفروض مايقعد قدام شاشة الكمبيوتر أكثر من 4 ساعات طوال يوم كامل وطبعا هذه الدراسة ع الإنسان اللي يتسلى ع الكمبيوتر ويتصفح أشياء تسليه ماهي إختبار الهم اللي اسمه توفل!
عموما حاليا قاعدة أدرس في كتاب بارون اللي كله تمارين وأحسه حلو لإنه من أوله لآخره تمارين وإن كانت تمارين الدنيا كلها ماتنفع مع إختبار الإحباط اللي اسمه توفل!
التوفل = إحباط + يخلي الواحد يحس إنه ميح في الإنجليزي + إرهاق
ونصيحة لوجه الله اللي باقي في السعودية يختبرون التوفل الورقي أو الآيلس لإنها تختلف 180 درجة عن توفل النت المقرف لكن الظروف حدتني عليه لكون الإختبارين الثانية نادرة ومقاعدها قليلة بعكس توفل الإنترنت اللي متوفر تقريبا كل أسبوع هنا في أمريكا.
هذه مجرد فضفضة وليس لتثبيط عزائمكم لإن طفح كيلي من إختبار الهم اللي اسمه التوفل
حسبي الله عليهم ونعم الوكيل .

الله يجزاك خير يارب ماخليت شئ ماشاءالله

لا هنت يالغالي
كل الشكر والتقدير لك أخي

منورين على المرور يعطيكم العافية ...

ما شاء الله اختي درجاتك حلوة بكل امانه .. ما عندك نقطة ضعف زي ما صار في حالتي ! جبت 3 في الريدينق اول اختبار
وما شاء الله في تحسن واضح مرة اختي ليش مضيقة على نفسك وزعلانة ومسوية انه اختبار تعذيب وهو اختبار زي اي اختبار ثاني انظري للناحية الايجابية رفعتي درجاتك بشكل حلو 6 درجات في الاي بي تي مرة حلوة ..؟
مو تعجيزي اختي اختبار لغة .. اذا انتي كويسة باللغة تمشين منتي كويسة ما تمشين .. زي حال اختبارات المدرسة ذاكرتي تحلين ما ذاكرتي ما تحلين ! .. غبي اتفق معاك في ناحية الريدينق مرة يطول خاصة لما يحطون اسئلة تجريبية كثير يطفشون الواحد وهو ما يعرف اي واحد تجريبي واي واحد صدقي


التوفل = إحباط + يخلي الواحد يحس إنه ميح في الإنجليزي + إرهاق

ههههههههههههههههههههههههههه حرام عليك ههههههههه ... اختي الكريمة انتي متضايقة مرة من الاختبار ومع كل احترامي ما يحتاج المضايقة هذي كلها .. هو يقيس القدرة الاكاديمية للطالب هل يقدر يسولف ويدرس ويفهم محاضرات في الجامعة ولا لا هذا ليش صعب .. لان الجامعة مو بالسهوله هذي .. وصدقيني لما تجيبين درجة عالية فوق ال80 بتحسين بالفرق وانك فاهمة كثير والكثير في المحاضرات ..وكل اختبار يحتاج تمرين ودراسة وتعب مافي شي يجي بسهولة ..
انا كنت انام واقوم عليه .. كان شي متعب بس الحين لما اتذكرها ودرجتي مرررة راضي عنها وزيادة الحمدالله اقول عادي كويس اني شديت .. لاني بكل امانه فاجات نفسي اني جبت درجة زي كذا .. ويقولك اللي يبغى الزين يخرق اذنه هههههه
خليك متفائلة اختي وشدي الهمه صدقيني لما تجيبين فوق ال80 حتتغير نظرتك عن الاختبار وعن الفترة اللي انتي زعلانة منها
موفقة يارب وطمنينا على اختبارك القادم ..

_



يعطيك الف عافية

مجهود جبااار تشكر عليه


عندي استفسار ,

نتيجتي للتوفل طلعت ع الموقع بس من وين استلم الشهادة من نفس مركز الاختبار ولا من وين ؟

الله يعافيك

شوفي اختي .. انتي يوم سجلتي المفروض يطلبون منك بريدك وعنوانك وبعد النتيجة ب40 يوم توصلك .. ثاني شي .. لما تسجلين ايضا يقولون لك هل تبغينها على النت وورقة .. ولا بس النت !!
ثالث شي وهذي اهم نقطة .. الشهادة اللي تجيك على البريد ترا قيمتها فقط لك !! بمعنى انها ما تعتبر شهادة ...يعني غير رسمية ...ماتصلح للتقديم الجامعات ..عشان تعطينها لجامعة تحطين الكود حقهم في الموقع وتدفعين مبلغ معين .. او من وقت ما تسجلين يعطونك خيار 4 جامعات ... كلامي طبعا عن اختبار الاي بي تي .. اما النوع الاخر اللي هو الورقي بكل امانه ما ادري هل هو نفس الطريقة ولا لا !!

موضوع جداً رااااااااااااااااائع

يسلموو كتير

والله يعطيك العافيه اخوي

انا لما سجلت حطيت البريد الالكتروني وطلبت النتيجة تجي عليه لان ما عندي صندوق بريد

واختبرت وبعد عشرين يوم طلعت نتيجتي على موقع التوفل نفسه زي ماهو في الصورة تحت وارسلو لي ايميل ان درجاتي موجودة ع الموقع





طيب لو طلبت additional score reports ممكن يرسلون لي شهادة ؟؟
ولا اختبار كيذا بدون شهادة من جد انا مررره محتااااره

حلو حلو.. شوفي اختي ما بيعطونك الشهادة .. خلاص درجتك الكتورنية .. يعني زي اختبار القدرات والتحصيلي .. مافي ورقة تعتبر رسمية .. عشان الواحد يعرف درجتك يدخل رقم احوالك وتطلع له. >> هذا القدرات والتحصيلي
اما التوفل .. شهادتك فقط لك ..والدرجة ترسل للجامعات الكترونيا ..يعني لما تضغطين على additional score reports وبعدها يطلب منك تدخلين اسم الجامعة او الكود حقها .. وبالطريقة هذي هم يرسلونها الكترونيا.. يعني انتي ما تعطين الجامعة شي الا فقط تقولين جبت الدرجة هذي وتم الارسال وتوصلكم قريب ..
فهمتي علي اختي ؟

اذا يوم سجلتي اختي دخلتي اسم الجامعة اللي تبغينها .. في احتمال كبير وصلتهم الدرجة حقتك اما اذا ما دخلتي شي ..انصحك الحين تدخلين اسم الجامعة حقك وتدفعين المبلغ حق الارسال عشان توصلهم
موفقة يارب