كل ما تحتاجة عن التوفل تجربتي الخاصة ..

]يون ايون شكررراا جزيلا فهمت كل حاجه
وبالنسبة للكتاب انا اشتريته وبدأت فيه.. اللي هوا بارون ايديشن 12th

وفي كمان دحين بارون 13thايديشن .. والفرق بسيط جدا بين الكتابين .. وهوا انو في الايديشن الأخيرة مرفق مع الكتاب سي ديز فيها خاصية البلاي باك (play back) حتى يمديكـ تسجل صوتك وتسمعه .. سعره حوالي 209 ريال

اما بارون 12 كان سعره 119 ريال..بالنسبه لي ما كان هداك الفرق الشاسع حتى اخد بارون الـ (latest)
لأنو هادي الخاصية اقدر وانا على اللاب اسجل صوتي واسمعو وخلصنا

اما الكتاب التاني.. فهوا اللي انتا قلت عليه كمان (TOEFL Vocabulary) و انا هادا جدا انصح فيه كلمات حتى لو ما جاتك في الامتحان .. تتعلمها وتفيدك سعره حوالي 99 ريال[/COLOR]

و هادي صورة الكتاب التوفل فوكابلوري

[IMG][/IMG]

وهادي صورة بارون 12 ايديشن

[IMG][/IMG]

وكمان عندي سؤال انتا قلت انو في 7 سيديهات ... فين هادي :s
الكتاب ما فيه الا سي دي واحد ولا قصدكـ اشتريهم مستقله عن الكتاب


وبالتوفيق للجميع

انا اختبرت توفل ودرجتي احبطتني وماكنت حاطه في بالي اني ممكن ارجع اعيدو تاني

سؤالي ايش سويت بين الاختبار الاول والتاني عشان ترفع درجتك ...؟؟؟

وابغى اعرف تقريبا كم درجة زدت عن نتيجتك في الاختبار الاول .؟؟

نفسيتي جدا سيئه محتاره ارجع اختبر ولا لا اخاف اختبر وما ارفع درجتي

جزاك الله خير على الرد الي رفع معنوياتي

ومن كلامك استنتجت انو بالعزيمه ان شاءالله كل شي بيصير سهل

انا مشكلتي في الاختبار الاول اني ماتدربت كويس لاني كنت مسافره واختبرت اول مارجعت من السفر

ومن الاختبار الي فات نقطة ضعفي الريدينق والرايتنق راح اتدرب اكتر وان شاءالله يااااارب اقدر ارفع درجتي بالتدريب

اخذت بنصيحتك ورجعت سجلت لكن للاسف اقرب موعد بعد شهر

وعلى فكره عندي كتاب فوكابلري وكتاب لونق مان وكتاب كامبردج اتوقع انهم راح يؤدوا الغرض

ياربي تساهيلك

طيب هل راح تختبر جي ار اي او جيمات؟...؟