السلام عليكم ورحمة الله وبركاته ..
كيف حالك .. عساك بخير ..
كمقدمة .. اريدك ان ترى هذه المحاضرة .. والله اني شفتها 3 مرات وما حسيت فيها بأي ملل .. محاضرة جميلة جدا جدا جدا ..
...
شف اخوي .. انت عندك الرغبة في تعلم اللغة .. والدليل انك شريت الكرسي والطاولة .. وايضا انك منزل موضوع هنا على انك تبغى تطور نفسك ..
وانت عندك القدرة .. والدليل تقة ابوك فيك ومحادثتك لابو الولد في الباص ..
اذا اجتمعت هذي الحاجتين فأنت تستطيع التحدث باللغة وكأنك من اهلها .. لكن ناقصك حاجة واحدة بس .. اللي هي البداية ..
كبداية انصحك بموقعيين ولا احلى ..
الاول ..
Language Learning with Livemocha | Learn a Language Online - Free! .. وهذا يحتاج له تسجيل ..
الثاني ..
الحوارات الانجليزية
وفي برضوه موقع ثالث اللي هو ..
www. انا . edu
بتقولي كيف (( انا )) .. بقولك كيف ..
انت لازم تتحدى نفسك .. بانك مثلا تجي اليوم وتقول لنفسك بدل ما اذاكر في 15 دقيقة .. خليني اليوم اذاكر 30 دقيقة .. وتضغط على نفسك .. حتى لو انك مليت .. لكن لازم تشعر ان اللغة مو دراسة وبس ..
اللغة هي حياتك في البلد اللي انت عايش فيه .. اللغة هي اسلوب المعيشة .. اللغة هي كل شي ..
وتيجي بعد يومين وتخليها 45 دقيقة .. وكذا لين ما تحس ان مستواك تحسن .. وانا متأكد ان مستواك بيتطور كثيييييير ..
ولكن قبل كذا انت لازم تشيل جميع معتقداتك الخاطئة عن اللغة الانجليزية .. من انها صعبه او انك لن تتقنها ابدا .. في طلاب راحوا من السعودية ولغتهم تحت الصفر .. وبعد ما راحوا امريكا اصبحوا يتقنون اللغة اتقان كامل .. هل هم احسن منك .. لا والف لا ..
الشي الثاني ان اللغة الانجليزية من اسهل لغات العالم من جميع النواحي .. وما بتحس بهذا الشي الا اذا جيت تتعلم لغة ثانية مثلي ( المانية ) .. فكيف احنا اصحاب اللغة العربية التي تعتبر من اصعب اللغات في العالم لا نستطيع تعلم اسهل اللغات .. وهذا الشي يسهل عليك ..
وفي الاخير .. اتمنى اكون افدتك اخوي .. وترا هذا المنتدى في مواضيع عن اللغة وتجارب المبتعثين سابقا ..
وفقك الله حيثما كنت .. وانار دربك .. وازال عن طريقك جميع المعوقات ..
تحياتي لك ..
ريشة ابداع ..
ريشة ابداع January 1st, 2011, 09:43 AM
7 " 
LinkBack URL
About LinkBacks
December 30th, 2010, 05:41 AM
بسم الله الرحمن الرحيم ...اخواني الله يعطيكم العافيه بشرح لكم معاناتي مع دراستي اللغه الإنجليزيه وابي اراءكم ونصايحكم طبعاً صار لي الى الآن 6 شهور في امريكا طلعت امريكا وانا لغتي ضعيفه جداً جداً الحين فيه تحسن ولكن مو مره ولا الي انا اطمح له ومخطط له بنسبه لشخص جلس في امريكا 6 شهور اعتبره شيء قليل وادري ان التقصير مني لكني ياخوان آمــــــــــــل بســرعه اطفششش لا فتحت الكتاب واذا فتحت الكتاب ماعرف وش اذاكر !!!!
لغتي تحسنت من البراكتس الي اسويه في الشارع لدرجه اني اعطي نفسي 10/ 10 في البراكتس وممارسه اللغه لأني جريء وماستحي في البراكتس تصدقون اول ماجيت مدينه دراستي اخذنا درس الضمائر وكيف تسأل بستخدام he she وووالخ وش سويت انا وانا راجع بالباص شفت واحد اسمر مع ولده بسأل الأبو بقول هذا ولدك قلت له is he you Children وكنت مستانس على بالي سألته صح الولد الصغير يناظر فيني بطرف عينه عاد جاء ابوه وقاله هي دسنت سبيك انقلش هههههههههه ثم اخذ ورقه وقلم وكتب لي السؤال الصحيح الي هو از هي يور سون عقبها مانسيت هالكلمه لكن من الكتب ماستفدت ولا شيء لإني آمل بسسسرعه مع اني املك وقت فراغ كبير وطووويل ثاني شي انا ماني مركز ومشتت مادري من وين اذاكر اذا فتحت الكتاب مافهم شي واذا فهمت القرامر مافهمت الكلمات الي في الإمثله ((
مالي نفسسس اطفشش بسرعه كل ماجلس بذاكر اجلس 6 دقايق 15 ساعه بالكثير ثم اجلس على اللآب ولا طلع اتمشى !!!
انا ناوي افتح صفحه جديده من اليوووم مع نفسي عشان كذا ياخواني ابي مواقع و دروس مجربه تفيدني كيف اميز بين الحروف في الكتابه والنطق وكيف اغير الكلمه لا ذكرتها بالماضي ولا المستقبل ولا الحاظر
ابي حلوول ابي ارءكم ابي مواقع اشووف فيها افلام باللغه الإنجليزيه لإني دورت ماحصلت ابي اي شي يفدني في اللغه تكفوون بنتظار ردوكم ... الله يعطيكم العافيه ويحقق لكم امانيكم