هنا التبريكات للعضو الخلوق thE_promise لستلامه قرار الابتعاث (والله تستاهل ياعلي)

ماااااااااااشاءالله مااااااااااشاءالله ..
الف الف الف الف الف مبرووووووووووووووك ..يابروميس ..
والله انك وجه خير ياسعود ياخوي ..
قسم بالله اني اتمنى اليوم اللي تكتب فيه فرحتك باستلام قرارك ..
ياشيخ بطب بوسط الشاشه عشان اضمك واباركلك ..تستاهل والله ياسعود كل خير ..
على فكره كنت اليوم عند سكرتير ابو بندر ..
ياخي اخلاق اخلاق اخلاق من اليوم الى بكره ..
والله اني صكيها سوالف انا وياه وطيحنا ابو الميانه ..
سألته عن قرار ولد عمي .. دور دور دور بالاسامي .. للاسف ماكان اسمه موجود ..
سألتة وقلت ترا فيه عيال بشرونا امس وقبله بنزول قراراتهم ..
قال : لااا من هم ؟؟
قلت والله شباب بالمنتدى معنا ..
قال : لا وش يقولون .؟؟
قلت و: والله يذكرون ابو بندر وسكرتيره بكل خير ويدعونلهم بالاجر والله ..
(( عاد انبسط الرجال .. ))
ويوم شفته انبسط قلت خلني اكبر راسه ..<< شرير ^_^
قلت تراكم صرتو اشهر من نار على علم انت وابو بندر .. كل الطلاب يحبونكم ^_^
قام يضحك ..
حتى قلت فيه واحد من الشباب يقاله ( ابن نفيسه )
قال : ايه ايه هذا عبد الله ..
قلت : والله مادري مااعرفه الا ابن نفيسه ^_^ ( قلت في نفسي رح ملتقى اللغه الانجليزيه
وتلاقيه مسبب قلق هناك هههههههههههههههه )
وجا واحد في الوقت اللي كنت قاعد بالمكتب وبشره بصدور قراره ..
وقيه( قائمه ) من تقريبا 4 او 5 صفحات .. كلها فيها اسامي طلاب صدرت لهم قرارات ..
يعني توكلو على الله وروحو الوزارة وشوفو نزلت اساميكم ولا لا ..
واذا لا كلمو ابو بندر وان شاء الله مايقصر ..
اتمنى لكم التوفيق ان شاء الله ..
عقبال هيلب ومسافره وسعود وكل المتعثرين ان شاء الله << لاتنسى ولد عمك ^_^
ايه صح وولد عمي المسيكين ..^_^
يله الف مبروك ثاني مره يابروميس .. وان شاء الله ترجع باعلى الشهادات ..
بالتوفيق لكم ..

الف مبرررررررررروك
وعقبال سعود اناشاء الله
وعقبال كل المتعثرين
اخوي سعود وينك ماعاد اشوفك في الماسنجر
اخوك مبارك الدوسري

هههههههههه صويلح يا فضيحه

مازلت ادعي والله العظيم جهود الاستاذ علي وابو بندر وخالد قمه من العطا ء والخير تخلي الواحد والله يستهي من اعمال الخير الي يسونها لطلاب
ولكن ما لنا الا ان نرد الجميل لهم بصالح الدعاء من القلب

ادعو لهم اسأل ربي ان يوفق الكل ان شاء الله وكل متعثر ومبتعث

أول شي أحب أن اشكر الله سبحانه وتعالي ومن ثم الأخ سعود على الموضوع اللي سبقني أني ابشركم بأستلامي قرار الأبتعاث اللي صراحه كنت أنتظره من سنه ونص وذلك بتوفيق من رب العالمين والاستاذ القدير(أبو بندر) اللي لو أكتب عنه ما كتبت ماراح اوفي له بصراحه هذا الانسان اللي من اول يوم شفته تفائلت خير وحسيت ان الدنيا باقي فيها نااااس خير ويحب يساعد الكل وأقولها وربي شاهد على كلامي أنه وقف معي في موقف أعتبره أصعب موقف واجهته في حياتي بالرغم انه ما يعرفني ولا عن طريق أحد يعرفه ودي أكتب من الحين الي بكره علشان ارد ولو قليل من أفضاله علي ...

أنا ما راح أقول الا يارب يخلي له بندررررررررررررررررررر وأخوان بندر ويطول عمرك يا بوبندر ويوفقك في الدنيا والآخره .


وأشكرك يا Help على أتصالك لي ومبارتك لي ويارب أنك تستلم قرار أبتعاثك أنت وسعود وكل المتعثرين يااااااااااااااااااااااااااااااااااااااااااااااااا ااااااااااااااااااااااااارب علشان تكتمل الفرحه عندي ياااااااااااااااااااااااااااااااااااارب والله الوزارة مدام فيها ابو بندر وابو سليمان أنا متأكد ان فيها خير


تحياتي ..

الف مبرررررررررروك

وعقبال كل المتعثرين

بإذن الله

ومبررررررررررروك وربي يفرح قلوبنا جمييييييييع