ما سلمت أوراقي وقالي بو بندر أنسى البعثـــــه !!!

لاتضحك ولا نضحك,, ياأخي الله يعينك بس انا عندي حل مثالي ومضمووون,, وفلللله

قدم على اليابان,, اليابان دوله عظمى,, وعندهم العلم اللي مو عندك أحد,, وكل شي

والناس ماتقدم عليها

الله يعينك,, ونشوفك في اليابان ان شاء الله,, ومن ثم نشوفك في الجنه

او جرب طريقه سعوووود,, انا متأكد انها تعتمد على الاستعانه بالله<<يعرف يتوقع


اخوك في الله

يزيد

أخواني في الله,, المشكله ليست في الواسطه,, ولا في الوازره

المشكله في اختيار الدوله!!!


يعني انا ماأدري لييييييييه 22 اللي قدموا عليها,, واليابان 400 بسسسس,, مع ان العلم الموجود في امريكا كله وزياده موجود في اليابان,, غير انك ماتأخذ 6شهور علشان فيزه

ليه مانقدم على ماليزيا,, صحيح انها ليست مثل امريكا في قوة الشهاده,, لكن الحياه فيها سهله,, ودوله مسمله,, وسياحه,, وراحة بال,, وفللللله


ولاتنسوا ان امريكا سوت لنا مشاكل مع بعض المبتعثييييييين,,

اخوي سعود تكفى وش السواة
رحنا نبي نسلم الاوراق لابو بندر وابو سليمان ورفضو

تكفوووووون وش السواة
الدراسة 10 يناير

كل يقول روح ونبي نضمك للبعثة

نبيهم بس ياخذوون الاواق
و الباقي على الله

تكفى يا سعود قلنا وش السواة

الله يكون في عونك . ولعل في ذلك خير

اخوي الشنقيطي

هذي رسالتي لرايق على الاخر

اخوي انت اوراقك كامله

ضمان مالي

قبول جامعه

فيزا

اذا كذا صدقني بعون الله انك لو تجتهد تاخذ قرار ابتعاثك

ياخوي قبل اسبوعين ناس مسلمين اوراقهم

وبعدين ترا ابو بندر في دوره بمصر

الزبده اخوي

اذا اوراقك كامله روح لرياض

ولا تطلع الا ونت مقابل علي العطيه ياخوي

وصدقني بشوف خير

والله اني لك ناصح

انت جرب

ولا انت خسران شي


نصيحت اخو


اخوك

سعود

الي بالاحمر


اخوي

انشب لبو سليمان

اشكله الحال

قله مالي الى الله ثم انت

غيري سلم الاوراق وخذ القرار

وانا اخرتني السفاره

حاول معه مره 2 3 4

لاتيئس

ترا اذا شافوك كذا صدقني بيهتمون فيك

ويحسون انك تبي

ترا فيه ناس تجي مره وتروح ويقولون ذول خلاص ماهم مهتمين

ويشوفون المهتم


ويساعدون


تقبل تحياتي اخوي

اخوك

سعود

بالفعل صعبة لمن هم من خارج الرياض أن يتبعوا الطريقة هذي خاصة من عندهم ارتباطات في أماكن معيشتهم

ما عليش كل شهر ندفع 100 دولار تجديد اي تونتي وندفع من اعصابنا

اخوي سعود ياليت ترسل لي على الخاص انا كمان الطريقة لكي أسلم أوراقي

وجزاك الله خير

شكرا لكل هذه الردود ولكل من شارك وساهم وطرح ,,

الاخ المحترم سعود ,, ترى مابقى من العمر كثر الي رااااااااااااااح

يعني انتظرك واروح واجي واتمرمط نفس السيناريو كذا مشكله وسادخل في دوامه

لن اخرج منها ,, انا عارفهم مسؤولين الوزاره وكذا مره رحت وكلمت بالمنطق والحجه

وكل الوسائل المتاحه ولكن ربما لم يشأء الله ذلك سبحانه ,,,


تخيل مره كنت ابي مدير الحاسب الالي وجيت من الشرقيه مواصل ووصلت الرياض

الساعه 7 صباحا,, تدري متى دشيت على هذا المسؤاال او متى وصل هو اصلن

الساعه 3.30 عصرا تخيل ذلك ,,,,,,, مرمطه وإذلال للمواطن السعودي في بلده

مشاغل المسؤل ظروف اجتماعات الله لا يهينه يخصص يوم في الاسبوع للمواطنين

لكي ينظر في مطالبهم أليس بمسؤوول ,,,,,,,؟؟؟؟؟؟؟؟



بعدين خلينا دايم نردد ربنا لا تجعل الدنيا اكبر همناااااا ,,,,,,




الغريب زعلانين الاخوه المسؤلين في الوزاره على اخر تصنيف للجامعات في العالم

ربعنا دااااااااااااجين يعني ما حولك احد ويزعلون من كلمه النقد سبحان الله ,,,,,,



تخيل 70% من مبتعثين المرحله الاولى من طلاب الثانويه العامه وطالباتها ضاعو

مخدرات - علاقات مشبوهه - اعمال عنف - ايدز - انحراف اخلاقي

وانا اقول القادم مذهل والله لو لم تنتبه الحكومه وتوجهه هؤلاء الطلاب والطالبات

وتقوم الملحقيات الثقافيه بدور التوجيه والارشااااااد سيضيعون لا محاله


نسال الله ان يحمي شباب الاسلام وان يجنبهم الاحقاد الصليبيه والافكار الهدامه





ارضي ربك واضحك في موطن الضحك واحزن وارتقب هادم اللذات وتذكر بانك محاسب

اركض امشي سافر تجول في الاوطان اطلب العلم اعمل بما تعلمت حقق اهدافك

طور من قدراتك اكتشف سلبياتك فرحم الله من اهدى لي عيوبي ,,,










على العموم اخوي سعود الف شكر على الكلمات الراقيه من شخص راقي

وشكرا لمبتعث والمشرف العام ونائبه والمشرفين الكرااااااام


بارك الله فيكم ونفع بكم ,,,,,,,,