انا من الدفعه الثالثه واتمنى ليس فقط من الاعضاء مساعدتي لان هرجتي هرررررررجه ادخل/ي

June 4th, 2010, 06:50 PM

بسم الله الرحمن الرحيم

سلامن من الله عليكم ورحمته وبركاته و بعد::

<<كيف بس متحمس صح هههههههههههههه

اقول لا يكثر بس يلا يلا على موضوعنا..

تحت

تحت



طيب كماااااااااااان تحت













ايوه بس هنا ...






شوفوا حبايبي انا انسان والله كويس انا انسان ممتاز واحبكم ترى والله في الله <<داحيييين بيبكي <يبغى يقردنكم

سأسرد موضوعي وانشر احاسيسي واعلق ملابسي

واسدح اسعلتي وانتوعليكم تجمعوا االملابس وترتبووونها اووووووووووووووووه لا قصدي الاسعله وتردوا عليها وعشاكم الليلة منسف ومندي والبيك وباسكن روبنز <<ههههههههههههه مره مو راكبه على بعض ..وعلى حسابي الليله <<ومن وراكم اخذ تعويض من الملحقيه اسمو (تعويض عشوة) هههههه

انا مبتعث لاستراليا على اساس انو انا مبتعث طب المهم ابتعثت ودرست سنة اللغه وانهيتها بامتياز بس قبل ما انهيها طال عمري قمت عشان مستعجل وابغى ألحق العيد في السعوديه طلبت من المعهد حقي شهادة اثبات تاريخ انتهاء الكورس المهم وكان 12 /12 /2008

وطلبت من الملحقيه اجازة على 6 /12 وارسلت لهم الخطاب ..طبعا مشرفتنا كانت مفهيه زي بعض الناس اللي يقرون مقالي وما لاحظت انو انا طالب التذكرررة قبل ما تبدأ الاجازة بستة ايام ومن دلاخة المشرفه وافقت وما لاحظت هذا الشي واصدرت لي التذكره وسافرت في وقتها <<حاشاكم من الدلاخة طبعاً هععع

بس انتم جاوبوا لغزي المحير العجيب الغريب وكل شي يعجبكم راح يصير

المهم رجعت ودرست في السعودية وسحبت على البعثة مو اهمالا لكن مسوي اني عنتر بن شداد لانو انقبلت طب في السعوديه قلت واللهي شي ادرس هنا في بلدي الحبيب وهل اعز سواااهووو ودرست الا شفت التعليم منتهي الصلاحية ووصل الى درجة انو ترتيبنا بعد مدغشقر ما ادري اشسمها مدري مقديشو ...المهم وعليكم بالعافيه درست ومرت السنه الاولى قصدي ال9 الشهور الاولى ..طبعا انا من ثاني يوم من لما اتخدت القرار انو اقعد تندمت انا اقولكم ليش لانو كالتالي:
1_ الملحقيه ادتني انذار وايقاف صرف لانو استاذة الانجليزي حقتنا اشتكت للملحقيه اني متغيب اسبوع قبل نهاية الدراسه آآآآآآآآآآآه منها الملقووووفه
2_لسا ما صار في اثنين ..الاثنين بعدين قددااام....>> اقووولكم اللي مطول يقرا الموضوع ياخد له بوب كورن وبيبسي ويتكي هنا قصدي وينطق قدام الشاشه ويقرا بتمعن

ويحل اللغز <<وانا اعشيه مندي احسن من بوب كورنك ذا اللي قاعد تاكله انت وخشتك

المهم والله وتخلص ال9 شهور لين ما جايت الاجازة الصيفيه في السعوديه الا جاء صاحبكم مدرعم مبسوط يبغى يقدم ويرجع مسوي انه حل لغز من هو اولا الدجاجه والا البيضه ؟!..!!

ويقولهم ابغى ارجع ويعطيهم من الاعذار الواهيه الخرافيه اللي الله الله تقطع مصارين خرفان العيد قبل ان تنام في بقشة البساط الاحمدي خخخ<<<ما عليكم ترا النص السابق كتبو واحد محشش

طبعا وارفق اعذار وخرابيط قالوا لا ورفض القرار البووس الكبير حق الملحقيه اطال الله في عمره

المهم والله وطبعا والله طول فترة ال9 شهور اللي مرت بس اطارد طبعا صارت المطاردة عن طريق النت اطورنا شويتين يعني فا اطارد عشان اجيب قبول قالوا ما تجيب فبول الا لمن تختبر ايلتس قلت انا اختبرت اول طيب قالو بس ناقصك نص درجه المهم قلت ابشروا بعزكم شويتين وراجع<<يحسب انو رايح يشتري فيري هععع

المهم والله واحجز موعد على الاختبار وكان ديسمبر اختبرت وجبت درجتهم<<<قووولوووا ما شاء الله وصلي على محمد ...المهم يعني الدرجه اللي يبغونها عشان ادخل الفاونديشن طبعا لانها السنه الدراسيه اللي بعد اللغه .....فات عليا طبعا موعد الفاونديشن اللي في بداية السنه لانو قبول وفيزا وملحقيه وهرجه فما راح يكفي والدراسه تبدأ فبراير 12 فما في وقت وخصوصا اني اختبرت ايلتس اخر ديسمبر 2009

وتبدأ 2010 وتستمر المطارده ومن هنا من هنا قالوا ما عندك الا تقدم في جولاي قلت جولاي جولاي ليه لا

المهم ولا عليكم كلافه ..قصدي كفاله

الحين صار لي شهر اراسل الفاونديشن عشان يجيبون لي قبول قالوا اول شي انو الملحقيه ما تعترف بالضمان المالي اللي ارستله ولكن بنسوي لك قبول كأنك انت اللي بتتكفل بالتكاليف.. قلت بيني وبين نفسي طبعا (خلاص تم وبعدين انا اتفاهم مع الملحقيه اهم شي القبول عشان الملحقيه ترضا والفيزا الحق اقدم عليها بعد ) وارسلت للملحقيه انو ابغى ارجع ومن الكلام هيدا وشو فيا لا أحكي لكون ولك عليا وما عليا شرشحوني بكلمتين لك هيييك بكلمتين اتشرشحيت

قالو (( اتفاهم مع الوزارة )) :new_shocke d: <<<<سمعتوا اش قاااالوا ....اووووبسسس قصدي قريتوا ايش قالوووااا

قالوا هرجتك مع الوزارة ....طبعاا انا وضعي مع الوزارة (معلق) يعني معلق بس مو في مروحه لا عادي معلق بس ما ادري في ايش المهم...ووضعي مع الملحقيه موقوف

فما اعرف اش اسوي ابغى الحق قبل ما يجي جولاي واكلها مره 3

ومين تنصحوني اكلم في الوزارة ...؟؟؟؟ وايش اقولو ؟؟؟

لانو الوضع خطيررررررررررر يعني ممكن يصير انهاء للبعثه على كدا اذا طحت في يد واحد ما يرحم

يعني مين اللي طيب في الوزارة ويراعي مشاعري وربي انااااااا خلاااااااااااااااااااااااااااص ابغى ارجع ابغىىىىىىىى ارجع

مرررررررررررا ووووووووواحشتني الدراسه هونيك يا ناااااااااااسو عليها بث آآآه بث آآآآه

واش تتوقعوا حتكون ردة الفعل ؟؟؟؟

هل سينهون البعثه ام يعطوني فرصه اخيره ..وابقى على قيد الحياه ام ماذا؟؟

جدددددا محتااااار خصووووووووووووووووووووووووووصا اني قاعد في وضع مادري جدا حرررج هنا في السعوديه يعني انا انسان احب اعتمد على نفسي ما احب غيري يصرف عليا وفي نفس الوقت ابى ادرس ...

وووضع دراسي محرررررررررررررج للغايه


واخيرا وليس آخراً

صلوا على النبي الحبيب المصطفى واله الكرام الطاهرين وصحبه البررة الكرام الصالحين

واخر دعوانا ان الحمد لله رب العالمين

<< الختمه مفشوووووووووووووخه من برنامج ديني هععع هعع

اخوكم : ((ماسح الدمعات))


فمن يمسح دمعتي تهئ تهئ تهئ

• نشر عبر تويتر
• نشر عبر فيسبوك
• نشر عبر جوجل