ضاقت ولا ادري وش الحل ؟؟

انا زيك مانقبلت نسبتي 76 من 100
وانشاءالله في امل اقدم وانقبل السنه الجايه

الله يصبرنااا ويوفقك ويوفقني ويوفق كل من يطمح لمستقبله واكمال تعليمه

الله يكون بالعون .. وللأسف أنا معي دبلوم وماكان فيه أي دعم من وزارة التعليم لي ولغيري لذلك ماكان في خيار لحملة الدبلوم في برنامج الأبتعاث ..

المهم موضوعك يحكي واقعك ومعاناتك ,, لكن أنتي تدوين الحل ؟ إذا مقرره تكملين دراستك ترى برنامج الأبتعاث مو عائق بأمكانك تطلعين وتقديم إلحاق على البعثه وبكذا أنتي حققتي طموحك والهدف الي كنتي تسعين له .. صحيح ؟

لكن قرار الدراسه بالخارج والله صعب جدآ لما يكون الهدف بناء مستقبل أفضل وتطوير الذات وأكتساب لغه جديده .. لذلك التعب كله بالبحث عن الجامعات وهل تسوى الغربه من أجلها ؟ والله أني أبحث عن ولايه مناسبه ورخيصه وجامعه تقبلني لي شهرين ومدري وش الحل ..

معليش على الأطاله ولكن حتى انا ضايق صدري وشكلي وحبيت أفضفض شوي

الله يوفقنا و إياكـ أخوي

آآآآمين يارب مع انه اختي ترى اصح ماني ولد << تتمنى تكون ولد وتدبر حالها وتدرس

الله يجزاك الجنــه تسلمين على الدعاء..

شروط البرنامج تعجيزيه ومعقده وغير منصفه إطلاقآ ..

بالنسبه للفلوس والله كلنا بالهوا سوا .. يعني لاتحسبين الي يطلع على حسابه معه نصهم ديون أو حدى أهله متكفل فيه لفتره أو كان يشتغل ودبر مبلغ يعني الناس تختلف أوضاعهم..
بس مدري عن وضعك وهل تقدرين تدبرين مبلغ بسيط يكفيك لمدة 4 شهور على اقل تقدير لين ماتلتحقين بالبعثه أو لأ ؟ إذا لأ الله يسهل عليك وتلقين وظيفه وتعيشين حياتك .. طبعآ إذا تبين أمريكا لاتصيرين طماعه وتروحين ولايه غاليه .. روحي ارخص ولايه وأعتقد 20.000 راح تكفيك وزياده لفتره معينه وأنا ماني متأكد لكن لقيت جامعه قبولها سهل بس مشكلتها بمدينه منعزله عن العالم لكن رخيصه جدآ جدآ تقدرين تمشين فيها وضعك ..

بالتوفيق

شكرآ على كلامك ..

صراحة أنا عطيتك تقدير بسيط للمبلغ واعتقد أنه يكفيك لمده شهرين ويمكن ثلاثه ..

بالنسبه لتخصصك ممتاز وتقدرين تكملين فيه .. لكن لاحظي أنتي بتكلمين ماستر وأنا دبلوم ..

عمومآ الماستر يبيلك جيمات وبعض المصطلحات الي صراحة ً مادققت فيها لكن مطلوبه لطلبة الماستر لكن عندي أكثر من جامعه توفر قبول مشروط ومدينه رخيصه جدآ وفيها معهد رخيص بس بعيده عن واشنطن والمدن الثانيه ..

يعني ممكن تمشين فيها حلك فتره معينه لين تلتحقين بالبعثه وعلى قد فلوسك ومعترف فيها ..

أنتي بالبدايه أدرسي الموضوع من جميع النواحي وأهم ناحيه الناحيه الماليه لأنها راح تبدل مسار الموضوع .. إذا توفرت الماده راح ينفتح لك المجال وراح تتوسع الخيارات لك ..

فكري واستخيري وإذا حسيتي أنك تبين تطلعين مستعد أعطيك كذا جامعه رخيصه تمشين فيها وضعك