فلا واسطه أعلى من سلطان المولى عز وجل.. ودائماً كان أهلنا يقولون..
ما كتبه الله عليكم حاصل لامحالة..
ولكن اتخذوا اليه الوسيله للتغيير الأقدار..
أي ادعوا الله وتمسكوا بحبله المتين وحصنيه المتين - الدعاء-..
اليكي غاليتي ابعث شكري..
المشاركة الأصلية كتبت بواسطة mazoon
الله ياخذ بيدنا لكل خير
ولكل مجتهد نصيب
ربي اغفر لي وتوب عليا إنك أنت التواب الغفور
اللهم إنك عفوا كريم تحب العفو فعفو عنا
يعطيكم العافية يا طلبة الدبلوم
أخوكم
mazoon
تسلم اخوي مزون على هذا التشجيع الرائع..
والذي لا يخرج الا من انسانٍ صادقٍ محب للخير للجميع..
أخي الكريم..
صدقاً..
عندما اقرأ كلماتك الرائعة تغمرني راحة نفسية عارمة..
وتدفعني للمضي قدماً..
حتى وان أتت علي لحظات ضعف أو يأس أو تراجع..
فإنه بمجرد العودة إلى كلماتك،،
سبحان الله وكأنك تشحذ طاقاتنا للعمل من جديد..
كل الشكر والتقدير اقدمه لك أخي الكريم..
المشاركة الأصلية كتبت بواسطة أبوابراهيم
اولاً اسفين على الغياب والسبب عرس اخوي الفال لكم ان شاء الله << يقصد البعثة مو الزواج
معذور ياخوك..
وتقبل من اسرة مبتعث..
والفال لك ان شاء الله >> أقصد البعثة والزواج
المشاركة الأصلية كتبت بواسطة أبوابراهيم
ثانياً ما شاء الله تقريباً فكرة انشاء موقع للمطالبة بحقوقنا كطلبة دبلوم اصبحت قريبة جداً
احنا شغالين بالسالفة دون توقف >> أخذت هالعبارة من اخوي ram
وان شاء الله يكون الموقع جاهز بأسرع وقت ممكن..
المشاركة الأصلية كتبت بواسطة أبوابراهيم
بالنسبه للأسم لدي ملاحظة لو سمحتوا .. الأسماء جميلة لكن يجب ان يكون اسم شامل لسبب وهو ان الفكرة ستكون ممتده لما بعد هذه المشكلة
يعني اذا سمينا الموقع طلبة الدبلوم المظلومين
وبعد فترة انحلت مشكلتنا ان شاء الله
وشهو مصير الموقع وقتها نسكره ولا شلون
المفروض يحمل اسم طلبة الدبلوم او ما شابه على شان يكون لنا ولمن بعدنا
تسلم اخوي ع الإقراح..
المشاركة الأصلية كتبت بواسطة أبوابراهيم
ولي رأي بالنسبه لإدارة الموقع هذا على شان ما تصير خلافات وعلى شان يبقى لنا وولي بعدنا
الأفضل ان يكون الموقع بإدارة احد مشرفي موقع مبتعث لثلاثة اسباب
السبب الأول ان موقع مبتعث تبرع بمساحه على السيرفر الخاص به
السبب الثاني والأهم اننا بعد ان تحل المشكلة لن نكون متفرغين لإدارة الموقع
السبب الثالث الخبرة التي توجد لديهم ويفتقر إليها الكثير منا
يؤخذ هذا الإقتراح بعين الإعتبار..
أنا معك أخي الكريم في هذا الإقتراح..
فأين سنجد خبرة توازي خبرة اداريي مبتعث!!
وبالفعل أغلبنا تنقصه الخبرة، والبعض الآخر الذي تتوفر لديه الخبرة فإن وقته لا يسمح له بذلك..
المشاركة الأصلية كتبت بواسطة أبوابراهيم
وانا اعرف صحفي صغير على قده بحاول اخليه ينشر شي عننا يمكن يقدر يغير ولو شي بسيط
أخي الكريم..
أضفني على مسنجرك لنتمكن من تنسيق هذا الموضوع معاً
sv-14
@
hotmail.com
المشاركة الأصلية كتبت بواسطة أبوابراهيم
انا بحاول اشوف التلفزيون براسلهم يمكن يصير شي
الأخت سيلين انا كلمت صديقي الصحفي وهو بيحاول ويرد علي اليوم
اذا كان عندكم نص معين يا ليت تعطوني اياه على شان اناقشه معاكم قبل ما اعرضه عليه ونشوف اذا كان يبي يعدل عليه شي
في الأنتظار..!!
تسلم اخوك على المساعدة..
كما ذكرت لك سابقاً..
تواصل معي على المسنجر لنتمكن من ترتيب الأمور..
اتفقنا؟!!
المشاركة الأصلية كتبت بواسطة دبلوم وادعي الله
على العموم اخوي عواد يقول يبغى احد من الرياض انا من الرياض بس المشكله ان عندي داوم
فترتين يعني صباح ومساء وزيادة على كذا توني ما أخذت شهادة الدبلوم بس هذا اخر فصل طبعا
بس عادي الي اقدر عليه بسويه يعني دخول على الوزير انا معك ياعواد بس تحدد اليوم وتلقاني
قبلك عندهم
الله يوفقنا
تسلم اخوي على التفاعل العملي مع الموضوع..
الله يعطيك ألف عافيه..
يالله ان شاء الله نسمع منكم الأخبار اللي تطمنا..
والله يوفق الجميع ان شاء الله..
المشاركة الأصلية كتبت بواسطة محمد عبدالله1122
حسب اليسمعته انكم بتسون موقع لطلبة الدبلوم عندي اقتراح عن اسم والراي لكم اول واخر اتمنى ان تسمونه مناشدة ملك الانسانية عشان يلفت الانظار والكل وان شاءالله نحصل مبتغانه من وراه وشكرا.
اقتراحك دليل اهتمامك..
تشكر على طرح الراي..
المشاركة الأصلية كتبت بواسطة عبادي2007
على فكره ياجماعة الموقع بدوا فيه اصحاب المجموعة
ياليت نركز على المجموعات الثانية ... ترى مافيه حركة ابد واحنا محتاجين نعبي الموقع بالاعمال المنجزة من قبلنا لنيل البعثة ...
ساعدونا يا جماعة
تسلم اخوي عبادي على طلب المساعدة..
كنت بصدد فعل ذلك..
ولكن..
انت ما قصرت وقمت بالواجب..
المشاركة الأصلية كتبت بواسطة awad
السلام عليكم ورحمه الله وبركاته
أخواني / أخواتي طلبة الدبلوم ........ الكرام
تحيه طيبة معطره بأجمل الورود ....
اولاً
ديوان المظالم
في بدايه عند تقسيمي للمجموعات طلبنا المكلفين بها
جميع طلبة الدبلوم بدون استثناء
وإلى الان ما نرى أي تفاعل مح الديوان
اللي نطلبه نحصل على رقمهم من 902 ونشرح لهم المشكله
ونأخذ رقم فاكسهم ونرسل لهم مشكلتنا جميعاً كل شخص
يرسل من اجل يعرفوا انه هناك طلبة مظلومين بحقهم بالتعليم
وليس شخص او شخصين بل عدد كبير ..
الرجاء ما نتجاهل هذي النقطه المهمة
وعليكم السلام ورحمة الله وبركاته..
أخي الغزيز عواد (سفير طلبة الدبلوم)..
ونحن في الخدمة..
ولا يهك اخوي من بكرة نبدأ نسوي لهم قلق في الديوان..
المشاركة الأصلية كتبت بواسطة awad
ثانياً
الوزير
حقوق الانسان
نحتاج لشباب الرياض اكبر عدد يساعدنا في المجموعة لا يعقل لا يوجد بالرياض
الا انـا وكريم مع العلم بانه كريم من خارج الرياض ولكن تبرع ان يحضر ويشارك
واشكره على ذلك
اتمنى ان يشاركنا احد ويساعدنا
وأنا أضم صوتي لصوت أخي عواد..
فمن غير المنطقي أن لا يتواجد في هذا التجمع غيره من أهلي الرياض..
ومن غير الطبيعي أن يتحمل هو وكريم أعباء العمل الميداني..
(زيارة الوزارة، مقابلة الوزير، جمعية حقوق الإنسان)..
هل تعتقدون أحبتي أن هذه العملية سهلة..!!
وما أدرانا نحن كم عانا هاذان الإثنان في سبيل تحقيق غاية الجميع..؟!!
فأقل ما نقدمه لهم لو كنا من أهالي الرياض أن نساندهم في زيارتهم الميدانيه..
والله والله لو كنت شاباً أسكن بالرياض لما تقاعست لحظة واحدة..!!
لكن للأسف،،
أولاً: بنت ما ينفع تطلع مع الشباب للوزارة..
ثانياً: من أهالي الشرقية.. يعني صعبه كل يومين طالعة الرياض..!!
المشاركة الأصلية كتبت بواسطة awad
ولا ننسى انه امرنا كلنا مرتبط مع بعض
وكل مجموعة لا تقدر ان تنجز الا اكمال كل مهمه المجموعات
واللي حاب يتواصل معي على الجوال ورقمي موجود عند اكثر الشباب
يقدر يتصل علي وانسقه معه ، لان للاسف الانترنت استخدمه الا في اخر الليل
ولا يوجد لدينا المجال انه نتواجهه
واشكركم على تفاعلكم واشكر كل من ساهم معنا
ونبي همتنا اكثر ونعمل بكل تأني وحكمه
صدقت اخوي.. المشاركة الأصلية كتبت بواسطة awad
وادعوا الله سبحانه ان يوفقنا ، ويحقق طموحنا جميعاً
ونكون سفراء لوطنا الغالي
المشاركة الأصلية كتبت بواسطة دبلوم وادعي الله
السلام عليكم ورحمة اللله وبركاته
اخوي عواد انا من الرياض بس قلت عندي داوم ضغط لكن على دخول الوزير انا ماعندي مانع بس حدد اليوم و نروح
تشكر أخي الكريم على هذا الجهد الواضح.. ولكني لاحظت أن عملية التواصل بينكم انتم الشباب صعبة قليلاً.. لذلك.. أضفني على مسنجرك وأنا انسق بينكم اذا لم يكن هذا يضايقك..!! sv-14 @ hotmail.com المشاركة الأصلية كتبت بواسطة kareem1113
على فكرة اتصلت على 905 واعطوني الرقم هذا (ديوان المظالم )
014613637
تم تخزين الرقم في الجوال.. ويبدأ العمل عليه ابتداءً من الغد.. تسلم كريم على هذا العطاء.. المشاركة الأصلية كتبت بواسطة kareem1113
قرر محمد اننا غدا الثلاثاء راح نروح لجمعية حقوق الانسان (ان شاء الله)
والوزير في يوم آخر كخطوة ثانيه لمجموعتنا
الله يوفقكم يا رب.. ولو طلبوا منكم أي شي ترانا حاضرين وفي الخدمة.. المشاركة الأصلية كتبت بواسطة اموووول
نداء للجميع
اللي يعرف مقالات كتبت عنا(عن مشكلة الدبلوم مع وزارة التعليم العالي) رجاء يعطيني الرابط تبعها
لاني والله جلست ادور ساعتييييييييييين في النت دون جدوى كأني ادور إبرة في كومة قش كبييييييييييرة
ارجوكم باسرع وقت ممكن
لان هذا موضوع مطلوب مني اسويه وارجوا منكم االمساعدة
معلش يالغالية اسمحي لي فيها هالمرة.. لأني جلست أدور لك أمس طول الليل وما لقيت شي..!! تقولون ماكأنوا شي انكتب عنا..!! جد شباب اللي عنده أي خلفية عن هالموضوع لا يبخل علينا ولو بابداء الرأي.. طيب عطونا ع الأقل اسم الجريدة والكاتب واتركوا الباقي علينا.. المشاركة الأصلية كتبت بواسطة عبادي2007
تقصدي الجرايد؟؟؟
في ايميلك انا مرسل لكم ايامها وكمان بالتجمع
اكتبي بالبحث في المنتدى (جريدة دبلوم)
تسلم اخوك ع المساعدة.. بس لو ترسل لي منها نسخة على ايميلي عشان اقدر أكمل شغلي.. لأن أنا بعد بحتاج هاذي اللنكات بشدة لإتمام العمل.. المشاركة الأصلية كتبت بواسطة الراحله
انا عن نفسي سلمت شغلي لسيلين واي شي حنا حاظرين له<<<< مسيطرة على الوضع
للــــــــــــــــكل بدون أستثناء يعطيكم الف الف عافيه والى الأمام سر
دائماً أول وحدة تسلم شغلها.. ياحبي لهالبنت والله.. تسلمي حبيبتي على المساعدات اللي قدمتيها لنا.. وإلى الأماااااااام.. المشاركة الأصلية كتبت بواسطة ايلاي
هلا شباب
كيفكم
أنا آسف على الغياب لظروفي الخاصة وارجوا ان تعذروني على هذا الغياب وانشاء الله نوصل لهدفنا
أهلين أخوك.. ارحب ارحب.. حياك الله من جديد.. والله يسمع منك يا رب ونوصل لهدفنا بسرعة قول يا رب.. عين الشمس.. غاليتي أشكرك على انجازك للمهام الموكلة اليكي.. كريم.. تسلم على هذه الروح العالية.. وحب المساعدة للآخرين.. و التعقيبات الرائعة على الردود.. اي صح في نقطة نسيت أقولها.. نداء عااااااااااجل للجميع.. على كل من أرسل برقية لخادم الحرمين الشريفين تزويدي بكل معلوماتها (رقمها وتاريخها، ثم رقم قيدها وتاريخه، ثم رحلة هذه البرقية المرسلة من أول ارسالها لحد اليوم، والشي المهم فعلاً هو نص هذه البرقة).. والشيء ذاته ينطبق على جميع الخطابات واللقاءات.. بمعنى.. أن أي شخص قام بكتابة خطاب وسلمه للوزير، أو للموسى فعليه ابلاغنا بخط سير الرحلة من البداية الى اليوم ومالذي حصل لها.. واللقاءات.. هذه المهمه على عواد، كريم، بن ناجي، وكل من زار معهم الوزارة أو مكان رسمي أو شخص مهم.. عليكم بتزويدنا بالمعلومات كاملة.. وذلك ليتم إضافة هذه البيانات في الموقع الإلكتروني.. وليكون لقضيتنا مصداقيتها لدى المتصفح.. سواء كان هذا المتصفح.. إنسان عادي، تاجر كبير، أحد المسؤولين في الوزارة، أو أحد الوزراء أو الأمراء......الخ.. لكم مني جميعاً كل الود.. أختكم.. سلين (السفيرة).. نسألكم الدعاء..
تقبلوا..
LinkBack URL
About LinkBacks
<<<< مسيطرة على الوضع
اعذوني على انشغالي لكن بإذن الله راح اسلم المطلوب مني قريب ان شاء الله
وينكم يا أهل الرياض ؟؟؟؟؟؟ وين الطلبة اللي كانوا في فترة جمع المعلومات لو تبغوها من تعب الغير مع أحترامي .
الله يعطيكم الصحة والعافية أخ عواد وكريم وما قصرتوا وبيض الله وجهكم
تحياتي