السلام عليكم ورحمه الله وبركاته أخواني / أخواتي
طلبة الدبلوم ........ الكرام
كل عام وانتم بخير
وعيدكم مبارك ( صح متأخرة )
كيف الحال الجميع عساكم بخير ومرتاحين إن شاء الله ؟
انشهد انكم وحشتوني ووحشني العمل معاكم
اتمنى المعذرة من الجميع عن المقاطعه اللي حصلت ولكن ما قطعت الا بضروف حكمتني ووقت كان ضيق جداً
صحيح اقدر اني اشارك ولكن ان شاركت بشارك بدوون أي روح معنويه لانه حصلت لي مواقف اجبرتني على التوقف ...
واسف واكرر اسفي لجميع طالب دبلوم لاخر مشاركة لي وعدتكم بالجديد واخبار حلوه وتجارب مريت فيها
واني اذكرها لكم خلال كم يوم وانقطعت فترة طويله ممكن فقدتوا الامل اني اكتب او اني ( اهايط ) لكن والله الظروف والوقت اللي مريت فيه هو اللي جبرني واللي زاد الشعر بيت اني سافرت للكويت الحبيبة فديتها من ديرة ( ديرة أهلي وناسي واغلا الحبايب ومكان ميلادي وطفولتي )
والان جاء الوقت اللي بقولكم عن كل شي حصل لي وانا ما غبت الا من اجلي نفسي اولاً ثم من اجل كل طالب دبلوم وبقولكم عن التجربة الشخصيه
اللي حاب يستفيد يكمل القراءة والي يشوف نفسه ماله خلق لا يتعب نفسه الكلام طويل جداً ولكن ان شاءا لله تطلعون بنتيجة حلوه
البداية
كانت من اول يوم بدء فيه التسجيل للمرحلة الثالثة وكنا عايشن على امل كبير انه لنا مجال التسجيل طلبة الدبلوم ، وانصدمنا انه مالنا مكان بالمرحلة الثالثة بدا التسجيل الفجر على ما ظن من يوم شفت ملنا مجال على طول رحت الوزارة الصباح قبل لا يحصل أي تجمع لطلاب الدبلوم او أي موضوع يذكر عن المشكلة
ورحت للوزارة استفسر عن اللي حصل والصدمه لنا ( طبعاً انتم عارفين المشكلة وين مايحتاج اقولكم وش سالت ولا شقلت لهم وش عانيت ) طلعت من الوزارة بدون أي نتيجة قلت بيني وبين نفسي ليه ما اروح للوزير يعني شنو بيصير مو قاص راسي وانا محد قالي عن الوزير بس كذا خمت فيني المهم رحت للمبنى اللي فيه الوزير بشارع التخصصي ( المبنى القديم ) يوم جيت قلت لهم بقابل الوزير عندي مشكلة قالوا لي بسرعة ترى الوزير هذا اخر يوم له بالرياض بينتقل لجدة والحين بيمشي ويسافر لحق بسرعة وانا جايهم ما عندي أي ورقة ولا أي شي قالي اكتب خطاب أي شي لا يمشي الوزير مو قدامك الا واحد لحق على عمرك عطوني ورقة وقلم رحت كتبت خطاب كذا اكتب بسرعة بدون أي مراجعة بشكل سريع جداً ودخلت عنده وكنت اخر واحد وقلت لها المشكلة ( اني ما قدر اكمل دراستي الا ابتعث ومن الكلام هذا ) قالي ولا يهمك بتتيسر امورك إن شاء الله وكل شي بينحل وبتسافر كتب على معروضي ما اشوف شي الا السكرتير ياخذ الخطاب ووداه عند الاتصالات الادارية خاصة بالوزير وحاولت اعرف شنو كاتب السكرتير قالي ممنوع عطوني وصل للمعاملة وموجهه إلى ادارة البعثات شمال الرياض حي القدير ..
الان الخطوة الثانية اللي انتقلت لها
إدارة البعثات ....
رحت لهم ثاني يوم مباشرة قالوا لي للحين انتظر ما جاء خطابك انتظر بعد يومين
جيتهم بعد يومين نفس الكلام انتظر للاسبوع الجاي
واتنتظرت للاسبوع اللي بعده هم نفس الكلام انتظر يوم يومين بعد
ويوم صار اخر الاسبوع قالوا مالك الا بعد اسبوع تعال
( حسيت قاموا يشوتون فيني تشويت اقشر )
يوم جاء اللاسبوع اللي بعدة قالوا لي معاملتك عند وليد الجبر ووليد الجبر حالياً اجازة بعد كم يوم يجي
انتظرت ليوم جاء وليد الجبر الا قالي معاملتك مو عندي ولا شفتها ولا رقمها عندي رجعت لهم قالوا اجل معاملتك ضايعة مالك الا تروح للوزارة القديمه عند مبنى الوزير ترسل لنا فاكس بصورة من المعاملة
رحت لهم هناك وارسلوا لي الفاكس بعد عناء طويل لادارة البثعات وصل الفاكس بسلام وتحول إلى وليد الجبر
ووليد الجبر حفظ المعاملة بالارشيف !!!!!!!!!!!!!!!!!
صارت لي صدمة !!!!!!!!!!
قلت بشوف شنو كاتب عليها الوزير ؟؟؟؟
كتب عليها يرجى الاهتمام به وتحقيق رغبتة
جيت لهم قلت لهم يا ناس مايصير معنى كلام الوزير يعني موافقه لا مانع ولا كاتب فوق لامانع الاهتمام به
قالوا ماتشي حنا عارفين شغلنا ماتمشي يعني ما تمشي امورك يا ناس يا عالم شلون الكلام قالوا مافيه حنا عارفين شغلنا ونعرف شنو نشتغل عليه بالنظام !!!!!!!!!!!!!!!!!!
تحطمت وتبهدلت ونفسيتي تعبت جداً
( كان يوم مأساوي ولكن قلت الله كريم عسى خيره )
المرحلة اللي بعدها
بعد الصدمة النفسية
كنت ابحث عند كل شخص اعرفه عن واسطه شي ما شيات لا على وعسى يكون سبب من الله سبحانه وتعالى يساعدني بامر من ربنا انه يسخر لي انسان يساعدني بالمشكلة وفعلاً حصلت ناس الله يجزاهم خير يساعدوني ولكن محاولاتهم تفشل ولكن مشكورين على جهدهم معاي
بالاخير
حصلت لي واحد من الشباب من ربعي ماتوقعته قلت له مشكلتي كذا كنت اتكلم
الا قالي تبي تبتعث قلت ايه ليه لا ؟؟؟
قالي خلاص انا اعرف واحد والواحد هذا يعرف واحد يمون عليه بالوزارة ورجال واصل
يعني انا اعرف واحد وواحد يعرف واحد بالوزارة
( مشوار )
قلت اجرب رحنا انا وياه عند الرجال اللي يعرفه فعلاً ما قصر كلم خويه وكان يمونون على بعض بشكل كبير
قالي خلاص خلي العنـــــزي يجيب لي قبول من جامعة معترف بها بأسرع وقت ممكن من كندا او استراليا الدولتين هذولي اللي اقدر عليها ويعتبر نفسه خلاص بيسافر !!!!!
طرت من الفرحة
وجبت قبول ممكن اسرع قبول بالعالم خلال كم يوم ما تعدت الاسبوع من كندا حتى الجامعة مادري وش هي زينه شينه مادري بس قلت اهم شي خلني امسك الرجال وهو يبي بسرعه اجيب له بعدين عاد لا طلع لي الضمان المالي ابدل اغير على كيفي ..
جاء القبول وكلمت الرجال الواسطه بالوزاره
الا
صدمة تحصل لي من جديد
تعذر قالي اسمح لي انا ما اقدر ووضعي صعب وانت بعد تأخرت علي قلت هذا القبول جبته اسرع وقت ونفس ماتبي وانت عارف اقل قبول مايجيك بعد شهر قالي على العموم انا ما اقدر وسكرها بوجهي وطابت نفسي منه
قلت بيني وبين نفسي الرزق على الله
وعساها خيرة
مسكت القبول ورميتة بالغرفه وبغيت اشقه واقطعه بعد ما خسرت عليه فلوس بس مادري شلون رميته حتى بالارض بالزاوية مافكرت حتى اعدله واشيله من كثر ما هو مقطوط صار عليه غبااااااااااااااار !!!
الخطوة اللي بعدها حصلت لي من تجربة جديدة
وعرفت بعدها انه الوزير جاء لرياض
وانا كنت متحطم كلياً قلت خلاص بروح للوزير مره ثانية دخلت علية وانا مو براسي الا اطلع بنتيجة وابي اطلع كل اللي بقلبي
دخلت عليه قلت له
هذي ثاني مرة اجي لك وهذا وصل المعاملة الاولى وانت وعدتني وقلت لي بتتيسر امورك إن شاء الله ورحت خسرت فلوس على شان القاء جامعة تقبلني وحطيت فلوس ثانية على القبول وخسرت بعد على الفيزا وانا حالياً على وشك استلم الفيزا على اساس اني دخلت عليك قبل وقلت بتتيسير امورك وقلت بجهز كل شي وانت ماقصرت معاي وجهت المعاملة إلى ادارة البعثات ولكن للاسف انت موافق عليها وهم رفضوها وقالوا لي الوزير اذا ما كتب عليها لامانع ( استثناء ) ماتمشي امورك وانا ابي استثناء وانا من حقي اتعلم وانا طالب دبلوم ولا لي مجال اكمل الا حال واحد هو الابتعاث وسكرتوا البعثات بطريقنا !! وانا هدفي اني اتعلم سوا هنا ولا بالخارج ولا حصلت هنا أي جامعة تقبل فيني ماخليت جامعة ماسفرت لها وقدمت اوراقي ولكن الاسف ارفضني قالوا لي مالك مجال وانا ابي اتعلم لو مابي اتعلم وعارف نفسي عندي طموح مو اكثر من سنة انا اراجع واحاول كان طنشتها ومشيت
الا اشوفه كتب على معاملتي كلام كثير جداً وارتحت بس احاول اشوف واقراء ما قدرت
وتوجهت إلى إدارة البعثات حي القدير شمال الرياض
ووصلت المعاملة بسرعة بدون ضياع بعد صدورها بيومين
ومن كثر ما اراجعهم تعرفت على كم موظف ولكن معرفة لا باس فيها وعلموني وش كاتب عليها الوزير
الصراحة كتب كلام جداً جميل جزاء الله الف خير
كتب لي مساعدتة وتسهيل اجراءات ابتعاثة وابتعاد جميع المصاعب التي تواجة في انضمامة للبعثة والاهتمام بذلك نظراً لضروفة الدراسية
الا انصدمت صدمة جديدة
قالوا لي لو الوزير يكتب زي الكلام هذا يعبي الصفحة ماتمشي معاملتك
ياناس مايصير ياعالم مافيه امل لك نفس الكلام بالعاملة السابقة بالظبط
وحفظت بالارشيييييييييييييييييييييييييييييييييييييييييييي يف !!!!!
خلاص هنا انا توقفت عصبت طقت اعصابي ضاقتي بي الوسيعة الوزير ثاني مرة يكتب لي انضم للبعثه وهم يرفضون
رحت عند الموظف اللي عنده المعاملة وحافظها قلت حبيبي طلعها ورفض بالغصب بالطيب بالخاطر اخذتها وهو رافض ويمشي معاي ولا فيه مكتب مسؤل مادخلت عنده اللي يقولي مافيه ولالي يقولي مو تخصصي واللي مادري شنو !!!
بالاخير دخلتها على الموسى
وكتب لي لامانع عند بدء الدارسة !!!!!!
شلون عند بدء الدارسة قالوا لي يعني انت تروح الحين على حسابك تقص التذاكر وتفيز واول ما توصل هناك ترفع اوراقك للملحقية ويرفعونها لن ونظمك على طول والحين حنا نبي نكتب خطاب إلى الملحقية نوضح لهم الشي هذا اول ما توصل تنظم للبعثة !!!
عطاني رقم المعاملة الموجهه للمحلقية بكندا .
بعدها بكم يوم اتصلت على الملحقية طبعاً قلت بتأكد بنفسي عن صحه الكلام
الا قالوا لي انت اول ما توصل ارفع اوراقك ونضمك على طول للبعثة وممكن نعوضك على اللي تدفعة من تذكرة وفيزة وحق اول كم شهر من المعهد وانت معفي من الشروط اللي هي ثلاثين ساعة اكادمية واللغة بس اول ما توصل ارفع اوراقك وانتظر لك ثلاث اشهر بالكثير وتنظم
قلت لهم اكيد قالوا اكيد ما عليك وهذي معاملتك والرقم موجود عندك
بالاخير حسيت اني طلعت بنتيجة إيجابية
والان انا قاعد ارتب اموري لسفر وراح ابداء مغامرة جديدة بعالم مجهول
عسى ربي يوفقني ويوفقكم معاي بكل خطوه بدنياكم
اللي ابيه منكم انه محد يأيس بشي خصوصاً اليومين هذولي والله ترى متساهلين الوزارة مع الطلاب جداً بس يبيلهم واحد صبور يعني ( نشبه ) مو اول مايجي للوزارة أي واحد يقوله مافيه يرجع ويركب سيارتة ويعصب يمشي لا يسعى وعسى تنجح معه
انا ذكرت لكم بالتفصيل ممكن تقولون ليه تفصل لنا بالظبط على شان ممكن لا احد طاح بالمشكلة نفسها يتذكر كلامي ويعرف وش سويت
يعني المظمون
تحاولون تسعون نفس ما انا سعيت وانا ما خبيت عليكم الا انه كنت بشوف الطريقة تنجح معاي اول لا لانه الصراحة مكلفه جداً جداً بتخسر قبولات وفيزا ودنيا وتتعب وراح تقفل اخلاقك بس لازم تتحمل على شان كذا قلت مابي ادخلكم في متاهه الا اشوف الطريقة تنجح معاي واخبركم وهذا انا الحين علمتكم
يعني يا حلوين
لازم تتعبون وصدقوني مافيه شي الا بحلاوته وتعبه بتحس بقيمتة
وصدقوني تأكدوا مية بالمية مو تروحون للوزير مره وحدة وبعدها لو وصلت معاملتكم لادارة البعثات وحفظوها تتحطمون وتنسون لازم تتحركون وراها وتطلعونها وتأكدوا %10000 انه اول محاولة بتفشل معاكم نفس ما حصل لي ولكن يوم ترجع للوزير مرة ثانية وثالثة ورابعه وتقوله كل ماتجي له انه فشلت الاولى وانت وعدتني ولا قصرت معاي وهناك كنسلوها صدقوني بياقف معاكم اكثر ولا تتوقعون انه المسئلة سهله لازم الصبر ثم الصبر ثم الصبر
.................................................. .................................................. .......
ممكن بعد ما تنتهون من القراءة بتقولون هذا تفلسف علينا
ولا عنده سالفه
يكفي اني حاولت وحاولت رغم كل العثرات والصدمات وكسبت شرف المحاولة وابي من الكل مايتكاسل ولا يبخل بشي ولازم نكون يد وحدة ، وانا مو معنى كلامي هذا كله ننسى موضوعنا نبي نرجع نفس اول ولازم نوصل لحل للجميع وانا مهما كنت ومهما بعدت ولو سافرت ببقى معاكم بأذن الله ممكن اغيب فترات ولكن ببقى
وعسى الله يبعد عنكم الصدمات ان شاء الله وويسير اموركم
لاتنسون لازم نبقى ونكافح حتى نوصل للمراد ....
شفتوا بعد كل هذا التعب كله وش تتوقعون !!!
اني راح اسويه
احتمال كبير نسبة 80 % اني اكنسل شي اسمه بعثة
لانه حصلت لي شويه خربطة وثانياً حصلت لي أغراءات كبيرة اني ابقى في وطني الغالي
وفعلاً ممكن نكره الشي ويكون خيره لنا وفيه خير يجينا ما ندري عنه ويفتح لنا الله سبحانة وتعالى لنا الابواب الرزق من حيث لا نعلم
سبحانة
الأن
اتمنى من الجميع ان
يسامحني
أذا
أخطيت
أو
نسيت
أو حتى بكلمة لو زليــــــــــــت
مختلط في عبرتي حبر الشقا ودم الجروح
ومستوي في نظرتي غرب الوجود ومطلعه
عودي المبري بقابه من بقايا الوقت روح
وفصل خامس حايرن بين الفصول الاربعه
راس مالي ذكريات وحلم وآمـال وطموح
لا صديـق ولا رفيـق ولا طريقـن اتبعه
سامحيني دام عذري واضحن كل الوضوح
واسمحيـلي بالرحيـل بلا تذاكر وامتعـه
تحيــــــــــــــاتي لكم
محمد السالمي
(awad عواد
LinkBack URL
About LinkBacks
..
وحــــــــــــيـــــــــــــا الــــــــــــلــــــــــــــــه أخـــتـــــنــــا عـــــــــــــيـــــــــن الــــــــــشــــــمــــــــس
الله يجبر بــــخــــــاطـــــــــرك يا رب
يا الــــلــــه حـــــــيـــــــه أخـــــــــــــــوي كـــــــــــــــــريــــــــــــــــم هلا وغلا والله بالناس الذوووووووق والله
أشرقت وأنــــــورت أخوي ابــــــــــــن نــــــــــاجي الله يتقبل منك ومن جميع المسلمين يارب
أقول لجميع أخواني وأخواتي إلي ما ذكرتهم الله لا يحرمني منكم
ولـــــــــــــــــلإمــــــــــــــــــــــــــــ ــــــــــــــــــــــــــــــــــــــــــــــــــ ـــــــــام
أخــــــــــــــــــوكـــــــــــــــم
M a z o o n