LinkBack URL
About LinkBacks ان شاء الله يارب
7 " 
إلى جميع مبتعثي المستقبل مبتعثي الدبلوم هنا تجمعنا
إلى جميع مبتعثي المستقبل مبتعثي الدبلوم هنا تجمعنا
تنبيه: هذا الموضوع قديم. تم طرحه قبل 6399 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- 7 "
أحبتي..
لحد الآن لم يتأكد الخبر ومازال مجرد اشاعات..!!
لذا..
صار لزاماً علينا التحرك بخطة عمل جديدة..
شريطة أن يشارك بها الجميع..
الشباب والشابات.. >> الكل بدون استثناء..
واليكم الخطة الجديدة..
>> اقترحها أحد الأعضاء الأفاضل على ما أذكر انه يوسف الرياض..
وهي تنقسم لقسمين، ومن الضروري مزامنة العمل في الإثنين مع بعض..
القسم الأول:
" الإعلام.."
القصد..
لازم الجرايد تتكلم عنا..
وهذا واجب عيني ع الكل انه يسويه..
لأن لو الوزارة كل ما فتحت جريدة لقتها تتكلم عن قضية طلبة الدبلوم..
راح تحط في بالها ان صح هم لهم حق وجالسين يطالبون فيه بكل قوة، فلازم نعطيهم هالحق.. هذا من جهة..
ومن جهة ثانية احنا بهالطريقة نحاكي الرأي العام باللي نسويه..
وما نبي أحد يقول أنا ما أعرف كاتب أو صحفي..
لا..
ناخذ أي صحيفة ونشوف وين ايميلهم ونرسل لهم قضيتنا وهم ان شاء الله يردون لنا خبر ويتفاهمون معنا ع الموضوع بعد كدا..
بس لازم احنا اللي نبدا في البداية..
وبطريقة ثانية نقدر ناخذ رقم الجريدة ونتصل عليهم ونتكلم مع أي صحفي ونتفاهم معه، نقنعه بقضيتنا وبحقنا في الإبتعاث وبهالطريقة بتنتشر القضية وبتعرف فيها الوزارة..
"نحاول نكتب في قسم عزيزي رئيس التحرير..!!"
القسم الثاني:
" نتوجه لمقرات الوزارة المختلفة المتوزعة في كل مناطق المملكة.."
نقابل المسؤولين..
نستفسر عن الموضوع..
نطالب بحقنا..
بنات، شباب،، الكل يروح محد يقول ما أقدر أو عندي التزام..
نقدر نستأذن ساعة ونطلع ع الوزارة ونستفسر منهم ونقنعهم بحقنا في الإبتعاث وبعد كدا نرجع لدواماتنا من جديد..
أنا ما أقول لكم كل يوم الكل نروح..
لا..
اليوم مثلاً يطلع للوزارة 5 وبكرة غيرهم..
بعد اسبوع نرجع نسأل وش صار ع الموضوع..
وبهالطريقة..
الوزارة بتحطنا في راسها..
وبتقول هالناس لهم حق أغفلناه..
أو نسيناه المرحلة اللي طافت..
الحين لازم نعطيهم حقهم ونرده لهم..
أما بالنسبة لمسأله جمعية حقوق الإنسان وديوان المظالم..
فأحس ان بتسبب لنا مشاكل مع الوزارة..
وبنصير مثل اللي جالس يتحدى..
لو طبقنا الطريقتين اللي فوق وتزامنت مع بعضها..
صدقوني راح تسوي لنا ضجة كبيرة..
وبترد لنا حقنا بإذن الله..
الحين احنا على أواخير شهر 3 عربي..
والبعثات تفتح شهر 7..
يعني عندنا 4 شهور نتكلم فيها عن نفسنا وننشر قضيتنا بكل الطرق الممكنة..
نتكلم للصحف والجرايد..
البرامج التلفزيونية الخاصة بالعلم والمتعلمين..
ونطلع ع الوزارة ونكلمهم عن حقنا المهضوم..
بهالطريقة مثل ما ذكرت لكم قبل..
نعطي الوزارة خبر بعددنا الكبير اللي يطالب بالإبتعاث ومواصلة الداسة..
وفي نفس الوقت ما نكون ناس عاديين مروا ع الوزارة ظلمتهم وسكتوا عن حقهم..
لأن..
"الساكت عن الحق شيطان أخرس"
فالمطلوب من الكل..
اللي ما بيقدر يطلع ع الوزارة لبعدها عن مقر سكنه..
يتواصل مع الصحفيين..
ويحاول يقنعهم بقضيتنا..
لأن صدقوني..
انتوا بس تقولون لصحفي: "احنا ناس ظلمتنا الوزارة.."
هم بيسألوكم عن السالفة من أولها لآخرها..
وبيحاولوا ياخذوا منكم كل التفاصيل اللي تعرفوها..
احنا نبدأ من اليوم وربنا يوفقنا ان شاء الله..
و "ما ضاع حق وراءه مطالب"..
الفتى النحاسي..
تسلم ع المحاوله..
وان شاء الله بس يحددون الموعد عطنا خبر ونعطيك كامل المستندات اللي تتفاهم معهم فيها..
أبو تركي السبيعي..
ان شاء الله يكون الكلام اللي قاله الدكتور عبد الله الموسى صحيح..
وتسلم على رفع المعنويات..
رحال..
كلامك عين العقل..
عشان كده لازم نتحرك من الحين ونوصل أصواتنا للمسؤولين..
طموح المستقبل..
صح عليك..
لازم نستمر في المطالبة بحقنا لين يفتحوا لنا المجال..
والا راح تنسانا الوزارة حتى لو كانت حاطة في بالها ان لنا شي يمكن تلغيه لو ما استمرينا نطالب فيه..
زاك..
نابستر..
دبلوم وادعي الله..
Ta3bT..
اموووول..
هني..
dr-lolo..
تسلموا ع المتابعة..
استمروا وإلى الأمام..
..^_^..
نسألكم الدعاء..
أختكم..
سلين (السفيرة)..
- سلين هل لك أن تمدينا بخطاب منسق يحاكي قضيتنا لنبدأ جدياً؟؟7 "
- 7 "يعطيك الف عافية سلين وبصراحة أنتي تستاهلين كل خير
وأستمري للأمام وانشاء الله
الله بيوفقك ويوفقنا جميعا
أما بنسبة للي يبي خطاب علشان يقدمة للؤزارة انا من رائي كل واحد يكتب خطاب عن نفسة , ليش؟؟؟؟؟ لأن ماودنا نحسس أننا متفقين كل يوم أو بعد يوم يمر واحد على التعليم العالي ويكتب خطاب عن مشكلتة ويحاول فيهم وصدقووني يا شباب
كثر الدق يفك اللحام
أنتم خلووكم على أصراركم وأنشاء الله تسمعوون أخبار ساره قريباً - الله يوفقنا جميعا7 "
يــــــــــــــــــــــا رب - الله يوفقكم جميعا7 "
وانشاء الله كلكم تبتعثون - السلام عليكم7 "
خبر عاجل
انا اليوم الصباح رحت لاداره البعثات طبعآ انا رايح ابغى الدكتور الموسى
والحمدلله كان موجود
وكان معي ورقة خبر جريدة الحياه
سألته عن بعثات الدبلوم قبل مايشوف الورقه
قلت : انا من طلاب الدبلوم وابغى ابتعث
قال : دبلوم ما فيه مجال
طلعت الورقه قلت هذه تصريح من عندكم
تلعثم00 واخذها من يدي وقعد يقرها
وقال: اقرا الخبر ينظر فيها الحين بس مافيه شي اكيد يعني احنا مسوين اجتماعات عشان طلاب الدبلوم وبس المعدلات العاليه .................................................. .
والله مو قصدي احطمكم بس هذا الي صار مفروض يزيدنا اصرار يعني هم الحين بدو يحسون فينا
ولازم ننشب الين مانطلع - كيف يعني معدلات عالية .. قصده مو مثل اول 3 / 5 .. الله يستر كل ما للوضع يزيد تعقيد .7 "
وبارك الله فيك اخي الكريم على اصرارك وذهابك اليهم .. وشكرا - 7 "
جايبة لكم اليوم الأخبار الزينة..
الظاهر ان الصحافة بدت تهتم لموضوعنا..
قبل فترة نشرت صحيفة مغترب الإلكترونية مقال لبنت جزاها الله خير..
في هالرابط..
واليوم رجعت الصحيفة ونشرت مقال بس لبنت ثانية..
في المرة الأولى كان لبنت من كلية صحية..
هالمرة البنت ما ذكرت من أي كلية متخرجة..
بس المهم انها تكلمت عن القضية..
اترككم مع مقالها الحين ولي تعليق على كلام البنت بس أبيكم تدخلون ع الموضوع وتعلقون عليه عشان يسبب ضجة اعلامية كبيرة ويحقق الهدف منه..
معاناة طالبة دبلوم
ليس هدفي من البعثة هو اللعب واللهو إنما هو لإكمال نصف شهادتي الضائع - البكالوريوس-وذلك لإعلاء راية الدين والوطن خفاقة عاليه أمام كل من نافسنا في الرقي والتقدم..قال رسول الله:"طلب العلم فريضة على كل مسلم ومسلمة" لذلك لم يحثنا رسولنا الكريم علىالاكتفاء بدرجة من درجات العلم..!!
كنت أطمح في الالتحاق بالجامعات المحلية لكني لم أستطع وذلك بسبب صعوبة الالتحاق بها وذلك لقلة المقاعد المتوفرة مقارنة بعدد الخريجين كل عام، فصبرت واحتسبت ذلك عند الله والتحقت بإحدى الكليات المحلية وقلت في نفسي سأواصل دراستي بعد حصولي على القسم الأول من الشهادة الجامعية -الدبلوم- فاجتهدت وتفوقت في دراستي، لكن للأسف لم أجد ولا جامعة محلية أستطيع مواصلة دراستي فيها عدا الجامعات الخاصة التي يلزمني للالتحاق بها دفع مبالغ طائلة لأتمكن من مواصلة دراستي فيها، حينها تم فتح باب القبول لبرنامج خادم الحرمين الشريفين "حفظه الله" في نفس العام الذي تخرجت فيه، ولكن للأسف أني لم أعلم عنه إلا في آخر يوم للتقديم وجواز سفري لم ينته من التجديد فلم استطع التقديم على بعثات المرحلة الأولى، فصبرت واحتسب ذلك عند العلي القدير وقلت لنفسي هناك مرحلة أخرى يمكنني التقديم فيها، وبالفعل أتت بعثات المرحلة الثانية، قدمت فيها ولكن للأسف لم يتم قبولي وبحكم أني لا أعرف شيئاً عن الاعتراضات لم أقدم اعتراضاً مع العلم أنه يوجد الكثير ممن معدلاتهم أقل من معدلي تم قبولهم وسافروا في الخارج في هذه المرحلة، فصبرت واحتسبت ذلك عند الله، وحاولت أن انهي جميع أوراقي وأترجم شهاداتي لأكون مستعدة للمرحلة الثالثة، وبالفعل قمت بتجهيز كل شيء قبل افتتاح البرنامج الإبتعاثي الثالث. لكني صدمت كثيراً عند بدء البرنامج الثالث حيث لم يكن لحاملي شهادة الدبلوم مجال للتقديم فيه..!! حاولنا بكل الطرق الوصول لحل لهذه الأزمة، وكلما سألنا عن سبب إقصائنا من هذه المرحلة جاءنا الرد مدوياً :"الجامعات في الخارج لا تعادل لحملة الدبلوم..!!"، سألنا الطلبة والطالبات المقبولين في المرحلتين الأولى والثانية من هذا البرنامج وأخبرونا أن الجامعات عادلت لهم أغلب موادهم الدراسية..
هذه قصتي فاحكوا عليّ بأنفسكم.
تعليقي..
لو كلنا رسلنا لهالصحيفة ولغيرها من الصحف سواء كانت الكترونية أو غير الكترونية..
أول شي راح تنتشر قضيتنا والكل بيعرف عنها..
ثاني شي بنخاطب الرأي العام..
والشي الثالث والأهم ان الوزارة مابتتجاهلنا أو تعتبرنا فئة قليلة..
بل بالعكس بحطنا في بالها وان شاء الله تفتح لنا المجال..
دبلوم وادعي الله..
تشكر لأنك قابلت الموسى عشان الكل..
ولأنك أعطيتنا دافع للإستمرار..
لأن احنا الحين عرفنا ان الموسى يدري بوجودنا وان قاعدين نطالب بحقنا..
معناها مستحيل يتجاهلونا..
بشرط الإستمرااااااااااااااااار..
وهالمرة بكل إصرار وعزيمة..
عشان بإذن الله يتحقق أملنا..
لأن ما خاب من توكل على الله..
hamdanash..
بالنسبة لسؤالك..
بصراحة ما أقدر أجاوبك لين ينزل البرنامج الرابع ونفهم وش قصدهم بهالكلمة..!!
انت ادعي الله ان ينزل لنا شي وتكون الشروط مناسبة..
وربك كريم ياخوك..
هني..
راجعي الرابطين اللي فوق..
بتلاحظي ان كل بنت كتب باسلوبها وتكلمت عن نفسها..
مع ذلك دخلت موضوع طلبة الدبلوم بالسالفة..
يعني في الحالتين قالوا: ما نقدر نكمل دراستنا بسبب منع الإبتعاث لنا..!! >> وهذا تلميح صريح لقضية طلبة الدبلوم..
يوسف..
كلامك عين العقل..
لأن لو كل واحد فينا ارسل لهم وطالب بحقه وذكر قضيتنا الوزارة بتحس ان عدد المطالبين بالإبتعاث كبيييير..
هالشي يمكن يخلي الوزارة تحس على دمها وتفتح لنا المجال..
الحين يوسف بدا الطريق..
بعد كدا صحيفة مغترب الإلكترونية نشرت مقال على لسان طالبة دبلوم من الكلية الصحية تطالب فيه بحقها وحقنا في الإبتعاث..
بعد كدا طلع المقال اللي كتبته بنت ثانية في جريدة مغترب اليوم..
وفي نفس الوقت طلع دبلوم وادعي الله وقابل الموسى وشفتوا وش رد عليه..!!
فالمطلوب من الكل الحين..
نكمل المشوار اللي بديناه سوا..
لازم نواصل وبكل اصرار وعزيمة في المطالبة بحقنا..
نكمل الإتصال والكتابة في الجرايد والصحف سواء الكترونية أو غير الكترونية لين يوصل صوتنا للوزارة وترد لنا حقنا..
وفي نفس الوقت نرجع ونطالب الموسى بحقنا في الإبتعاث..
شفتوا وش سوا اخونا دبلوم وادعي الله..؟
ما راح للموسى فاضي..
لا..
طلع له وعنده نسخة من الخبر وحاجج الموسى فيه..
هالشي هو اللي لازم الكل يسويه..
عشان نقيم ع الوزارة الحجة من خلال كلامهم..
بس انتوا جدوا معنا وخلونا كلنا نصير يد وحده وعلى قلب واحد..
وصدقوني راح نوصل للي نبيه..
بشرط ما يبقى اللي نسويه كلام منتديات أو نت وبس..
ضروري التنفيذ على أرض الواقع..
دبلوم وادعي الله..
يوسف..
ايلاي..
hamdanash..
أمووول..
هني..
تسلموا ع المشاركة ورفع المعنويات..
استمروا وإلى الأمام..
..^_^..
نسألكم الدعاء..
أختكم..
سلين (السفيرة)..
- 7 "السلام عليكم ورحمة الله وبركاته
والله هذه اخبار حلوه وتبعث فينا الحماس
الى الامام
يارب كلنا نكمل تعليمنا يارب
هذا حقنا وحق كل طالب بهالوطن الغالي
ولازم نكمل الاصرار هذا حتى النهاية
وما لا زم نتوقف على هذا الحد
ونقول خلاص الوزاره حست فينا
الحين الوقت المناسب
للعمل وللإ صرار
ونحنا أوشكنا على النهاية
الله يوفقنا جميعا
يــــــــــــــــــــــارب
