إلى جميع مبتعثي المستقبل مبتعثي الدبلوم هنا تجمعنا

الله يكتب اللي فيه الخير ياااارب ويسمعون صوتنا ويفتحوون لنا الابتعاث

يارب يارب

وان شالله على اقبال شهر رمضان المبارك تكون فاتحة خير

وكل عام وانتم بخير

الله يبلغنا وياكم رمضان

وينك يااعوااد

والهل مااتتقصر

وينكم ننتظر على احر من الجمر

اي والله وينك يا عواد..
مالك حس ولا خبر؟؟

بسمه تعالى

بارك الله بكم على البادرة التي نتمنى ان تؤتي اكلها على وعسى ان وزارة التحطيم العالي تستيقظ وتنصف الكل..اضم صوتي معكم واقول كفاكم ظلماً وكفاكم تعسفاً افتحو الابواب لكل من يستحق الانضمام لطالما الشروط مطابقة ...وحسبي الله ونعم الوكيل ...


تحياتي,,,

السلام عليكم ورحمه الله وبركاته


اسف على التأخير ولكن انا نومي شوي تغير

على العموم رحت لهم وأبي اسالهم وللاسف كل ما افتر بالوزارة واناظر اشوف كل اللي أ[ي اسالهم سالهم قبل ولا حصلت اجابة مقنعة منهم سابقاً قلت مابي اضيع وقتي عارف الاجابة وش راح تكون

صعدت فوق الا لقيت مكتب مكتوب عليه مدير البعثات

دخلت وسلمت قلت انا الصراحه عندي كم سؤال ولا لقيت احد يجاوبني اجابة مقنعة ودي اعرف الاسباب

طالع لي واستغرب من كلامي قال تفضل اسئل وانا بجاوبك عن الاسئله مو مقتنع فيها


قلت انا طالب دبلوم .. على طول عرف المشكله
قلت انا طالب دبلوم والمشكلة ليه ما انقبلنا بالابتعاث ودي اعرف الاسباب وابي اجابة تقنعني

قال حنا اخذنا تجربتين سابقتين بالمرحله الاولى والثانية المشكلة انهم مايعدلون لكم

قلت طيب انتم تقولون ما يعادلون لنا وانا بنفسي راسلت مكاتب وفيه طلبه راسلوا مكاتب ولقوا انه فيه كثير دول وجامعات تعادل لنا

قال كلامك صحيح ميه بالميه بس تدري وين المشكله ؟
قلت وين قالي هم يقلون كذا انهم يعادلون ولكن يوم تروح هناك يبون يعادلون مايعدلون لك

يعني من كلامه بس انهم خرابيط يقلون نعادل ولا يعادلون شي

قلت طيب انا راسل بنفسي وشايف انهم يعادلون
قال صدقني ما يعادلون لكم حنا اخذنا تجربتين قبل ولا استفدنا شي وحتى لو بيدرسون من الثانوية تكون الشهادة راح تاريخها

قلت طيب بسألك حنا المشكلة حتى هنا ما نقدر نكمل دراستنا وحنا عندنا طموح ولا نقدر نواصل تعليمنا مو من حقي اتعلم واطلب العلم

قالي لا تسألني عن هنا انا ما اعرف شي تبي تسألني أسالني عن الخارج
قلت طيب انا مافيه جامعة مارحت لها مو هدفي اني ابتعث بالخارج هدفي اني اكمل دراستي وواوصل تعليمي

قال ليه ما تروح تبتعث على حسابك قلت شوف يالغالي كل انسان وله ضروفه انا ما اقدر اروح ادرس على حسابي قال شوف رح للاردن ترى رخيصه وكويسه قلت ما عندي قدرة انا ابي اواصل تعليمي خليك في مكاني طيب وش راح تسوي

قال لا تقولي خليك في مكاني وش راح تسوي انا اكبر منك سن وتفكيري يختلف عن تفكيرك قلت شلون تفكيرك يختلف انا اقصد خليك في مكاني علمني وش تسوي قال ورجع نفس الكلام انا لو مكانك بسوي شي حسب تفكيري وكبر سني انا لو مكانك بروح ادرس بالاردن قلت ما عندي قدره قلت شوف انا ما خليت جامعة مارحت لها كل ما اجي جامعة يقلون لي ما نقبلك والحل وش اسوي
قال شتسوي اذا ما تقدر وش تسوي هذا اللي تقدر عليه !!!!

قلت له طيب الدبلوم مالهم شي بعدين يعني مراح يفتح لهم المجال قالي لا مالهم مجال
وبدا يشرح لي عن الدراسه بالخارج يقولي اللي عنده قدره يدرس على حسابه ويشرح لي قلت على العموم انا ما عندي قدرة ومن حقي اتعلم اقل شي لو هنا

اللي فهمته منه يعني ادرسوا على حسابكم وراح تنظمون للبعثه (( قلت لكم اكثر من مرة اللي عنده قدرة لا يجلس يتوكل على الله اذا حاب الدارسة وربي بيوفقه ما طول انه بيتغرب ويتعذب من اجل التعليم والعلم )))

قالي بعدين ها اقتنعت الحين لقيت أجابة مقنعة

طالعت له وقلت خير أن شاء الله ومشيت

بس ولا يهمك يا شباب ولا تتضايقون انا بكرى بروح بعد فيه وأحد أعلى منه بروح ادخل عليه يقلون انه قمه بالاخلاق التعامل انسان ياليت كل الوزارة زيه (( هذا الكلام سمعته من كل الموظفين عنه ))
بروح له واستقعد له واشوف الاسباب

وبنسبة لمعاملتنا اللي دخلت عند الوزير الصراحه اقولكم اخاف تصفقوني
مو طلعت من مكتب مديرا لبعثات طلعت شوي متضايق والصراحه نسيت اروح لاتصالات الادارية واسألهم (( لاتلوموني ))

بس بكرى بروح لهم ... والله يعني بس دعواتكم انه القى شخص يلين قلبه علينا


تحياتي لكم

أخوكم الطامح المكافح لحقوقنا جميعاً
محمد السالمي
mahammmed@hotmail.com

يسلمووو عواد ماقصرت وان شالله يفتحون لنا الابتعاث

أنا أعرف واحد دارس بكلية المجتمع بحفر الباطن وكان في آخر سنة ولم فتحوا البعثات راسل الجامعات وقالوا له بنعادل لك ثلاثين ساعة (يعني مايحتاج يكمل الدبلوم) قدم بشهادة الثانوية وأرسل للجامعة ورقة فيها درجاته ومعدلاته بالكلية وعادلوا له ثلاثين ساعة..
يعني لايتحججوا لنا أن مايعادلوا ساعات هذا الكلام موصحيح..
والكثير من أمثال هذا الشخص عادلوا لهم المواد ..
الله يعينا على هالوزارة ..

حسبي الله عليهم يعني ندرس على حسابنا ؟ وطيب واللي ماعنده قدره ؟

لا ويلمح ويقول ادرس على حسابك ثم حول لحساب الحكومة !! الحين حتى اللي على حسابهم يبغون يدخلون ولاقدروا وذا يقولك حول !!! قسم بالله ان الجهل مستشري داخل المدراء بالابتعاث !!

يارب ياعظيم ان تنتقم منهم وعلى تعاملهم وبرودهم معنا !

مشكووور يا اخ محمد وماقصرت
بالنسبة للكلام اللي يقول انهم مايعادلون, ياريت لو تشوف واحد عنده دبلوم يدرس بعثة وحسبوا له ساعات علشان تقنع هالموظف انهم فعلا يحسبوا